ملاك فيكترا سي الرجاء الحضور

**شادي ايطاليا** · 11-09-2014 02:21 AM

لو سمحتوا يا جماعه انا في قدامي عربيه اوبل فيكترا سي 2008 بصراحه انا مركبتش الماني قبل كده بس اسمع انه اختلاف عن الياباني والكوري اكيد
عندي كام سؤال لو سمحتوا
اول حاجه انا مش فاهم ايه موضوع الفتيس بتاع الاوبل ده يعني انا مش عارف ده مانيوال ولا اوتوماتيك طيب هل فيها دواسه ديبرياج لو هسوقها مانيوال ؟؟
ولو هسوقها اوتوماتيك ايه موضوع ادوس برجلي واشيل عشان تدي غيار ده ؟ وانا هعرف ازاي اني لازم اشيل دلوقتي او اني لو شيلت عشان ادوس فرامل مثلا انها مش هتدي غيار تفاجئني بيه ؟؟
اهم نقطه ازاي احول من مانيوال لاتوماتيك والعكس اثناء القياده ؟؟
والاهم من ده كلو :)
حاجتهاااا قطع غيارها ايه الاخبار اسمع انها مولعه وقليله ف السوق والصنايعيه مبيفهموش فيها ولازم اصلح ف التوكيل واترزع الرزعه المتينه

طمنوني يا جماعه بالاخص لاخر نقطه دي وياريت تجاوبوني واناا اتشرفت بوجودي وسطكم

**sherif_m72** · 11-09-2014 02:53 AM

فيكترا سى من العربيات الممتازه جدا واللى سابقه عصرها واهم مشاكلها الموبينه واقل مشاكلها التعود عليها
وبالنسبه لقطع الغيار فهى اكيد غاليه ومتوازيه مع الكورى واليبانى الجديد مع فارق العمر الافتراضى والمتانه
ونصيحة اخ
متشريهاش لانك مش عارفها ولا فاهمها وبكده هتتعذب جدا جدا
العربيه دى اللى يجيبها لازم يكون فاهمها وحافظ الاوبل غير كده لآ
وخصوصا انى شايف انك قلقان منها من قبل ما تركبها
انما لو انت مصمم يبقى توكل على الله وتأكد اننا مش هنسيبك تقع بس اكشف واستلم توكيل

**شادي ايطاليا** · 11-09-2014 04:02 AM

ربنا يخليك يا شريف
الموضوع مش قلق منها بالعكس كونها الماني ده مطمني جدا انا قريت ان نزلها حاجات استيراد خارج وباسعار تنافسيه مع الكيا والالنترا فرق بسيط لا يتجاوز 200 وده شئ مقبول
وبصراحه انا من زمان كنت بحلم اركب اوبل وده اللي محمسني ليها بس نفسي اعرف شرح قيادتها مع الفتيس العجيب ده عشان حاسه معقد
وشكرا لردك يا كبييير

**شادي ايطاليا** · 11-09-2014 04:24 AM

سؤال كمان معلش انا اعرف ان هي موديل 2007 و2008 بس طيب هل كل فئات الاوبل فيكترا سي فيتيس ايزي ترونيك ولا فيها مانيوال عادي جدا بدواسه ديبرياج ؟؟

**sherif_m72** · 11-09-2014 04:27 AM

بالتوفيق ان شاء الله
وبالنسبه لطريقة المعامله والسواقه يفيدك فيها استاذ عاشور واستاذ احمد فهمى

**sherif_m72** · 11-09-2014 04:29 AM

المشاركة الأصلية كتبت بواسطة شادي ايطاليا

سؤال كمان معلش انا اعرف ان هي موديل 2007 و2008 بس طيب هل كل فئات الاوبل فيكترا سي فيتيس ايزي ترونيك ولا فيها مانيوال عادي جدا بدواسه ديبرياج ؟؟

2007 منوال بس (بنزين-فرامل-دبرياج)
2008 فيه منوال بس وفيه ايزى ترونيك (من غير دبرياج)

**شادي ايطاليا** · 11-09-2014 04:45 AM

تمام يا استاذ شريف تسلم ربنا يعزك

**Abdo Taha** · 11-09-2014 10:53 AM

بص العربية جميلة من كل النواحي بس الايزي ترونك مشكلته انك لازم تتعود عليه و يبقى ليك قابلية لكده وهو فتيس مانيوال بيتم التحكم فيه من خلال كنترول هو اللي بيزبط العملية دي كل اللي عليك تمشي بيها و تحرك عصاية الفتيس و اللي هتشتري منه العربية خليه يقلك ازاي تنقل و هيبقى سهل جدا ، بس لازم تجرب تسوقها الاول

و اكشف عليها تمام في ناس بيشتغلو فيها بره عادي ، بس لو على قطع الغيار انصح بالتوكيل

**احمد فهمى** · 12-09-2014 09:26 AM

المشاركة الأصلية كتبت بواسطة شادي ايطاليا

شكرا ع الرد يا استاذ عبده
يعني اي ميكانيكي او صنايعي عامتا هيفهم فيها عادي ولا ناس معينه
معلش تقلت عليك
بالنسبه للفتيس انا هسئل صاحبها عليها ومش قلقان منه لكن هل موضوع التحويل من قياده مانيوال لاتوماتيك فيها ده شئ سهل ولا معقد ؟
انا مع حضرتك ان التوكيل مضمون والقطع الماني بس غاليه وانا امكانياتي بصراحه تخليني ابعد عن التوكيل ف حاله اي عطل لقدر الله
فالسؤال من خلال عشرتك معاها
هل اعطالها كتير ؟
وهل سبق اشتريت قطع من بره التوكيل ولو حضرتك اشتريت هل القطع متوفره وبسعر اقل ؟
وشكرا تاني لردك يا باشا

مش اي ميكانيكى يشتغل فيها لازم يكون نخصص اوبل وعندو الجهاز الخاص بها وقطع الغيار متوفره عادي وفى صينى وتيوانى واصلى وهي عيوبها محفوظه بوبينه وحساس كرنك تعمل حسابك كل 25 الف كيلو هتغيرهم

الموضوع: ملاك فيكترا سي الرجاء الحضور

LinkBack

أدوات الموضوع

عرض

-

-

-

-

-

المواضيع المتشابهه

الى ملاك بيجو 508 الرجاء الافادة

الرجاء من ملاك a5 تسعير هذه المواصفات

الرجاء دخول كل ملاك البرسونا للمساعدة فورا

الرجاء الرد يا ملاك سكودا a4

الرجاء الرد يا ملاك سكودا a4 او من لديه الخبرة

الكلمات الدلالية لهذا الموضوع

المفضلات

المفضلات

ضوابط المشاركة