الموضوع: مشكلة في استهلاك البنزين فورد اسكورت

بص طلما انت عامل كل ده يبقى العيب ممكن يكون تاكيهات و التكيهات فى عربيتك على كوستبان او أطباق يعني. ودي بتتظبط أتوماتيك من الكنترول يونت. عليك و على تكنو بوش او أحمد فرج فى جسر السويس يظبتهالك كومبيوتر

دي أرقام كل حاجة تخص الصيانة و قطع الغيار بالعناوين فاللينك ده

http://www.nilemotors.net/Nile/419995-a.html

المشاركة الأصلية كتبت بواسطة ramadan kader

بص طلما انت عامل كل ده يبقى العيب ممكن يكون تاكيهات و التكيهات فى عربيتك على كوستبان او أطباق يعني. ودي بتتظبط أتوماتيك من الكنترول يونت. عليك و على تكنو بوش او أحمد فرج فى جسر السويس يظبتهالك كومبيوتر

ممكن ياباشا شوية توضيح يعني اي تاكيهات دي انا اسمع المصطلح دا بس مش فاهم معناه ولو دي مش مظبوطة بيبقي اعراضها اي في العربية ؟؟؟؟؟؟

عمود التكيهات دي بتبقى على وش الموتور المسؤلة عن حركة الصبابات. بتسمع كلمه اسمها 16 صباب او 8 صباب. دي بتبقى مسئوله عن دخول البنزين لغرفة الأحتراق و خروج العادم من غرفة الأحتراق.
ببساطة كده 8 صباب / 4 سلندر بواقع اتين صباب لكل سلندر واحد منهم بخرج العادم والتاني بيبقى مقفول ولما الحركه بتتعكس بيتقفل صباب العادم و يتفتح صباب البنزين يدخل البنزين يتحرق يبقى عادم يتفتح الصباب التاني يخرج العادم للشكمان و يتقفل صباب البنزين وهكذا.
ال 8 صباب بيقبوا متوصلين بعمود التكيهات هو الى بيبقى مسؤل عن فتح الصباب للبنزين و قفل الصباب للعادم و العكس عن طريق حركه ميكانيكيه . و فى حالة عربيتك الكنترول هو الى بظبتها اتوماتيك عن طريق الكنترول يونت لأنها بتبقى لعى حاجه اسمها الكستبانات من غير تدخل الميكانيكي. فيه عربيات بتبقى لازم الميكانيكي هو الى بيظبتها يدوي.
انا كانت عندي الموضوع ده العربيه كانت بتأخر شويه ف السحب وم كانتش بتجيب غير ال 100 بالعافية ولو جبت 120 بتاكل بنزين روحت تكنو بوش ظبتهالى كمبيوتر وصلح الأرور لعى الكمبيوتر و بقت تماااااااااااااااااااام.
و ممكن توكن حاجه اسمها ال tps. او بالبلدي حساس البوابه بيكون عايز يتغير و اطمن هو مش غالي بيبقى فى حدود 200 او 250 ج و برده الكمبيوتر هو الى بكتشفه.

مشكووووووووور جدا ياباشا اول اجازة هروح لتكنو بوش باذن الله الاجازة الجاية الي هو في جسر السويس علي اول شارعه بنزينة صح؟ انت معاك اسكورت برضو؟؟؟؟؟