الموضوع: دليل كمبيوتر موتور الفكترا بي ال2000 اوتوماتيك (الموتور الاسود)

الموتور دا اسمه 20NEJ و هوا قليل الاعطال جدا (الموتور الاسود الواحد كامه)











معلومات عن الموتور

القدره الحصانيه HP 118/5400
العزم torque 165/ 2800

نسبه الانضغاط compression 9.2:1
عشان تعرف موتورك كبسه كويس ولا خفيف بجهاز قراءه ضغط الاسطوانه مفروض يكون 12 الى 15 بار

التاكيهات مش بتتظبط عشان كوستبانات اوتوماتيك بتظبط مع ضغط الزيت valve clearance hydraulic auto adjust

السرعه الخامله السلانسيه

670 الى 1030

ترموستات الكوعه thermostat 92 start open 107 fully open


الحساسات:

1-حساس الكرنك (العربيه متدورش من غيره)

2-حساس الكولنت درجه حراره المياه (ممكن يأخر دواره جامد ... يخلي العربيه تدخن اسود ... يزود استهلاك البنزين )

3-حساس درجه حراره الهواء الداخل لغرف الحريق (intake air temp) مهم جدا لاداء افضل و استهلاك بنزين مظبوط

4-حساس كميه الهواء او الماف MAF (لمعرفه كميه الهواء الداخله لاسطوانات المحرك لمعرفه كميه البنزين المناسبه ) ملحوظه الماف معمر جدا جدا مش زي الاسترا ال 1200 ولا الكورسا ال 1000

5-حساس ال TPS زاويه فتح البوابه المرتبط بدواسه البنزين (لمعرفه مدى احتياج السائق لقدره المحرك زي لو عايز يطلع من حد ضروري و بيستنتج ايضا كميه الهواء المتوقع تدخل للاسطوانات مع الفتحه بالقدر ده مع سرعه RPM اد كده)

6-حساس الصفع او النوك knock (وظيفته يعدل توقيت الاشتعال بالزياده او النقصان يقدم او يأخر الكهربه) بناءا على الاحساس بالاكتان من خلال الاحساس بالتسقيف في بلوك الموتور .. بدل فيشه الاوكتان)




متحكمات actuators : بيطلق عليها حساسات لكن هيا مبتحسش حاجه دي بتنفذ اوامر كمبيوتر الموتور

1-اربع رشاشات بنزين .

2-متحكم في سرعه الخمول او السلانسيه idle air control (العربيه تبطل مع التكييف او لما تسيب رجلك )

3-كتاوت طلمبه البنزين

4-كتاوت عمومي للرشاشات

5- البوبينه (ignition coil) اللي واصله بسلوك الاربع بوجيهات على طول (تسمى direct ignition)

6-بلف بخار البنزين



اشارات اخرى متصله بكمبيوتر المحرك:

1- سرعه السياره كم/ساعه

2-لمبه اعطال الموتور اللي موجوده في التابلوه خارجه من كمبيوتر الموتور

3-سلكه لفيشه جهاز الاعطال

4-الايموبليزر

5-الاتصال مع سويتش الضغط و كتاوت كمبرسور التكييف

6-الاتصال مع كمبيوتر الفتيس الاوتوماتيك



ملاحظه مهمه مفيش حساس اكسجين !!! للاسف لو العادم مش مظبوط مفيش حد هيقول لكمبيوتر الموتور يطرح او يضيف نسبه ثابته من البنزين (fuel trim)
ودا لان الماف والكولنت اكيد مش 100% يعني




__________________