الموضوع: العربية بتبطل لوحدها على السلانسية

ممكن يكون بيك السلانسية كان وسخ ومع كام دفعة بنزين نضف

بتبقى وساخه فى الكربراتير و تقريبا بتروح مع دوسة البزين .......... بنحصل معايا كتييييييييييييييير و العربيه بتتظبط لوحدها

بيك السرانسيه

بتحصل كتير و اللادا بتتظبط لوحدها بس نظف الكربيراتير لان البنزين اليزمين دول مش نظبف

تعالي ياض يا كومندوا انت تعالا اعمل الي حقولك عليه ولو فهمته مش حتحتاج مكانيكي يعمله ليك لو انت مش تعرف اي حاجه عن العربيات دي يبقي تروح لميكانيكي تقوله زي ما حقولك بالظبط هات ودنك
العربيه بتبطل كل ما تهدي صح بص حتفضل تلف تلف تلف والي حيقولك شربون والي حيقولك كربراتير والي حيقولك بوجيهات والي حيقولك المكنه خفيفه معروف ان اي عربيه 2105 اسمها العربيه الخرسه الي لو ظبطها مش تسمع للمتور صوت المتور ومن غير ما اشوف علي كلامك الشكمان ورا بيطلع هباب اعمل الي حقولك عليه
1- حل اي بوجيه من البوجيهات الي عندك حتلاقي سن البوجيه الي تحت مهبب بهباب اربطه تاني حتقولي ليه من الاول افكه حقولك علشان لازم تشوفه مهبب بهباب
2- حتروح علي الكربراتير بس لما العربيه تبرد علشان وش الكربراتير مش يقفع حل العمه ووش الكربارتير روح هات بك سلانسيه 40 او 45 ايطالي وخليك في 40
3 - بعد ما تغير بك السلانسيه افتح الكربارتير وحل خرطوم البنزين واغسله كويس واتحقق انه مش فيه اي شرخ او كسر في القعده بتعته لو فيه سهله هات ابوبتين لحام بارد والزقه كويس
4- طلع البكات بتاعت الكربتراتير لو الكربراتير دا مش اتحل وفبريكه حتلاقي بك السرعه 162 شيله بس خليه معاك
5- هات بك 100 وبك 105 ايطالي اوعي حد يديك مصري هاتهم ايطالي وحطهم مكان البكات القديمه
6 - اوعي تقفل استني هات مزيته وتعالا علي بوابة السرعه الكبريه زيتها كويس حتقولي احط زيت جوه علي البوبات اقولك اه عادي مش مشكله زيت البوبات كويس
7- ورا الكربارتير عند قفاه كدا الي ناحية الطبلوه بتاع العربيه فيه سوسته صغيره خالص بتاعت الكرباراتير شوفها موجوده ولا لاء لو مش موجوده هاتها وركبها سوسته صغيره مش بتاعت دواسة البنزين دي صغيره خالص
8- اطلع بالعربيه والكربراتير مفتوح من غير ما تقفل وشه وامشي بالعربيه مشوار طويل اي سكة سريعه بس اوعي تدوس للعربيه عن 100 مشي 70 كبيرك او اوي تدوس 100 علشان بوابة السرعه مش تفتح حتلاقي العربيه بتضرب مدافع وانت ماشي حلو خليها تضرب وراجع للميكانيكي ووقف العربيه وبص علي الشكمان حتلاقي الهباب الاسود الي بيطلع راح بطل العربيه وحل بوجيه حتلاقي سنه نضف وبقي زي الشمعه
9- قفل العربيه وفول بنزين واطلع مشوار حتلاقي صغير 30 كيلو مثلا الميكانيكي علشان طبعا عارف انه مش زي الخواجه حيقولك حتاكل معاك 3 لتر بنزين وانا بقولك لو عملت الكلام دا مش حتاكل معاك غير لتر او لتر ونص
9 - واي ميكانيكي يقولك غير الي بقوله ليك دا اضربه علي قفاه يقولك ابلاتين مفتوح اضربه علي قفاه علشان انت بتقول العربيه بدور عادي الصبح يقولك شربون اضربه علي قفاه يقولك روح اصلح الكربراتير وماصص هوا او روح اشتري كبراتير جديد اضربه بالي في رجلك

مع تمنياتي لك بقياده ممتعه
قاهر الصنيعية
3-