الموضوع: أزاى أظبط الكاربراتير

يا جماعة أنا أضم صوتى لصوت أخى أبن الفريد
أكيد فى حد من الإخوه هنا فك الكربراتير و ركبه تانى, الخبراء و المهندسين هنا ما شاء الله
عاوزين نتعلم, الموضوع مش موضوع روح لصنايعى و خلاص
أنا رحت لثلاثه ميكانيكية كلهم عامل فيها أنه هو إللى إخترع اللادا, و برضة الكربراتير مش مضبوط
رحت لواحد متخصص كربراتير هو إللى ضبطه بصراحه بس لما العربية باتت و بردت تماماً (طول الليل) تانى يوم الصبح لاقيها مش مضبوطه خالص, و أضطريت ألعب بنفسى لأن العربية بقت كل ما أدورها تأخدلها 3 ثوانى و تفصل كذا مرة.

المهم مش دى المشكله دلوقت, المهم أننا عاوزين نتعلم كل مسمار بيعمل أيه بيزود أيه و يقلل أيه و يتضبط إزاى بحيث :السحب يكون كويس , مفيش ريحة عادم, مفيش رجه أو نتشة على السلانسية (زى إللى عندى) مفيش دخان .....

يا ريت لو فيديو زى بتاع أخونا أدهم, عامل فيديو مقطعين لعمرة و ضبط 127 , الله أكبر عليه, بجد واضح و بيعلمنا كل حاجه بالضبط و خطوه بخطوه و بنظام و نضافه و ترتيب ممتاز.
بارك الله فيكم

ياريت يا جماعة حد من المهندسين يفيدنا فعلا الموضوع بيبقى ممتع لما بتعمل الحاجة بايدك و خصوصا لما تنجح وربنا يستر و متبظشى . بجد يا جماعة لو حد يصور الموضوع فيديو و يفيدنا

أحب أشكر كل الناس إللى كتموا علمهم عنا
و ربنا يجازيكم خير و ألف شكر

محدش هيقدر يقولك تظبط كربيراتير ازاي
مفيش عربيه مظبوطه زي التانيه
مش كتم علم ولا غيره

أنا بأسأل مش برضة ضبط الكربراتير ده علم + خبرة
إحنا عاوزين العلم فقط (يعنى الشرح و تعريف بالمسامير و البكات و ....) و طريقة ضبطها على أساس إية و لا الموضوع لعب و خلاص
أكيد متخصصين الكربراتير مش بيلعبوا. مهو الموضوع مش سر حربى علشان مفيش ليه أى فيديو لكربراتير اللادا العنيد (سمعت إن فيه مسمارين هوا و مسمار بنزين و خلاط غير الضبط الداخلى للعوامة و الإبرة و الشفاط و ....)
أكيد ده علم مش سحر و لا شعوذة