حاجة اخيرة لاحظتها فيها
الدركسيون بتاعها الباور فيه تقيل حاجة بسيطة وانا واقف وبيقل وانا ماشي
وممكن دة لان الباور زيت مش كهربا زي الاوكتافيا
رقم العضوية : 132826
تاريخ التسجيل : 29Dec2012
المشاركات : 229
النوع : ذكر
الاقامة : الاسكندرية
السيارة: نيسان صنى
السيارة[2]: اوكتافيا اية 5
الحالة :
السلام عليكم
الحمد لله رب العالمين، ربنا وفقني اليوم واستلمت نيسان صني شكل قديم من احمد مرعي في اسكندرية استلام فوري، بعد ما خصلت من عربيتي القديمة الاوكتافيا لانها كانت خلاص فتحت بوقها وبتطلع في الروح
الاسعار كانت كالاتي
109 استلام بعد شهر صني شكل جديد
113 استلام فوري للالوان المتاحة الشكل القديم
113 استلام فوري لاي لون للشكل الجديد
طبعا بعد استخارة المولي عز وجل ثم استشارة اهل الخبرة في المنتدي هنا
http://www.nilemotors.net/Nile/371064-a.html
رسيت على نيسان الشكل القديم
العربيتين كانو قدامي النهاردا قبل ما اقرر وتفحصتهم بشكل كويس جدا
وزاد تمسكي بالشكل القديم بعد جولة الفحص للعربيتين
وجدت نفسي ميال للشكل القديم اكتر من عدة جهات
صني الجديدة محبتش شكلها خالص، حاسس ان تصميمها مع اعتذاري الشديد لملاكها (دي وجهة نظر شخصية) مستفز جدا
كبيرة وصاجها لاحظت انه اضعف من صاج القديمة
شكلها غير انسيابي تماما
عالية بطريقة مش حلوة عن الارض
حسيت في خطوطها وانحنائاتها انها معمولة شغل فض مجالس (عك) ، مش عربية محترمة من شركة محترمة
دة بخلاف كل الاراء من ملاك الصني الجديدة عن سوء الفرامل والتيلات والطنابير والكاوتش والتقفيل
اخدت العربية بعد مفاصلة مع احمد مرعي ب112 استلام فوري وكان لونها اسود
الصراحة الناس هناك تعاملهم محترم جدا وهروح لهم يوم الاثنين بعد العيد عشان ارخص
طلعت بالعربية وطبعا اول حاجة حسيتها سحب العربية
ما شاء الله ممتاز، يتفوق على الاوكتافيا اللي كانت معايا بمراحل
التكييف قوي جدا، برضو يتفوق على الاوكتافيا
الكرسي مريح نوعا ما
ابعاد العربية اتعودت عليها بسهولة
فرامل العربية متوسطة الجودة، الاوكتافا تتفوق عليها
التابلوة جيد نوعا ما وصوت السماعات مرضي بشكل متوسط
صوت الموتور جيد جدا والعزل ممتاز
اعيب على العربية نعومتها الشديدة، ودة بيسبب شعور طفيف بعد الاتزان، يمكن الامر شخصي علشان الاوكتافيا كانت تقيلة جدا وراسية بشكل مخيف على الارض
الكنبة اللي ورا متوسيطة الحجم لكن مرضية
كنتيجة عامة انا معجب بالعربية بنسبة مش قليلة وبقول الحمد لله واللهم اكفني شرها واعطني خيرها
وكتير قالولي مش براحة نفسية في الاول لانك كنت راكب اوكتافيا وبعديها ركبت صني
مش بنكر طبعا الكلام دة لكن الزيرو له زهوته برضو مع احترامي لكل الماركات
واخيرا مشكلة ضيقتني جدا
حاسس ان مكان الفرامل بعيد عن البزين، ودة بيسبب ان رجلي مش بتكون مرتاحة طول ما هي على الفرامل لانها بتكون مش مسنودة على المكان اللي جنب الفيتيس، بخلاف لما تكون على البنزين بتكون مرتاحة جدا
غير كدة الحمد لله العربية جميلة وانا مبسوط بيها وربنا يديمها عليا نعمة ويحفظها من كل شر يا رب
الف شكر لكل واحد قدملي النصحية على العربية الجميلة دى في المنتدي في الموضوع الاول
وانا مستعد لاي نصيحة لو يحب احد الافاضل انه يوجهالي بخصوص الصني
رقم العضوية : 132826
تاريخ التسجيل : 29Dec2012
المشاركات : 229
النوع : ذكر
الاقامة : الاسكندرية
السيارة: نيسان صنى
السيارة[2]: اوكتافيا اية 5
الحالة :
حاجة اخيرة لاحظتها فيها
الدركسيون بتاعها الباور فيه تقيل حاجة بسيطة وانا واقف وبيقل وانا ماشي
وممكن دة لان الباور زيت مش كهربا زي الاوكتافيا
رقم العضوية : 133120
تاريخ التسجيل : 05Jan2013
المشاركات : 292
النوع : ذكر
الاقامة : mansoura
السيارة: nissan sunny
السيارة[2]: fiat
الحالة :
الف مبروك واحسنت الاختيار وربنا يباركلك فيها ان شاء الله بخصوص الباور هوه فعلا تقيل شويه بس ده ميزه علشان في السرعات العاليه ميبقاش خفيف والعربيه تعوم منك وع فكره العربيه ثباتها علي السرعات العاليه ممتازه والفرامل كويسه جدا متقلقش منها وهتحس بيها بعد كده بس طبعا مفيش عربيه مفهاش عيوب انا هقلك علي العيوب اقبل متكتشفها بنفسك وهي عيوب بسيطه لا تؤثر علي العربيه اولا استهلاك عالي نسبيا للبنزين خاصه اول 5000 كيلو واللتكيف بيأثر نسبيا علي السحب وخاصه في الطرق السريعه غير كده ان شاء الله متلقيش في العربيه حاجه انا عايزك بس تعمل كسوه جلد نضيفه للكراسي ودلايات عشان الصني متنزلش بدلايات والف مبروك
رقم العضوية : 19004
تاريخ التسجيل : 14Sep2008
المشاركات : 5,735
النوع : ذكر
الاقامة : El-menya
السيارة: Lancer 1993 & VW 1964
السيارة[2]: نيسان صني فيس لفت
دراجة بخارية: هانكو 150
الحالة :
الف مبروك و ربنا يحفظهالك من كل شر
[mshosh2]http://www.4shared.com/photo/lCkSz74F/morsee.html[/mshosh2]
رقم العضوية : 113652
تاريخ التسجيل : 21Sep2011
المشاركات : 947
النوع : ذكر
الاقامة : المنصورة
السيارة: لا يوجد
السيارة[2]: kia cerato sx 2013
دراجة بخارية: لا
الحالة :
ألف مبروك ... وربنا يبارك لك فيها.
رقم العضوية : 602
تاريخ التسجيل : 12May2007
المشاركات : 796
النوع : ذكر
الاقامة : sharkia
السيارة: Lancer 99
السيارة[2]: Logan AT 2014
دراجة بخارية: no
الحالة :
الف مبروك ربنا يبارك لك فيها
م/محمود عساف
رقم العضوية : 11385
تاريخ التسجيل : 23May2008
المشاركات : 3,289
النوع : ذكر
الاقامة : Egypt
السيارة: Lancer
السيارة[2]: Peugeot
دراجة بخارية: لا
الحالة :
الف مبروك يا باشا علي العربية,
والشكل القديم فعلاً كان أفضل أختيار مادام كنت مصمم علي نيسان سواء لشكل العربية,
أو أنك تبعد عن مشكلة فرامل الشكل الجديد لحد ما تتحل,
ربنا يبارك لك في العربية, وألف مبروك تاني.
رقم العضوية : 45066
تاريخ التسجيل : 18Aug2009
المشاركات : 135
النوع : ذكر
الاقامة : alex
السيارة: no
السيارة[2]: nissan sunny super salon
دراجة بخارية: no
الحالة :
الف مبروك
رقم العضوية : 144514
تاريخ التسجيل : 27May2013
المشاركات : 12
النوع : ذكر
الاقامة : المنوفيه
السيارة: لا يوجد
السيارة[2]: نيسان صني
الحالة :
مليون مبروك ي باشا على العربيه .. ربنا يعطيك خيرها و يكفيك شرها ..
في بس نصيحه صغيره كنت عاوز انبه حضرتك عليها .. العربيه دي ساعات (مش كل العربيات) بتنزل فيها مشكله في ضفيره الكهربا .. المشكله دي ظهرت عندي (الشكل القديم موديل 2012) بعد حوالي 6000 كم .. و اللي عرفته بعدها ان تقريبا تمن الضفير حوالي 4000 جنيه .. و الحمد لله اتغيرت في التوكيل مجانا تماما "مدفعتش جنيه" و العربيه بقت زي الفل الحمد لله .. عشان كده كنت عاوز اقول لحضرتك يا ريت تفعل الضمان و تحافظ عليه لانه بيقع لو فوت صيانتين كبار ورا بعض (الصيانات الكبيره اللي هي 10000 و 20000 على ما افتكر "مش متاكد اوي" )
اعراض الضفيره اللي يا رب متحصلش معاك .. ان العربيه معايا كانت بتقطع و تقف ولو ماشي على سرعه تنتش و ساعات مترضاش تسحب خالص الا لما اجيب اخر الدواسه .. في ناس تانيه كانوا بيقولوا ان بيبقى الار بي ام مش مظبوط (دي محصلتش معايا و اللي حصل معايا محصلش مع ناس غيري) .. المهم الغايه من الكومنت اني انبه حضرتك لموضوع الضمان تجنبا لاي تكلفه زياده .. و ربنا يكفيك شرها يا باشا :)
رقم العضوية : 76875
تاريخ التسجيل : 03Aug2010
المشاركات : 119
النوع : ذكر
الاقامة : بنها
السيارة: Nissan Sunny 2010
السيارة[2]: Lada 94
الحالة :
الف مبروك يا باشا واحسنت الاختيار .. ربنا يباركلك فيها ان شاء الله
المفضلات