طلب من الرجاله الميجاويه

**elhelawy** · 02-02-2014 10:06 PM

كنت عايز اعرف ابص على ايه وانا بشترى ميجان 2005 علشان اتأكد انها سليمه و مش محتاجه حاجه و الحساسات بتاعتها شغاله كويس
هى العربيه موديل 2005 هاتشباك فابريكه بالكامل بره و جوه وصاحبتها كانت بتعمل الصيانه فى التوكيل وبالنسبه للسعر هى طالبه 68000 فالسعر ده مناسب ولا عالى
وشكرا مقدما للى هيرد

**tarek_asem** · 02-02-2014 10:48 PM

من اللي انا شفته اعتقد سعر كويس واكشف عليها في التوكيل

**Super_Star_h** · 03-02-2014 01:57 AM

اعتقد السعر مناسب
هتحتاج كشف شامل عليها فى مركز متخصص
او التوكيل

**elhelawy** · 04-02-2014 02:07 AM

الف شكر على احلى رجاله ردت عليه
انا الحمد لله خلصت فى العربية كنت بشتريها لاخويه هى ما شاء الله نظيفه قوى و مش متهانه العربيه كنت بتفرج عليها فى المعادى فخدناها و كشفنا عليها فى صقر قريش عند المصطفى و هو انسان محترم قوى بصراحه حط العربيه على الجهاز والنتيجه ان شريط الايرباج عايز يتغير ( وقالى ما تغيروش علشان هيتقطع تانى والعيب ده موجود فى 70% من الميجان )
وقطمة الدريكسيون عايزه تتغير ودى مش مأثره قوى عامله تقل غير ملحوظ فى الدريكسيون وممكن امشى بيها عادى
وانا كنت بجرب العربيه وجبتها على الستيب ترونيك لقتها ما بتنقلش بتفضل على الاول ولما روحتلوا قالى ده عيب عصاية الفتيس وفعلا لما طلع وجرب جاب العصايه على الشمال جامد نقلت معاه عادى بال + وال - وبردوا لو ما بستخدمش المانيوال مش هتفرق معايا يعنى ممكن امشى بيها عادى
انا هستلم العربيه بكره ان شاء الله فى اى ملحوظات ممكن اعملها تانى
وكنت عايز اعرف طقم السيور والسرفيس بتاعها بيتكلف قد ايه وانواع ايه اللى اجبها
معلش انا تعبتكم معايا بس الرينو جميله و تستاهل الواحد يهتم بيها

**تامر.محمد** · 04-02-2014 02:41 AM

كان حقك كشفت في التوكيل عشان وارد اوي يبقى العربية فيها حاجة و ما تبانش بالطريقة دي

طقم الكاتينة , اللي هو صيانة 60 الف اللي بألفين و شوية في التوكيل, بحوالي 850 جنيه الاصلي في التوكيل
بالمرة اعمل صيانة ال60 كاملة
يعني غير مياه التبريد و البوجيهات و فلتر الهوا و طبعا الزيت و فلتره

من ناحية عشان العربية تفوق معاك , و من الناحية التانية لو ما تعرفش الحاجات دي اتغيرت امتى يبقى غيرهم احسن

و الف مبروك :)

**MoustafaElfaek** · 04-02-2014 08:14 AM

المشاركة الأصلية كتبت بواسطة تامر.محمد

كان حقك كشفت في التوكيل عشان وارد اوي يبقى العربية فيها حاجة و ما تبانش بالطريقة دي

طقم الكاتينة , اللي هو صيانة 60 الف اللي بألفين و شوية في التوكيل, بحوالي 850 جنيه الاصلي في التوكيل
بالمرة اعمل صيانة ال60 كاملة
يعني غير مياه التبريد و البوجيهات و فلتر الهوا و طبعا الزيت و فلتره

من ناحية عشان العربية تفوق معاك , و من الناحية التانية لو ما تعرفش الحاجات دي اتغيرت امتى يبقى غيرهم احسن

و الف مبروك :)

أنا اتصلت بواحد بتاع قطع غيار رينو فى عين شمس
وقال لى ان طقم الكاتينة ب 350 جنيه وقال لى انه دايكو
سألته عن الأصلى بتاعها قال لى انه مش عنده بس ممكن أجيبه من التوكيل ب600-700 جنيه
ولما سألت فى الحرفيين قالوا لى ان طقم الكاتينة عامل 750 جنيه الأصلى
المهم ان أنا عربيتى شاريها عاملة 149000 تقريبا (لسة جايبها)
وعايز أعرف ايه اللى المفروض أغيره
أنا عغير طقم الكاتينة بإذن الله بس مش عارف محتاجة ايه تانى وايه اللى ممكن أصبر عليه وايه اللى ماينفعش يستنى
كان برضو فى واحد فى الحرفيين قال لى انى ممكن أغير ترس (مش عارف اسمه ايه كدة) وقلا لى على الفلاتر والبوجيهات وحاجات كتير
أنا خايف يكون عايز يعمل على شغل

**تامر.محمد** · 04-02-2014 09:29 AM

تفاصيل صيانة ال60 و مضاعفات 60 بأسعار التوكيل
زيت موتور
فلتر الزيت و الاويل سيل بتاعه : 48 جنيه
بوجيهات : 120 جنيه
فلتر بنزين : 80 جنيه
طقم كاتينة : 840
زيت فرامل : 17
مياه التبريد : 48

ده بالنسبة لقطع الغيار
و مصنعيتها في التوكيل 700 جنيه :(

المهم ان اللي جايب عربية و ما يعرفش نظام صياناتها ايه يغير الحاجات دي عشان يبقى في السليم و ما يكونش فيهم حاجة قديمة تبوظ تبهدل له العربية

**أسامه الحسيني** · 06-05-2014 09:53 AM

للأسف انا اشتريت ميجان 2006 وكانت عاملة 90 الف كيلو ودي اول احتكاك ليا بالعربيات ومكنتش فاهم اى حاجة المهم ان كل الى عملتة انى غيرتلها زيت شل 10000 و عادل زوايا نصحني ساعتها انى مغيرش فلتر الزيت وكانت بتبطل منى لما يكون مؤشر البنزين اقل من النصف فغيرت فلتر البنزين فلو فى نصيحة يا ريت تقولولي عليها

-

الموضوع: طلب من الرجاله الميجاويه

LinkBack

أدوات الموضوع

عرض

طلب من الرجاله الميجاويه - انشر الموضوع فى :

-

-

-

المواضيع المتشابهه

يا خساره الرجاله

بعد ازن الرجاله

الرجاله ال هونداوية

فى حد من الرجاله هنا من مطروح

عملوها الرجاله

الكلمات الدلالية لهذا الموضوع

المفضلات

المفضلات

ضوابط المشاركة