الموضوع: استفسار جديد (( اويل سيل الكرنك ))

المشاركة الأصلية كتبت بواسطة أحمد جودة

السلام عليكم ورحمة الله وبركاته


الموضوع كنت عاوز اغير اويل سيل الكرنك علشان عندي تنشيع زيت على الكارتيرة بتاعت الموتور من فترة روحت للميكانيكي فك الكارتيرة ونضف الجوان بتاعها وقاللي انه الاصلي وهنركبة تاني وبعدها وتنشيع الزيت ابتدي يظهر تاني المهم انا حاسس ان التنشيع جاي من فوق لتحت لاني حاسس ان الطنبورة العلوية اللى راكب فيها سير الدينامو هييا اللى بتنشع زيت
علشان بردو زودت زيت الموتور امبارح وحطيط اكتر من نصف كيلو والمشكلة عندي العربية مش بتمشي كتير فضطر اغير الزيت بدل من 3000 على 1500 علشان النقص فقررت اوقف نزيف الزيت

المهم امبارح حرقت على مسامرين وش التاكيهات كان فيهم رباط خفييييف جدا

والـــ 4 مسامير اللى تحت البوجيهات كان فيهم بوش حرقت عليهم ومردتش احرق جامد خوفا من اى مفاجاة الحكاية مش ناقصة


ياتري انا ممكن افك الطنبورة دي واقدر اغير الاويل سيل بنفسي ولا لازم الاستعانة بالدكتور

غالى والطلب رخيص يابوحميد............عاوز تغير الويل سيل الكرنك بنفسك ؟؟؟؟؟؟؟؟؟؟؟

مش حتحتاج انك تخرج الماكنة برو ولا حتفك كارتيرة الزيت الموضوع بسيط جدا وسهل....
ارفع العربية من الجنب اليمين
حتهوى على الدينمو
2-شيل سير الدينمو خالص....
3- لوكمة 30 اللى هى مفتاح صاملة الكوبلن الكبيرة اشتريها تنفعك فى حجات كتير ....
4- فك المسمار اللى ماسك الطنبورة....
5-بالمسايسة اسحب الطنبورة من الكرنك وخلى بالك من الخبور اوعى يضيع منك....
6-بمفك عادة حاول تقرس على حرف الويل سيل القديم وخرجة لبرة....
7- ركب الويل سيل الجديد بحذر شديد وخلى بالك من الرايش والرمال....*
8-ركب الطنبورة والخابور....
9- اربط المسمار ال 30وحرق علية بالمفتاح اللى حكيتلك عليه فى البند الثالث....
ركب سير الدينمو شد الدينمور واربط مسمار الشداد ال13 واتوكل على الله والف سلامة ياغالى....*

الصعب بقى اويل السيل اللى ناحية الاسطوانة لأنك حتحاج تفك الفتيس بالكامل....