الموضوع: العربية بتبطل لوحدها

بصراحه كل الحاجات اللي انت قولت انك غيرتها هي نفسها كل الاسباب اللي ممكن تسبب المشكله دي !!!!!!!!

المشاركة الأصلية كتبت بواسطة strong

أنا غيرت طرمبة البنزين
وغيرت البوجيهات
وأسلاك البوجيهات
ونظفت البوابة
وعملت ايدل ليرن
وعملت اختبار شرارة

بعد كل التغييرات دي
ولو اتاكدت ان كل القطع المتغيرة تعمل بكفاءة
ممكن يكو الكنترول فيه حاجة
بس الاول راجع على فيوزات طرمبة البنزين والكاتوت بتاعها

المشاركة الأصلية كتبت بواسطة mahmoudysf

بعد كل التغييرات دي
ولو اتاكدت ان كل القطع المتغيرة تعمل بكفاءة
ممكن يكو الكنترول فيه حاجة
بس الاول راجع على فيوزات طرمبة البنزين والكاتوت بتاعها

أنا هابدأ أولا بمراجعة الكتاوت والفيوزات يمكن يكون في حاجة بتفصل مع المشي

المشاركة الأصلية كتبت بواسطة shiref_mohamed

اعمل اسكانر و اكيد هيبان السبب

هل الاسكانر هيبين ضغط الطلمبة وجودة الرشاشات وجودة الحريق وهيظهر السبب المباشر للتبطيل حتى لو ما بطلتش عنده علشان هي بحالات يعني ممكن تيجي عند الميكانيكي وتبقى تمام

المشاركة الأصلية كتبت بواسطة leeamra99

بص يا باشا انا كان عندى نفس المشكله و الميكانيكى غيرلى الرشاشات لان الرشاشات كانت بتسيل و البوجيهات مش بتحرق كويس بعد ما شيك على ترس الكاتينه و العربيه بقت زى الفل و الرشاشات دى استيراد ب 200 ج

الرشاشات بتاعتي غير متوفرة استيراد وسعرها جديدة 700 الكوري واعتقد انهم سلام لان استهلاك البنزين كويس جدا وبتدور الصبح على طول والوجيهات بتطلع حارقة وكويسة وطبعا هاكشف عليهم للاحتياط

المشاركة الأصلية كتبت بواسطة samirayad

أعتقد هنا مربط الفرس

وهنا يكمن سبب التبطيل مع السرعات

فعاوز أعرف

1- غيرت شنبر ليه وعربيك أساسا 2006 على ما أتذكر ياحج : أحمد

2- غيرت كاوتش صباب ولا لا

3- هل كشفت على البوجيهات وخصوصا أول ما بتبطل منك


لأننى شاكك فى كاوتش الصباب


_____________________

ياريت برضه تكون متأكد أن فيشة حساس الكرنك راكبه بأحكام ونظيفه

غيرت شنبر لأن العربية كانت بتبطل وده السبب الاساسي وكانت بتطلع دخان بكل الألوان في الصبح أول ماشغل بتبقى دخانة بيضاء كثيفة جدااااااااا وبعد 30 ثانية تقريبا تبقى سوداء قاتمة زي عربيات الجاز وكل ماضغط بنزين الدخانة بتزيد بطريقة بشعة جميع أنواع الأدخنة بتختفي بعد مامشي 2 كيلو وبتظهر دخانة زرقاء بسيطة وغير ملحوظة لما امشي بيها أكتر من 3 ساعات وعلى سرعة عالية فالميكانيكي فاللي غير حساس شكمان ورشاشات واعمل شنبر وكاويتش صباب فأنا قلت نبدأ بالشنبر وكاويتش الصباب ونشوف الوضع ايه وبعد ما عملتهم ولله الحمد اختفت جميع أنواع الأدخنة في كل الأوقات المشكلة الحالية التبطيل بدون سبب يعني أكون ماشي 100-120 مثلا لو ضغطت دبرياج علشان انقل ألاقي العربية بطلت والفرامل حجرت والدريكسيون تقل ولما اسيب دبرياج ترجع تمشي تاني وكل حاجة ترجع مظبوطة ولو هديت ل 20 وضغطت دبرياج بتبطل على طول طبعا ده بيحصل في معظم الأوقات وليس كلها

المشاركة الأصلية كتبت بواسطة samirayad

شوف الكتاوتات والفيوزات كلها أولا وجرب

وبعد كده خش على الفيش

سواء بوبينا أو فيشة حساس الكرنك

وكده المشكله عندك فعلا

عباره عن فصل كهربى مؤقت بيحصل مع نقل وفصل القدره من المحرك للفتيس

جاري التجربة وخصوصا إني بقيت مستريح ولله الحمد بعد تحول السيارة للنظام البري بدلا من الطيران بس سؤال كده سريع أنا عايز أجيب علاية أكبر لأن العلاية الكاويتش بتنكمش بعد فترة والعربية بتحتك في المطبات أجيب علاية نوعها أو خامتها ايه بس تكون مش بتتفعص مع كتر المطبات