تعديل شكل الفلوينس 2011 للفيس لفت و زيت الفتيس

**Waleed_Fathy** · 06-09-2014 11:34 PM

السلام عليكم و رحمة الله
اعضاء القسم المحترمين
انا شفت علي موقع الفيس بوك لرينو عدل سيارت الفلوينس للشكل الجديد فقط ب 10000 جم
و كنت حابب اعرف ايه اللي بيتم لو تقدرو تساعدو
حاجه تانيه العربيه بقت عامله 105 الف كم و مش عارفاعمل ايه في قصة زيت الفتيس هل بيتغير و لا لاء
افيدونا يرحمكم الله

**تامر.محمد** · 07-09-2014 02:28 AM

بالنسبة للتعديل فالتوكيل بيغير الاكصدام بمشتملاته و اظن الفوانيس كمان بالمبلغ اللي بتقول عليه
طبعا مع رش الاكصدام الجديد

مشكلة القطع دي ان العربية لسه الشكل ده جديد فمش هتلاقي الحاجات دي استيراد للأسف

بالنسبة لزيت الفتيس , فعلى حد علمي هو نفس فتيس ميجان2
التوكيل هايقول لك ما بيتغيرش
بعض الناس لهم وجهة نظر انه لازم يتغير على 100 الف مثلا بزيت تخليقي - انضف من اللي التوكيل بيحطه
مافيش حد يقدر يرجح ده او ده طبعا

**تامر.محمد** · 07-09-2014 02:45 AM

المشاركة الأصلية كتبت بواسطة waleed_fathy

انا بشكرك علي ردك و اهتمامك

العربيه هايلاين الفوانيس بس تمنها 8400 جم فا انا مستغرب غير قاعدتين للفوانيس 2000 جم و كمان الاكصدام 1600 ده الخارجي لوحده فا محتار علشان كده

موضوع الزيت ده يعني محدش يقدر يقولنا ايه العمل نغير و لا لاء

مش بالضرورة يكون بيركب فوانيس الهاي لاين , ممكن بتوع الفئات الاقل و دول مافيهمش لا الزينون ولا السينسور بتاعه
فلو حسبنا الفانوسين ب3000 او 4000 جنيه , هتلاقيها منطقية , هاتزود عليهم ألفين ولا الفين و نص اكصدام , و ألف مثلا فوجات , و ألفين شبكات و ألف نواكل و ليدات

انا برده مستغرب من ازاي الناس بتتكلم عن سعر اكصدام الفلوانس , قديمة او جديدة , في التوكيل بيقولوا ب1600 , و انا سائل من اسبوعين على اكصدام ميجان2 قالوا لي بألفين !!!