استفسار عن شراء رينو ميجان

**a_eissa_rageh** · 08-04-2014 08:16 PM

السلام عليكم ورحمة الله وبركاته

اولا اشتري سيدان ولا هاتش باك ( انا خايف شويه من الهاتش باك لانها اقل انتشارا)

ثانيا اشترى بانوراما 2005 او 2006 ولا مش بانوراما 2008

ثالثا اشترى العربية اللى الكيلو متر اقل و صيانتها خارج التوكيل ولا العربية الللى الكيلو متر بتااعها عالى وصانتها كلها توكيل

مثال عربيه 2006 ماشيه 82000 كم وصيانه خارج التوكيل ولا عربيه 2006 ماشيه 115000 كم و صيانتها بالتوكيل

ولكم جزيل الشكر

**Ahmed Koller** · 08-04-2014 08:41 PM

شوف انت محتاج السيدان وال الهاتش باك ،، لأن الفئتين مختلفين

ويفضل الصيانة تكون في التوكيل ونصيحة مني تكشف في التوكيل

**Ahmedhussein007** · 08-04-2014 10:45 PM

سيدان او هاتش باك دى ازواق انا بفضل السيدان
بالنسبه للكيلو متر عايز عداد مش ملعوب فيه يبقى خد صيانة توكيل اه اكتر شويه بس انت عارف انه فعلا عدادها لان ببساطه اللى بيعمل صيانه برا التوكيل ممكن يلعب فالعداد ويعملو 60 الف وطبعا مش هتعرف ات العداد مقلوب

**kokowasfy** · 08-04-2014 10:58 PM

الصيانة فى التوكيل اهم حاجة سيبك من الكيلو متر ممكن تكون عربية ماشيىة 5 الف كيلو و تكون مقلوبة عادى و اكشف فى التوكيل و ولو العربية حالتها حلوة اتكل على اللة و مش هتندم

**محمود سامح** · 08-04-2014 11:11 PM

انا اشتريت عربية من ميكانيكى اسمة محمد الشرقاوى فى الحرفين وعند ورشة فى الحرفين اسمها الادهم واخذت السيارة من عندة على انها عاملة 62000 ك وكان لاعب فى العداد وهى فى الاصل كانت عاملة 14000 ك زكل حاجة فى السيار مشغولة ومركب فيها كل قطع الغيار صينى من الرخيص جدااا ورغم انه اقسم على المصحف ان السيارة بحالة الزيرو ولما اخذتها اكشف عاليها فى مركز مصطفى فهمى فى صقر قريش طلعت زبالة خد بالك كويس جداا اكشف غلى العفشة والجيربوكس واهم شيئ الايرباك بتاع الكراسى اهم حاجة وخالى مركز من طرفك انت هو اللى يكشف والله معك

**محمود سامح** · 08-04-2014 11:13 PM

الكشف على العفشة كاملة والاريباك بتاع الكراسى

**a_eissa_rageh** · 09-04-2014 12:09 PM

والله يا جماعه انا شاكر ليكم جدا على الرد والاهتمام

و ربنا يبارك فيكم

هل فيه فرق بين الهاتش باك و السيدان فى قطع غيار العفشه او الموتور؟

وهل الهاتش باك بيعها صعب عن السيدان

انا قدامى عربيه سيدان صيانة توكيل و عداد 130000 كم و سعرها 60000 جنيه

و عربيه هاتش باك صيانة توكيل و عداد 115000 كم و سعرها 65000 جنيه

انا المهم عندى العربيه كخدمه و راحه و مش مهم الشكل قوى

فياريت لو حد عنده نصيحه يبقى كتر خيركم

و لكم جزيل الشكر

**تامر.محمد** · 09-04-2014 12:13 PM

الهاتشباك اقل من السيدان في السوق بس ماعتقدش ان الطلب عليها قليل مش عارف ليه

عموما ناس كتير بتقول ان الهاتشباك (تقفيل فرنسا) افضل من السيدان (تقفيل تركيا)

رأيي طالما مش فارق معاك مساحة الشنطة يبقى تجيب الهاتشباك لو العربيتين نفس الحالة