Cd pioneer 8550

**mony10** · 15-02-2014 02:03 PM

كنت عامل موضوع من فتره اني عايز اشتري سي دي بايونير ويكون فيه بلوتوث وكنت محدد اربع موديلات علشان اقارن بينهم واعرف الاسعار ولو فيه حاجه احسن منهم اعرفها
المهم بمساعدة الاعضاء الكرام وبمشاهدة اليوتيوب للموديلات المختاره والمقترحه اخترت 8550 جهاز كويس وامكانياته جميله المهم بدات اسال موجود فين والاسعار ايه مش لاقيه غير عند اوتو ماركت في اسكندريه
كلمتهم بالتليفون الراجل شكرلي جدا في الموديل دا وقالي ممكن اشحنهولك لاي محافظه
انا كل اللي عايزه اني اشوفه قبل ما اشتريه
وكل ما اسال حد يقولي مفيش الموديل دا او مش موجود او يااااااا دا موديل قديم ومش بينزل بالرغم اني سمعت ان سبب اني مش لاقيه انه موديل لسه جديد والتوكيل لسه هينزله ودا السبب انه مش متوافر في الاسواق
تقريبا اوتو ماركت بيشتري بضاعته مباشر من حد خارج مصر دون الرجوع للتوكيل ولذلك بيكون من غير ضمان تقريبا انا ما سالتش اذا كان فيه ضمان ولا لا
الميزه في الموضوع انه بيجيب الموديلات الجديده اللي لسه مش موجوده في السوق زي 8550 اللي مدوخني ومش لاقيه والميزه التانيه فرق السعر بيكون ارخص من اللي معاه ضمان
انا بالنسبالي موضوع الضمان مش فارق معايا يعني لو لقيته عند محلين بضمان ومن غير هاشتري من غير ضمان خصوصا ان فيه فرق في السعر ودي وجهة نظري الشخصيه بخصوص الضمان
المهم ياريت المساعده لو حد يعرف الموديل متوافر عند حد في القاهره او بورسعيد ودي الاماكن اللي كنت بدور فيها ياريت يعرفني ولو ممكن فكره عن السعر

**ياسر ابراهيم** · 15-02-2014 08:03 PM

بص يا برنس انا مجرب DEH-X8600 BT ممتاز فيه اوبشن ممتاز و تقريبا زي 8550 . لو قدرت تحصل عليه اشتريه افضل
بلوتوث قوي جدا جدا و يدعم الاندرويد
مدخل USB من الخلف
مدخل AUX
مدخل كارت ميموري
CD
زرار للرد علي المكالمات
Mix
يقبل ريموت كنترول
تقدر تتحكم في الصوت بطريقة اعمق
تتحكم في ضوء الشاشة والوانها و كذلك ازرار الكنترول
اشتريتله ريموت دريكسيون و عملت ليه تعديل و في موضوع متكلم بخصوص الريموت
ربنا يسرلك امرك

**body7733** · 15-02-2014 08:11 PM

أسأل على الموديل ده قبل ما تشترى هتغير رأيك
pioneer DEH-X9550 BT
عن تجربه جهاز فيه كل حاجه ممكن تتخيلها او تحتاجها

**ياسر ابراهيم** · 15-02-2014 10:29 PM

صحيح deh-x9600 bt و 9550 مودلين ممتازين عارفهم جامدين بردو لكن اﻻختﻻفات بينهم مش كبير

**mony10** · 16-02-2014 01:05 PM

المشاركة الأصلية كتبت بواسطة ياسر ابراهيم

بص يا برنس انا مجرب deh-x8600 bt ممتاز فيه اوبشن ممتاز و تقريبا زي 8550 . لو قدرت تحصل عليه اشتريه افضل
بلوتوث قوي جدا جدا و يدعم الاندرويد
مدخل usb من الخلف
مدخل aux
مدخل كارت ميموري
cd
زرار للرد علي المكالمات
mix
يقبل ريموت كنترول
تقدر تتحكم في الصوت بطريقة اعمق
تتحكم في ضوء الشاشة والوانها و كذلك ازرار الكنترول
اشتريتله ريموت دريكسيون و عملت ليه تعديل و في موضوع متكلم بخصوص الريموت
ربنا يسرلك امرك

متشكر جدا لاهتمامك بس اعتقد ان 8600 و 8550 نفس الموديل الاختلاف ان 8600 بينزل لامريكا واوروبا واعتقد انك شاريه من خارج مصر اما 8550 بينزل للمنطقه العربيه والآسيويه والفكره دي كونتها من خلال مشاهدتي للامكانيات الخاصه بيهم على اليو تيوب وموقع التسوق اي باي ونرجع تاني لنفس النقطه موجود فين في مصر او حضرتك شاريه منين والسعر كان كام

**mony10** · 16-02-2014 01:13 PM

المشاركة الأصلية كتبت بواسطة body7733

أسأل على الموديل ده قبل ما تشترى هتغير رأيك
pioneer deh-x9550 bt
عن تجربه جهاز فيه كل حاجه ممكن تتخيلها او تحتاجها

متشكر ليك جدا وتاعبك معايا دايما
انا سالت على الموديل دا فعلا هو محترم الفرق بينه وبين 8550 انه سنتريت يعني الشاشه اكبر والسي دي بيدخل من خلف الشاشه وبيدعم 2 يواس بي اما 8550 السي دي فتحته على الوش وبيدعم واحد يو اس بي والاتنين بيتوصولو من الخلف
وتقريبا هو نفس 8450 في الشكل والامكانيات مع اختلافات بسيطه في الشكل بس هو يزيد عن 8450 انه بيدعم اندرويد
نرجع لنفس المشكله موجود فين والسعر لان تقريبا الموديلات دي نازله جديده ولسه الوكيل في مصر مانزلهاش ومعظم التجار شكلها بتتعامل مع التوكيل فقط علشان الضمان ويريح باله من اي مشكله ممكن تحصل في الجهاز
ياريت الموديلين لو حد يعرف موجودين فين في القاهره او بورسعيد يساعدني في الموضوع دا بس انا عارف انه موجود عند اوتو ماركت في اسكندريه وانا عايز اشوفه قبل ما اشتريه

**Moe86** · 16-02-2014 02:18 PM

أنا لمحت موديل من الموديلات دى عند "الأرخص" فى التوفيقية الاسبوع اللى فات و انا بشترى 5450 من عنده.
كان موديل أوله 8 أو 9 بس مخدتش بالى خالص لأنى كنت عايز 5450 بالتحديد
اشتريته ب970 بعد ما سألت عند أدريان جامعة الدول و قالى 1030
لو حد معاه رقمه يبقى لوز

**mony10** · 16-02-2014 03:04 PM

متشكر لردك وياريت لوحد معاه رقمه يعرفنا الرقم لمعرفة الموديلات المتاحه والاسعار خصوصا ان من الواضح انه بيعمل خصومات كويسه وبكرر شكري

**body7733** · 16-02-2014 03:09 PM

المشاركة الأصلية كتبت بواسطة mony10

متشكر ليك جدا وتاعبك معايا دايما
انا سالت على الموديل دا فعلا هو محترم الفرق بينه وبين 8550 انه سنتريت يعني الشاشه اكبر والسي دي بيدخل من خلف الشاشه وبيدعم 2 يواس بي اما 8550 السي دي فتحته على الوش وبيدعم واحد يو اس بي والاتنين بيتوصولو من الخلف
وتقريبا هو نفس 8450 في الشكل والامكانيات مع اختلافات بسيطه في الشكل بس هو يزيد عن 8450 انه بيدعم اندرويد
نرجع لنفس المشكله موجود فين والسعر لان تقريبا الموديلات دي نازله جديده ولسه الوكيل في مصر مانزلهاش ومعظم التجار شكلها بتتعامل مع التوكيل فقط علشان الضمان ويريح باله من اي مشكله ممكن تحصل في الجهاز
ياريت الموديلين لو حد يعرف موجودين فين في القاهره او بورسعيد يساعدني في الموضوع دا بس انا عارف انه موجود عند اوتو ماركت في اسكندريه وانا عايز اشوفه قبل ما اشتريه

انا اشتريته من اوتو ماركت فرع اسكندريه
فانت للاسف مضطر تروح اسكندريه
وتجيبه من هناك
بس هو سي دى عالى جدا