استفسار عن افضل زيت موتور لفوكاس 2006

**كريم نت** · 29-04-2014 01:17 PM

العربيه كان صاحبها بيحطلها زيت شيل بيقول انه الافضل .. دلوقتى شركه Total امتلكت شركه شيل هل Total كويس ولا سئ ؟؟ وايه افضل زيت للفوكاس

وفلتر الزيت البولندى ده عامل 40 جنيه ده كويس ولا ايه مه العلم انها راكب فلتر قديم امريكى ؟؟

**MohamedSotohy** · 29-04-2014 04:09 PM

شل 5w-30 وموجود ومتاح
او
موبيل 5w- 30
والفلتر الاصلي موجود في التوكيل ب 45 جنيه

**كريم نت** · 29-04-2014 08:34 PM

انا لفيت على كل بنزينات شيل اتحولت ل Total و موبيل زيت مضروب على فكره .. بالنسبه للفلتر انا عارف انه موجود انا عايز اعرف اللى ركبته البولندى ده كويس ولا تعبان

**كريم نت** · 30-04-2014 01:34 PM

يعنى ممكن اعرف زيت Total 5w40 كويس للفورد ولا لا ؟؟؟؟؟؟؟؟؟؟؟؟؟؟؟؟؟؟ حد يرد ياجدعان

**ibrahiiimooo** · 01-05-2014 04:12 AM

بص يا سيدي
الفورد بالذات علشان تحط زيت مكتوب عليه انه مناسب لمواصفات للفورد في مصر حتتعب قوي
كل الزيوت للمستوردة( بعيدا عن موبيل و شل) ليها دايما نوع خاص بمواتير الفورد ( الزيتيك و من بعده الديوراتك) و لكن كلها محظش بيجيها مصر يمكن عن جهل او ان سوقها مش كتير ( الكلام ده ينطبق علي الليكوي مولي/الفافولين/الوولف/الكاسترول) و لو ان اقربهم الكاسترول ماجنيتيك لانه بيستخدم في التوكيل في بريطانيا و الخليج بس اللي موجود في مصر منه 10w-40 مش 5w-30 اللي موصى بيه من فورد ثم الليكوي مولي ( برده اللي موجود في مصر الهاي تك مش التوب تك اللي موصى بيه من فورد)
عن تجربه الموبيل ون ما شوفتش منه حاجه وحشه بس انا حطتوش تاني لما عرفت انه متعبي في بلدنا المحروسة بكل دقة الصناعه فيها
الشل نفس الكلام ( بفكر ارجعله و على فكره الشل موجود بس ما بقاش في المحطات و لكن في اماكن بيع خاصة به و لو حتتعب شويه حتجيبه)
الليكوي مولي هدى صوت الماتور شوية اول ٣٠٠٠ كيلو فقط و خبط في عيبة الشهير انه بينقص بعنف في اخر ٢٠٠٠ كيلو و بيحتاج يتزود
الفافولين مش احسن كتير مت الليكوي مولي بس ما بينقصش
الوولف ما جربتوش لان الموجود في السوق كله c3 بتاع مواتير الفولكس و مش مناسب للفورد
الكاسترول دا اخر حاجة انا جربتها صحيح صوت الماتور مهيديش قوي و خصوصا مع الدوارة الصبح بس حتى الان اكتر زيت محتفظ بخصائص لونه و لزوجته بعد مرور اكتر من ٧٠٠٠ كيلو
اخر حاجة خالص و ده استنتاج خبره كبيره من اللف حط اي زيت تخليقي انت تستريحله بس ماتقعدش الزيت ال١٠٠٠٠ اكتر من ٥٠٠٠ كم في المكنه لان ظروف التشغيل في مصر تعتبر بالنسبة لمواتير الفورد ظروف تشغيل قاسية تتطلب تغيير الزيت و الفلتر على اوقات اكثر تقاربا ( و هو ده اللي بيعمله كل التوكيلات في مصر بجعل الصيانه كل ٥٠٠٠ كم و تتضمن تغيير الزيت و الفلتر

**ENG\AHMED** · 01-05-2014 11:19 AM

نقطة بس للتوضيح

موبيل 1 ESP واللى كان التوكيل بيحطه مش approved من فورد ولو قريبت ال data sheet بتاعه هتلاقى لزوجتة اقل بكتير من motorcraft واللى موصى به فى الكتالوج

فالفولين فى منه valvoline synpower FE ودة approved من فورد والوحيد فى مصر دلوقتى بعد مالتوكيل بطل يجيب موتوركرافت وده قليل لما هتلاقيه وعن تجربة مش حاسس بفرق بينه وبين ال synpower العادى

تغيير الزيت حسب ايتخدامك يعنى بتمشى فى زحمة واشارات كتير وبتقف كتير والموتور داير يفضل تنزله قبل معاده بتمشى فى طرق مفتوحة وسريعة ومفيش زحمة نزله فى معاده عادى مفيش مشاكل ... فى النهاية انت عارف استخدامك

توكيلات العربيات يابتحطلك زيت 10 يازيت 5 وتبقى صياناتك حسب الزيت اللى انت حاطه