الموضوع: الأوراق المطلوبة لتسوية قرض سيارة و مطلوب رأيكو فى خبطة أعملها و الا أطنش

أنا أن شاء الله حأخلص قسط العربية
أنا كنت مقسطها على ثلاث سنين وخلاص الحمد لله القسط خلص القسط الجاى هو أخر قسط
عايز أعرف أيه الورق اللى البنك بيدهونى للمرور و و أنا بأخد أيه من البنك -بنك المشرق- ايه الورق أللى بيدهونى البنك علشان أثبت أنى خلصت القسط و هل في مخالصة من البنك المركزى للكلام ده أنا قبل كده بأقول للموظف أنا عايز الشيكات اللى مضيت عليها قاللى لأ أحنا ما بنديش شيكات أحنا بندى محضر أتلاف للشيكات فهل الكلام ده صح فعلا و أنا عايز ورقة من البنك المركزى تفيد بانى خلصت القرض و هل في جواب لفك حظر البيع سامحونى أنا لسه جديد في الموضوعات دى
الحاجة التانية أنا كانت العربية أخدت حكة كده بس حكة جامدة في الرفرف الخلفى قلت أعملها بالمرة أهو الواحد يستفيد من التأمين اللى أنا ما أستفدتش منه و لا مرة خلال ثلاث سنوات روحت التوكيل لقيته بيقولى سبعماية جنيه لأنه حيرش الرفرف كله أيه رأيكوا أسيبها و لا أعملها أنا لو روحت لأى ورشة بره حيقوللى من 300-400جنيه شركة التأمين النيل تكافل أعملها و ألا أسيبها طبعا أنا لو عملتها مش حأقدر أقول أن العربية فابريكة و أنها ما أترشتش ولو سيبتها التأمين حيروح عليا شوروا على أعمل أيه هو الحكة بسيطة و غبية في نفس الوقت علما [ان شركة التأمين حتدفعنى 10 % من قيمة الأصلاح يعنى دخلنا في 100 جنيه و مشواير و بنزين و مصاريف مستخبية يعنى حتقفل مائتين جنيه أعمل أيه ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟ ؟

المشاركة الأصلية كتبت بواسطة super_star_h

نصيحه اوعى ترش الرفرف كله
لو هتعملها بره قوله رشلى الحته دى فقط
وهو هيرشها ويحط على باقى الرفرف ورق جرايد
طبعآ فرق اللون هيعلم فى الرفرف صح ؟
لا بعد ما يلمع الرفرف كله بالصاروخ مافيش اي حاجه هتبان نهائيآ
انا كان عندى حته زيها كده وعملت الخطواط دى والرفرف كأنه فابريقه متلمسش

أولا أنا متشكر جدا على النصيحة و هو ده اللى أنا فكرت فيه بس معلش التكلفة كام تقريبا و تتعمل عند اى ورشة محترمة فين