اعملو معروف وساعدوني الله يباركلكم

**ASCOM** · 18-05-2014 03:28 PM

لو سمحتو انا معايا رينو لاجونا 2004 من الصعيد
المشكله بقى ان كهرباء العربيه عندي مش مظبوطه خالص يعني ممكن اشغل الفوانيس تشتغل المساحات او الكاسيت يفصل
رحت توكيل الاقصر قالي في قفله او تلميس في الضفيرة الشمال والعربيه مسجله مشاكل كهرباء كتير على الجهاز ولازم نكشف على الضفيرة كلها بس المشكله ان مفيش كهربائي عندهم في الفرع وقالي لازم تنزل مصر
المهم انا محتاج كهربائي شاطر ويكون عنده جهاز كشف الاعطال ويعرف يشتغل في الضفيرة بتاعتها ويفضل انه يكون في صقر قريش لان العربيه عاوز اغيرلها شويه حاجات في العفشه في صقر قريش
محتاج تدلوني على كهربائي فاااهم وشاااطر وياليت رقم تلفونه انسق معاه الاول قبل مخبط المشوار
وتحياتي لكم

**akmm** · 18-05-2014 03:31 PM

تحياتى لحضرتك ................ وممكن تحط المشكله في قسم مشاكل الكهرباء اكيد حد من الاخوه الاعضاء هيفيدك بكل ماتطلب .

**yasser100** · 18-05-2014 05:09 PM

رايي تطلع على التوكيل فى القاهره طالما كده كده نازل . العربيه اكبر فئه فى الرينو و ما اعتقدش انه حد اشتغل فيها قبل كده و ان اشتغل فيها حد هاتلاقيه شاف منها واحده بكتيره و شغل الكهربا و الضفيره حساس و انت بعيد التوكيل هايشتغل فيها و هايديلك على شغله ضمان

**m_elbog** · 19-05-2014 10:53 AM

لو حضرتك محتاج كهربائى فى صقر قريش انا شخصيا برشحلك الشيخ / محمد ولد عند ضمير ومجتهد وفاهم وشاطر جدا ورقم تليفونه 01127133936 وياريت تتباعنا بالاخبار وكمان انطباعاتك عن الشخص ده