الموضوع: check gearbox

المشاركة الأصلية كتبت بواسطة Land_Cruiser

ما حضرتك تكشف علي زيت الفتيس ممكن يكون ناقص او محتاج تغيير

اولا انا في مطروح و مش عارف اكشف ازاي علي زيت الفتيس و بعدين انا لسه شاريها من 3 شهور و صاحبها كان مغير لها اتنين سولونيد و مغير الزيت بالكامل بزيت تخليقي . انا بس عاوز اعرف ازاي اضيع الalarmده و ايه المشكلة من وجوده

معلش يا جماعة استكمالا لتوضيح الصورة هي لمبة ال absمنورة كمان و لما بصيت علي الفيشة اللي تحت كرسي السائق لقتها مفكوكة من بعض خالص و حاولت اركبها بس مش عارف هي بتمسك في بعض ازاي انابحط السنون قدام بعض بس مش عارف امسكهم في بعض . هي فيه طريقة معينة لتركيب الفيشه ؟ارجو الافادة

انا سالت واحد صاحبي و عرفت اركب الفيشة لكن لا يزال لمبة absمنورة و برضه الcheck gearbox بتظهر بعد شوية صغيرة من تشغيل العربية . انا عاوز اعرف اولا ايه سبب ان لمبة ال absمنورة و ثانيا هل بيكون ليها تاثير علي ظهور check gear box alarm و شكرا

المشاركة الأصلية كتبت بواسطة Hany Saad

الأتنين ملهمش علاقة ببعض
الفيشة اللى تحت الكرسى اللى حضرتك ركبتها دى بتاعت الأيرباج مش ال abs....و المفروض كانت لمبة الايرباج البرتقالى تكون منورة فى التابلوه وقت ما الفيشة دى كانت مفصولة!!!!

لمبة ال abs بتنور لما زيت الفرامل ينقص لتأكل تيل الفرامل الأمامى....بص على زيت الفرامل و لو ناقص زوده و أبقى أكشف على التيل لما ترجع بالسلامة
لو الزيت مش ناقص يبقى حساس ال abs اللى عند عجلة من العجل ( بيبقى راكب عند الطنابير) مش راكب فى مكانه...و ده بيحصل لو كنت عملت شغل فى عجلة من العجل و لكنه الأحتمال الأضعف....أغلب الظن هيكون زيت الفرامل ناقص

بالنسبة للفتيس....دى أعراض سولونيد فالف مرة أخرى و مش عارف ازاى باظوا بسرعة كده!!!!!
وانت راجع حاول تمش الصبح بدرى قبل الحر الشديد و متجريش و لا تحرق على العربية...يعنى خلى رجلك خفيفة على بدال البنزين و ان شاء الله لما توصل بالسلامة لازم تكشف على الفتيس عند حد بيفهم

أجازة سعيدة

تحياتى

اشكر حضرتك للاهتمام و ان شاء الله اشوف زيت الفرامل غدا و لو مش ناقص هحاول اشوف حد بيفهم يكشف علي حساس الabs لاني كنت عامل شغل في العفشة من اسبوعين تقريبا امابخصوص التيل فهو متغير بجديد قبل شراء السيارة من 3 شهور . بخصوص الكشف علي الفتيس كنت حضرتك رشحت لي وجيه اللي في المطار فهل هو كويس و بيفهم في موضوع الفتيس دت

يا ريت حاجة كمان هل فيه مشكلة لو رجعت بالعربية بالراحة من غير حرق بس الcheck gearbox موجود

جرب تفك كابلات البطاريه بتاع 15 دقيقه وارجع ركبهم تاني يمكن الرساله تختفي
انا ظهرت معايا قبل كدا لما غيرت فردة كاوتش واختفت لوحدها
وظهرت معايا برده قبل كدا لما غسلت العربيه وقعدت اسبوع ظاهره وبعد كدا اختفت لوحدها برده
واجازه سعيده وترجع بالسلامه ان شاء الله