فتحه السقف فى مازدا ٣ ارجو الافاده

**Marlboro011** · 20-02-2013 05:00 AM

اظاهر كده ان فى ترتيب معين فى زراير فتحه السقف علشان افتح الفتحه فتحه كامله وانا عاوز اريح نفسى من الترتيب دا عاوز افتحها او اقفلها من زرار واحد بس فارجوا الافاده فى الطريقه لانى كنت لما بحتاج افتحها بدوس على الزرار اللى ناحيه كرسى السائق مره لورا تفتح ولقدام تقفل ركب جنبى واحد ابن حلال كده لعب فى الزرار اللى التانى اللى ناحيه اليمين ودلوقتى افتحها ما تفتحش للعلم انا اول ما جبت العربيه حصلت معايا واتصلت بصاحبها قالى على ترتيب الزراير بس انا نسيت

**Marlboro011** · 20-02-2013 10:52 AM

الله يرحمك يا ميجان كنت اقول اى استفسار والرد بسرعه والله كنت بحب الريينو ميجان علشان قسمها اللى هنا الاستاذ محمد العادل والاستاذ احمد عبد المقصود لكن قسم المازدا كام مشاهده ومافيش افاده واحده

**medokassem** · 21-02-2013 12:54 AM

ياعمنا منزعلش نفسك انتا عمال بتقطم في الناس اللي هنا ومش كلهم عندهم فتحة سقف
شوف ياباشا عشان تفتح فتحة السقف لجوا لازم تكون مقفولة مش مرفوعة
يعني من الاخر عشان متوجعش دماغك حتي متعلقة في النص دوس علي الزرار اللي ناحية السائق لجوة ناحية الزجاج الاماميً لحد ما الفتحة تقفل بعدين بتكه واحده من نفس الزرار لورا هتلاقيها بتفتح
الزرار اللي ناحية الراكب بيطلعها وينزلها لفوق مش لجوة