لادا 2110 مو 2007

**محمود علي محمد** · 29-09-2013 07:35 PM

انا هشتري لادا 2110 مو 2007 بس محتاج اعرف فين اماكن قطع الغيار وهي ماشية38000كم وانا ثاني يد وسعرها 32000 فيريكا بره وجوه هل السعر مناسب
ارجو الافادة من اهل العلم

**addams_2** · 29-09-2013 10:44 PM

سيارة ممتازة
سعرها مناسب جدا
قطع الغيار متوفرة جدا في كل مكان

**HanyAziz** · 29-09-2013 10:58 PM

الاخ محمود تحية طيبة وبعد
مبروك مقدما على السيارة وربنا يجعلها وش السعد عليك
السعر كويس لانى العربية شكلها بحالة كويسة والعداد بتاعها قليل يعنى ممشيتش كتير وبرضو لازم تفرجها لميكانيكى وعفشجى تبعك حتى تتاكد ان العربية مش محتاجة مصاريف مستخبية وياريت تجرب العربية بنفسك وتشوف مدى ارتياحك لسواقتها واقتناعك بيها وخلى باللك انى العربية دى مثيلتها فى الصينى مش اليابانى اوالكورى حتى على افتراض اسبرانزا 516 نفس سنة الموديل بتزيد من 10 الى 13 الف جنية لو نفس الحالة فصعب جدا نلافى حاجة بالموديل والمواصفات دى بالسعر دة دا حتى الشاهين 2007 بيعمل من 42 ال 45 الف بس فى المقابل بنتغاضى عن بعض اللميزات التى تنقصها اللادا مثل النعومة والبور
ولانى حضرتك من سكان القاهرة فلن تواجة مشكلة فى ايجاد قطع الغيار ان شاء لله عند التوفيقية وعندك حمدى لادا جايب كل حاجتها ودة فى شارع دمشق وتليفونة 0222565666 وممكن حضرتك تتصل بية وتسئلة حتى يطمن قلبك وفقك الله للخير والصالح

**mona_881** · 29-09-2013 10:58 PM

100 100
انا بعت عربيتي القديمة كانت 2107 موديل 2008 السنة اللي فاتت ب 32 وكانت عاملة 18 الف كيلو ومفيهاش الهوا
و ال 2110 احسن من ال 2107 فاعتقد السعر كويس جدا علي بركة الله