العربية ساعات ما بتقفلشى لوحدها !!!!

**m_marmoush** · 24-02-2013 01:34 PM

بالنسبة للرينو فلوانس e3 سمارت كارد، حصلت معايا مرتين أن العربية ماتقفلشى السنتر و المرايات لما أبعد عنها، الموضوع دة حصل معايا مرتين فى شهر واحد علما بأن كل الأبوب بتكون مقفولة كويس.
هل العيب دة تهنيجة كمبيوتر ولا موجود عند الناس كلها

**ahmed_hanafi** · 24-02-2013 02:39 PM

انا اول مرة اسمع عن العيب دة بس لو كدة يبقي روح علي التوكيل علطول .... بس المشكلة ان انت بتقول انه مش بيتكرر كتير يعني ممكن يحصل وممكن لا

**dandashx** · 24-02-2013 04:22 PM

حاول تجرب أكتر من مرة، عشان تحدد هل الأعراض دي مرتبطة بظروف معينة، زي وجود حواجز، أو إن الكارت الذكي موجود جمب كروت تانية ممغنطة.

وفي جميع الأحوال، عليك وعلى التوكيل. ومتسبش حقك.

**MohammedAladel** · 24-02-2013 05:52 PM

أنا مش فاهم بالظبط إيه المشكلة ....

بس دى غالبا حاجة عرضية ومش مشكلة بإذن الله لأن الكارت بيتأثر بالمجال المغناطيسى اللى حواليه والترددات الهوائية

بس كدا مش اكتر

ممكن لما تبعد ما يلقطش معاك لأن ليه مدى معين أو عشان الحجر ضعيف شوية

بسيطة ان شاء الله

**m_marmoush** · 25-02-2013 08:18 PM

المشاركة الأصلية كتبت بواسطة dandashx

حاول تجرب أكتر من مرة، عشان تحدد هل الأعراض دي مرتبطة بظروف معينة، زي وجود حواجز، أو إن الكارت الذكي موجود جمب كروت تانية ممغنطة.

وفي جميع الأحوال، عليك وعلى التوكيل. ومتسبش حقك.

مفيش أعراض تانية للأسف، بس الموضوع نادر الحدوث فعلا

ححاول أغير البطارية وأتابعكم

**ahmedelfeky** · 25-02-2013 08:22 PM

بالتوفيق ان شاء الله وابقي طمننا

**yalahwy2010** · 26-02-2013 12:25 AM

المشاركة الأصلية كتبت بواسطة ahsd2000

بص يا سيدي .
لو كنت فتحت العربيه من زرار الفتح وابتعدت عنها ((بدون ماتدورها)) العربيه مش هتقفل .
حاجه تانيه لازم تاخد بالك منها . الكارت لما يكون ملاصق للموبايل العربيه مش بتحس بيه واحيانا كانت مابتدورش معايا لو كان الكارت والموبايل في نفس الجيب.

+11111111111

**ahmed_hanafi** · 26-02-2013 07:55 AM

المشاركة الأصلية كتبت بواسطة ahsd2000

بص يا سيدي .
لو كنت فتحت العربيه من زرار الفتح وابتعدت عنها ((بدون ماتدورها)) العربيه مش هتقفل .
حاجه تانيه لازم تاخد بالك منها . الكارت لما يكون ملاصق للموبايل العربيه مش بتحس بيه واحيانا كانت مابتدورش معايا لو كان الكارت والموبايل في نفس الجيب.

تمام كدة ... اعتقد ان الموبايل بيكون جنب الكارت علشان كدة مش بيشتغل

**hic** · 26-02-2013 03:56 PM

البطاريه لما تضعف بتظهر رسالة ان البطاريه محتاجه تتغير فمفيش داعى لتغير البطاريه طالما مفيش الرساله .
انا بتحصل معايا كتير بس بيكون بسبب انى بسيب العربيه دايره و انسى انها دايره فلما ابعد مش بتقفل فا ارجع العربيه اكتشف انى سبتها دايره.