استفسار لتغيير زيت Valvoline

**peter magdy** · 25-04-2014 01:48 PM

مساء الخير يا شباب
انا معايا عربية byd و عملت صيانة الالف الاولى فى التوكيل و غيرو زيت موبيل 1 - 5000 كم
طبعا انا مكنتش اعرف زيت التخليقى و القصة دى
طبعا انامشيت بالزيت 2600 كم و كانت العربية عاملة اجمالا 3600 كم و الزيت كان على صوت الموتور و كان حاجة سيئة
انا حاليا حاطط زيت فالفولين 5w40 بس الجركن الرصاصى مش البرتقالى الجديد
لانى سمعت ان البرتقالى الجديد ما بين تخليقى بالكامل و نصف تخليقى ( بين البينين )
انا مش لاقى الجركن الرصاصى القديم دة خالص لانى كنت مستريح معاة جدا و انا عامل دلوقتى 10.000
و كنت عايز انزلة لانة بقالة سنة فى العربية و عرفت انة اكتر حاجة يكون فى الموتور ميتعداش سنة
هو الزيت لسة محتفظ بقوامة بصورة هايلة لكن احطياطى لازم اغيرة
المشكلة مافيش غير الا الجركن البرتقالى Engine Armour
هل اشترية ولا اعمل اية
--------------------
انا كنت جبت زيت والف للفتيس
هو اللتر ب 80 جنية و انا اشتريت 2 لتر
بس زيت تحفة غير صوت الفتيس صامت و غير تسارع العربية و بقت الغيارات بقت اسرع
مالوش حل بصراحة لكن معرفش زيت الموتور عندهم اخبارة اية
---------------------
انا عايز اشترى زيت من موزع معتمد او وكيل لكن مش عايز اشترى من محل عادى علشان المضروب و الشغل دة
اشكركم و مستنى ارائكم

**a_mohamedsamir** · 25-04-2014 05:17 PM

مين قال لحضرتك إن
engine armour 5-w40
نصف تخليقى
على فكره ان حاطط منه من شهر اغسطس اللى فات وعامل بيه حوالى ١١ ألف كيلو و ما شاء الله عليه أقل كلمه تقال عنه انه ممتاز و أنا نصحت بيه اكتر من واحد من اصحابى وكلهم بيشكروا فيه
الجركن الرصاصى ده الانتاج القديم والإنچن آرمور هو الانتاج الاحدث ومصّنع للشرق الاوسط
وعلى كل حال لو انت عاوز الرصاصى موجود على souq.com

**peter magdy** · 26-04-2014 03:44 AM

انا متشكر لرد حضرتك يا استاذ احمد
بس انا قصدى لما لفيت المنتدى هنا - لقيت ناس بتقول علية انة تقريبا
مابين تخليقى بالكامل و نصف تخليقى - بمعنى انة اقل من خامات التخليقى بشوية و اعلى من النصف تخليقى
اعتقد الفرق مش محسوس لكن دة اللى فهمتة و ان الرصاصى احسن
انا اتخيلت بية على موقع سوق بردو لكن اللى قلقنى انة بقالة فترة مش موجود
هل ممكن يكون متخزن غلط او حاجة ولا دى مش بتفرق

**a_mohamedsamir** · 26-04-2014 10:58 AM

ادخل على موقع ڤالڤولين مصر وإتصل بيهم واعرف منهم
كل المعلومات اللى انت محتاجها

**محمد يوسف** · 26-04-2014 11:01 AM

حضرتك كلم م / محمد فضالى صاحب مركز توب جير... هو موزع معتمد لفالفولين وأنا فاكر انى شفت عنده الجركن الرصاصى... بياناته حاتلاقيها فى موضوع مثبت عن المركز فى المنتدى العام

**peter magdy** · 26-04-2014 03:04 PM

المشاركة الأصلية كتبت بواسطة a_mohamedsamir

ادخل على موقع ڤالڤولين مصر وإتصل بيهم واعرف منهم
كل المعلومات اللى انت محتاجها

انا متشكر لاهتمام حضرتك يا استاذ احمد
انا فعلا اتصلت بشركة فالفولين نفسها - هو اكدلى انة تخليقى علشا رقم 5w40
لكن الاعضاء هنا اكدة انة زى ما ذكرت انة بين تخليقى بالكامل و بين نصف تخليقى - حتى انا اخذت بالى دلوقتى من صورة الجركن انة مكتوب على ( تخليقى ) مش زى الرصاصى بتاع زمان مكتوب تخليقى بالكامل
دا اللى اكدلى دلوقتى كلام الاعضاء المحترمين هنا
انا لقيتة فعلا على موقع سوق بس خايف من ركنتة سنة عندهم مثلا - هل فيها مشكلة
شكرا

المشاركة الأصلية كتبت بواسطة محمد يوسف

حضرتك كلم م / محمد فضالى صاحب مركز توب جير... هو موزع معتمد لفالفولين وأنا فاكر انى شفت عنده الجركن الرصاصى... بياناته حاتلاقيها فى موضوع مثبت عن المركز فى المنتدى العام

شكرا ليك استاذ يوسف على مداخلتك الجميلة
انا فعلا كلمتة و قالى ان الجركن دة مش بينزل من سنة تقريبا و اللى موجود الارمور البرتقالى
وهو قالى انة حاليا موجود عندة بديل كويس لوكى مولى توب تك و هاى تك
بس المشكلة سمعت انة فى بخر جامد
و عينى على فالفولين اللى فى موقع سوق بس خايف من ركنتة
شكرا جدا

**the lawyer** · 26-04-2014 03:35 PM

المشاركة الأصلية كتبت بواسطة peter magdy

انا متشكر لاهتمام حضرتك يا استاذ احمد
انا فعلا اتصلت بشركة فالفولين نفسها - هو اكدلى انة تخليقى علشا رقم 5w40
لكن الاعضاء هنا اكدة انة زى ما ذكرت انة بين تخليقى بالكامل و بين نصف تخليقى - حتى انا اخذت بالى دلوقتى من صورة الجركن انة مكتوب على ( تخليقى ) مش زى الرصاصى بتاع زمان مكتوب تخليقى بالكامل
دا اللى اكدلى دلوقتى كلام الاعضاء المحترمين هنا
انا لقيتة فعلا على موقع سوق بس خايف من ركنتة سنة عندهم مثلا - هل فيها مشكلة
شكرا

شكرا ليك استاذ يوسف على مداخلتك الجميلة
انا فعلا كلمتة و قالى ان الجركن دة مش بينزل من سنة تقريبا و اللى موجود الارمور البرتقالى
وهو قالى انة حاليا موجود عندة بديل كويس لوكى مولى توب تك و هاى تك
بس المشكلة سمعت انة فى بخر جامد
و عينى على فالفولين اللى فى موقع سوق بس خايف من ركنتة
شكرا جدا

اقل حاجة تتقال علي فالفولين انه تحفة ،،، ليكوي مولي كويس ومفهوش موضوع البخر دا عندي بقاله 8000 كم وزي الفل

**a_mohamedsamir** · 26-04-2014 03:54 PM

المشاركة الأصلية كتبت بواسطة the lawyer

اقل حاجة تتقال علي فالفولين انه تحفة ،،، ليكوي مولي كويس ومفهوش موضوع البخر دا عندي بقاله 8000 كم وزي الفل

انا النهارده بصيت على العداد كمل معايا ١٢٥٠٠ كيلو
فعلاً تحفه
بس مش عارف اجرب وولڤر ولا خلينى valvoline engine armour

**borio1704** · 26-04-2014 04:55 PM

المشاركة الأصلية كتبت بواسطة peter magdy

انا متشكر لاهتمام حضرتك يا استاذ احمد
انا فعلا اتصلت بشركة فالفولين نفسها - هو اكدلى انة تخليقى علشا رقم 5w40
لكن الاعضاء هنا اكدة انة زى ما ذكرت انة بين تخليقى بالكامل و بين نصف تخليقى - حتى انا اخذت بالى دلوقتى من صورة الجركن انة مكتوب على ( تخليقى ) مش زى الرصاصى بتاع زمان مكتوب تخليقى بالكامل
دا اللى اكدلى دلوقتى كلام الاعضاء المحترمين هنا
انا لقيتة فعلا على موقع سوق بس خايف من ركنتة سنة عندهم مثلا - هل فيها مشكلة
شكرا

شكرا ليك استاذ يوسف على مداخلتك الجميلة
انا فعلا كلمتة و قالى ان الجركن دة مش بينزل من سنة تقريبا و اللى موجود الارمور البرتقالى
وهو قالى انة حاليا موجود عندة بديل كويس لوكى مولى توب تك و هاى تك
بس المشكلة سمعت انة فى بخر جامد
و عينى على فالفولين اللى فى موقع سوق بس خايف من ركنتة
شكرا جدا

مع احترامي لكل اللي حضرتك سمعتلهم... اللي محير حضرتك إنك مدي ودنك للناس

أولا.. مفيش حاجة إسمها زيت بين البينين

الزيت حاجة من تلاتة.. معدني أو تخليقي أو شبه تخليقي

وشبه تخليقي دي مسألة واسعة.. ﻷن نسبة الزيت التخليقي لازم ما تقلش عن 70 %.. يعني من أول 70 % لحد 99% ده اسمه شبه تخليقي.

ثانيا... موضوع بخر الزيوت ده فيه مبالغة قوية... وإذا كان الزيت بيتبخر.. فده مش بسبب مشكلة في الزيت. .. إنما بسبب الاختيار الغلط أساسا لزيت مش مناسب لموتور عربيتك

ثالثا.. لازم ترجع لكتالوج عربيتك وتعرف إيه نوع الزيت المناسب.. واختيارك لزيت بمواصفات غير مناسبة بيسبب مشاكل انت في غنى عنها.

رابعا... لو لقيت الزيت متخزن لمدة أقل من 4 سنين.. ممكن تشتريه على اعتبار إنه حيشتغل معاك لمدة سنة في العربية.. ويبقى إجمالي عمره 5 سنين... ودي أقصى مدة تخزين للزيت قبل ما يفقد خواصه..

بس طبعا لازم تشتريه من مكان موثوق فيه ويكون عليه خصم محترم.

لو عايز معلومات ليها أساس علمي ومش جايه من السمع واﻹشاعات والآراء الشخصية... ادخل على الموضوع ده...
http://www.nilemotors.net/Nile/341680-a.html

-

الموضوع: استفسار لتغيير زيت Valvoline

LinkBack

أدوات الموضوع

عرض

-

-

-

-

المواضيع المتشابهه

استفسار لتغيير الكاوتش

زبت الـ valvoline

زيت فتيس valvoline

زيت valvoline

زيت valvoline

الكلمات الدلالية لهذا الموضوع

المفضلات

المفضلات

ضوابط المشاركة