الموضوع: فرامل اليد ميجان 2006

انا مش فاكر الفرامل ورا طنابير ولا دييسكات بس تقريبا طنابير المهم لو طنابير

الميكانيكى الشاطر بيعرف يرجلشها من فتحه كده بتبقى فى ظهر الطنبوره بيبقى متغطيه بكاوتشه بيشيلها ويحط مفك ويلف ترس صغير كده

لكن انت هاتضطر تفك الطنبوره وهتلاقى فيه زى ترس صغير كده ده لما تلفه يقرب كفتين التيل او يبعدهم عن بعض
اساسا انت بتلفه لفتين او تلاته مش كتير يعنى طبعا بتكون منزل فرامل اليد

فرامل يد الميجان بتترجلش من عند الهاند ﻻزم تفك الكونصولة الي بين الكراسي عشان توصل لمسمار رجﻻش العصاية
بس هيا عامة بتبقى مظبوطه على الوضع الامثل ياريت تراجع على التيل والطنابير الخلفية لان هما الى بيطولو مشوار فرامل اليد لما بيتاكلو والمشكلة مش من رجﻻش الهاند خالص

المشاركة الأصلية كتبت بواسطة eng.salama93

طيب كل الكلام دا ايه علاقته بفرامل اليد !!

اهوة دردشة يا باشا متخدشي في بالك
وكله منفد علي كله

المشاركة الأصلية كتبت بواسطة solly1979

اهوة دردشة يا باشا متخدشي في بالك
وكله منفد علي كله

هههههههههههههههه كل سنه وانت طيب
بس فعلا فرامل اليد مالهاش دعوة بالمشكلة .. بص انا ظهرت عندي مشكلة - مش زى بتاعتك - بس قريبة وهي اني لما كنت بتدوس فرامل بحس بخبطة الـ abs في الفردة الشمال أقوى من الفرده اليمين بشكل ملحوظ أوي قلت يمكن الـ ebd او الطريق مش مظبوط لكن بدأت أخد بالي أنها بتظهر في كل الطرق تقريباً روحت كشفت على الديسكات - انا مش عارف اسمها ايه بالدراج - المهم كانت عايزة مس بسيط جداً على المخرطة يبدو أن التيل اللى مالك السيارة الأسبق كان مركبه عمل بعض الخدوش فيها وده كان بيخلي التيل يبلط - اسمها كده - وده كانت تخلي التيل بتاع الفرده ديه يزحلق الفرملة يعني كانت فاعليته قليلة مقارنة بالتيل التاني .. المهم مطولش عليك بعد تفكير كبير - زى مانت قلت الديسكات غالية ومش عايزة لعب كتير - المهم 30 جنيه لبتاع المخرطة المس كان بالظبط 0.5 ملم و 20 جنيه للفرملجي و220 جنيه تيل جديد بقه فاليو والفرق بقه تقريبا 70 في المية افضل

المشاركة الأصلية كتبت بواسطة ahmed elhddad

هههههههههههههههه كل سنه وانت طيب
بس فعلا فرامل اليد مالهاش دعوة بالمشكلة .. بص انا ظهرت عندي مشكلة - مش زى بتاعتك - بس قريبة وهي اني لما كنت بتدوس فرامل بحس بخبطة الـ abs في الفردة الشمال أقوى من الفرده اليمين بشكل ملحوظ أوي قلت يمكن الـ ebd او الطريق مش مظبوط لكن بدأت أخد بالي أنها بتظهر في كل الطرق تقريباً روحت كشفت على الديسكات - انا مش عارف اسمها ايه بالدراج - المهم كانت عايزة مس بسيط جداً على المخرطة يبدو أن التيل اللى مالك السيارة الأسبق كان مركبه عمل بعض الخدوش فيها وده كان بيخلي التيل يبلط - اسمها كده - وده كانت تخلي التيل بتاع الفرده ديه يزحلق الفرملة يعني كانت فاعليته قليلة مقارنة بالتيل التاني .. المهم مطولش عليك بعد تفكير كبير - زى مانت قلت الديسكات غالية ومش عايزة لعب كتير - المهم 30 جنيه لبتاع المخرطة المس كان بالظبط 0.5 ملم و 20 جنيه للفرملجي و220 جنيه تيل جديد بقه فاليو والفرق بقه تقريبا 70 في المية افضل

عملت كل الكلام دة يا باشا ولا الهوا
الطنابير الأصلي وإلا فلا
او لازم حد يكون مجرب طنابير كويسه ومشي بيها بتاع ٤٠ الف كدا
كل سنه وأنتم طيبين وعيد سعيد