تشريح كويل رينو ميجان صناعة Sagem

**MohammedAladel** · 06-02-2013 04:58 PM

السلام عليكم .... طبعا مفيش أسهل من فك تغيير الكويل ... هو فيه فيشة بندوس عليها من فوق و نشدها وفيه مسمار 10 يتفك بفتاح بيبة 10 وهيطلع معانا
http://www.nilemotors.net/Nile/79485-a.html
دا منظر الكويل اللى بينزل فى العربية السيجم

مصنوع فى فرنسا من سيجم

الكويل رأسه لونها رمادى

أنا شلت الرأس دى راكبة ضغط هى ....

بعدين هنبص مكانها هنلاقى جسم الكويل ا لداخلى ماسك فى القطعة البلاستيك السواداء جسم الكويل الخارجى برضه ضغط هنلاقى حتت كدا هندوس عليها بأى مسمار هتتكسر وهنطلع الكويل من الجسم الخارجى البلاستيك
دا جسم الكويل الخارجى البلاستيك

ودا الكويل نفسه نلاحظ إن عليه من برا غلاف اسطوانى حديد أسود أنا استخدمت مفك وشلت بيه الغطاء دا زقيته لبرا

هنلاقى تحته غطاء اسطوانى دائرى برض هلونه نحاسى كدا برضه زقيته لبرا وطلعته

ودا الكويل وجنبه الغطاء النحاس والغطاء الحديد الأسود

ودا شكل الكويل والملف النحاس اللى حواليه هو عبارة عن قطعة خزف كدا أو مادة شبيهة بالفخار ولافف حواليها السلك النحاس دا بس من جوا محشية بإيه الله أعلم

الحتة الجلد اللى من قدام خلعتها برضه لقيت تحتها سوستة كدا وفيها حتة بلاستيك

ودى السوستة اللى بتوصل الكهرباء للبوجيه
ودى حتة بلاستيك بيركب عليها السوستة

أنا اللى حصل عندى إن عندى كويلين بايظين الأول والرابع للعلم إن السلندر الأول والرابع مع بعض والسلندر التانى والتالت مع بعض

كمان هما عبارة عن دايرتين كل كويلين منهم ليه دايرة يعنى لو كويل فصلت الفيشة بتاعته الكويل التانى اللى معاه هيفصل والعربية هتبقى شغالة 2سلندر بس

الكويل اللى فوق دا بايظ خالص مش بيطلع شرار نهائى ولكن طالما الفيشة راكبة فيه والددايرة شبه واصلة حتى الكويل اللى معاه بيشتغل عادى

اللى حصل عندى إن الكويل دا بايظ والكويل اللى معاه بيضرب شرار من على الجنب يعنى يعتبر العربية ماشية 2 سلندر فقط

بس أنا نفسى اعرف ازاى 2 سلندر بيطلعوا وينزلوا مع بعض يقوموا الموتور ؟؟ هو مش المفروض إن 2 سلندر يخبطوا تحت والاتنين التانيين يخبطوا فوق دلوقتى الاتنين سلندر اللى فى النص بيخبطوا تحت طيب بيرجعوا تانى أزاى فوق ؟؟؟؟؟؟؟؟؟؟؟

أنا مشيت بالعربية مسافة 150 كيلو قبل ما أعرف العيب بالظبط العربية استهلاكها للبنزين بشع وطلعت دخان طبعا عشان الاحتراق الغير كامل وطبعا الحمل زاد على 2 سلندر فقط وبيشربوا بنزين بقى عشان يقدروا يعوضوا ويخلوا العربية تمشى

**solly1979** · 06-02-2013 05:39 PM

مجهود رائع يا محمد باشا استمر

**ahmed_hanafi** · 06-02-2013 06:21 PM

جزاك الله خيرا علي المعلومات اللي حضرتك جبتها لينا

**Dr.Rayyan** · 07-02-2013 06:23 AM

مش من ملاك الميجان بس تحياتى ليك

**haythamkmal** · 07-02-2013 10:48 AM

الله ينور يا محمد باشا ، دائما متميز

**abasse** · 07-02-2013 11:11 AM

بس انت جربت حكاية ان لو فصلنا الفيشة عن واحد التاني الي معاه بيفصل وميطلعش شرارة

**MohammedAladel** · 07-02-2013 05:05 PM

أيوة جربتها طبعا ... دى دايرة متكاملة ... لو فصلت الكويل الأول مثلا الكويل الرابع هيفصل على طول

**MohammedAladel** · 07-02-2013 05:13 PM

بص يا باشا هو النظام كالآتى

البستون الأول والرابع بيطلعوا وينزلوا مع بعض والثانى والثالت مع بعض

فى حالة إن البستون الأول والرابع فوق بيبقى البستون الثانى والثالت تحت يعنى بيردوا على بعض الأول والثالت يخبطوا تحت والثانى والثالت بناء على الخبطة دى بيطلعوا فوق ويبقى الدور عليهم فى الخبطة يخبطوا تحت يطلعوا الأول والثالت فوق وبكدا الموتور يمشى

أنا بتساءل بقى فى حالة فصل الكويل الأول والرابع يعنى البستون الأول والرابع مش شغالين أزاى الثانى والثالت مشغلين المحرك

طيب لما بيخبطوا تحت مين بيردهم تانى لفوق ؟؟؟ أنا بقول بتأثير رد فعل دوران الكرنك هيطلعوا تانى ؟

بالنسبة للإشعال بقى برغم إن الكويل الأول والرابع مع بعض لكن الكويل الأول بيضرب الأول الشعلة بينزل السلندر الأول والرابع لتحت .... بعدين لما بيطلعوا تانى الكويل الرابع بيضرب شعلته على السلندر الرابع ينزل السلندر الأول والرابع تحت تانى ... يعنى بيتناوبوا الأدوار

ودا معناه إن كل كويل ليه زمن معين فى الإشعال برغم إن السلندرين بيطلعوا وينزلوا مع بعض