الموضوع: عيوب فى كوبلن الفيليشيا ويا ترى ايه البديل ؟

المشاركة الأصلية كتبت بواسطة maged_samy

كوبلن الفيليشيا فيه 3 عيوب رئيسية بالمقارنة بالكبالن الاخرى :
1- قلاوظ الكوبلن يبدأ من اوله وده بيخلى اى دق عليه يبوظ السن .
2- السوستة الصلب اللى ماسكة الكوبلن فى عمود الكردان مفيهاش خروم علشان تتنفك ببنز السوست ولازم تتكسر عند فك الكوبلن وملهاش بديل نهائى فى السوق كله .
3-الصامولة ال 30 اللى رابطة الكوبلن فى العجل مفيش مكان واطى فى عمود الكوبلن علشان تاخد زنبة وبالتالى مهما اربطها كل فترة بتتفك لوحدها وده حصل فى 3 عربيات فيليشيا اعرفهم .
كان عندى الكوبلن فى عربيتى القديمة ال 127 موديل 1982 كان فيه حتة فاضية قبل القلاوظ و السوستة كانت بخرمين بفكها بسهولة ببنز السوست وكان فيه حتة لزنبة الصامولة ال 30 .
السؤال :
ايه المقاس اللى ممكن يركب على الفيليشيا من العربيات التانيه ويكون فيه حل للعيوب دى ؟
وده الفرق بين النوعين فى الصورة ( لاحظ مكان الزنبه وتأخير القلاوظ ) :

عندك حق والله استاذ مجدى فعلا دى مشكلة علشان كدا انا اشتريت مفتاح 30 لقمة بالافيه بتاعها علشان احرق على الصامولة كل فترة....

انما انا عندى فكرة ممكن قبل ما نركب الكوبلن نروح المخرطة نثقب ثقب فى عمود الكوبلن اللى يمكننا من تتيل الصامولة بكدا حنخلص من فك الصامولة ودا فعلا موجود فى العجل الخلفى تعرف انها معتمدة فقط على التيلة اللى بقللك عليها والصامولة مش ممكن تحرك عليها علشان تحرير حركة العجلة يعنى اللى ماسك الفرد الخلفية تيلة هايفة جدا....

بالنسبة للتيلى اللى بتمسك راس الكوبلن فى عمود الكوبلن فعلا دى مشكلة ومش موجودة فى السوق كقطعة غيار حرة انما بتيجى فقط مع الكوبلن الجديد انما عند فك الكوبلن فى طريقة ممكن تحافظ بيها على التيلة دى انك تخرج زراع الكوبلن من الفتيس ودق دق خفيف مع الدوران على راس الكوبلن حيخرج معاك والتيله حتفضل زى ما هية انا عملتها قبل كدا لأنها فعلا دوختنى وحاولت اعمل تيلة زيها بسلك صلب مامكنش وروحت اشتريت جلدة كوبلن ب 20 جنية علشان التيلة دة لأن جلدة الكوبلن بيجى معاها تيلتين واحد لراس الكوبلن والتانية لصليبة الكوبلن....

المشاركة الأصلية كتبت بواسطة hamroosh

سؤال معلش:
ايه اعراض النقطة رقم3 ، يعني امتى اعرف انه اتفك ومحتاك ربط؟

لو حاولت تحرك الفردة اثناء وقوف السيارة ووجدتها تتحرك معك للخارج واستماع صوت خبط (بتلق يعنى)

المشاركة الأصلية كتبت بواسطة maged_samy

تمام يا استاذ / صبحى بس ياريت لوعرفنا ايه اللى يركب مكانة هل بتاع الدايو مثلا ولا الاوبل ولا ايه ؟ ومين اللى ممكن يفيدنا هل بتاع قطع الغيار ولا ميكانيكى ؟

طيب أ:ماجد .... احنا ممكن نروح لأى ميكانيكى ونطلب من بعض الكبالن التالفه نشتريها منه ونعمل مقارنة والتجربة تكون عملى لو زراع الكوبلن ركب فى راس الكوبلن يبقى تمام نشوف بقى الصورة لو السنون ركبت على السنون يبقى تمام يعنى نجرب مع كنالن قريبة الشبة بكوبلن الفليشيا....