لمبة ال abs نورت ياميجان 2

**mfraig** · 03-10-2014 04:01 AM

كنت غير سير المجموعه والراجل كان فاكك العجله اليمين بس المفروض انه ماجاش جنب حاجه
المهم بعدها وانا ماشي لقيت لمبة ال abs نورت وكتبن check gear box
ولما اطفي العربيه وبعد شويه اشغلها تبقى تمام وانا ماشي لو اخدت مطب وللا خبطه في العجل تروح منوره وكان في فيشه بتتحرك من مكانها
في حاجه ليها غلاقه بالمضوع ده ممكن اشوفها بنفسي

حاجه تانيه حصلت برضه مع شغلانة تغير السير ده كنت راكن العربيه بعد مشوار والعربيه سخنه وجيت ادورها تدور وبعدين تطفي وعملت كده 3 مرات بس الموضوع ماتكررش تاني وفي نفس المره ده اخدت مطب لمبة ال check engine نورت وطفت وبعدين ماتكررتش تاني والكلام ده من يومين فمش عارف هتحصل تاني وللا خلاص

حد فاهم حاجه؟؟

**تامر.محمد** · 03-10-2014 04:11 AM

شكلها كده فيش مهزوزة , بتاعة الabs دي غالبا فيشة الحساس

**mfraig** · 03-10-2014 02:49 PM

فكيت العجله اليمين ولا الشمال ؟
العجله اللى اتفكت هى دى غالبآ اللى فيها المشكله
الحل بسيط
لو العجله اليمين هتكسر الدريكسيون كله يمين
وتنزل تبص ورا العجله ويكون معاك كشاف هتلاقي كبل اسود ماشى فوق المقص متوصل ورا الطنبوره
الكابل ده هو بتاع حساس ال abc
شده لبره هتلاقيه طلع من الحساس نضفه بأى حاجه وركبه تانى مكانه
لو مجبتش نتيجه
اعمل نفس الشغلانه مع العجله التانيه

شكلها كده فيش مهزوزة , بتاعة الabs دي غالبا فيشة الحساس

ربنا يكرمكم يارب انا اول مره اعرف مكان حساس ال abs بس توقعت ان ليه علاقه بالفك اللي حصل
هشوف كده ويارب تظبط

**Super_Star_h** · 04-10-2014 04:48 AM

المشاركة الأصلية كتبت بواسطة mfraig

ربنا يكرمكم يارب انا اول مره اعرف مكان حساس ال abs بس توقعت ان ليه علاقه بالفك اللي حصل
هشوف كده ويارب تظبط

متقلقش يا باشا اكيد الكابل ده واقع يا اما مش راكب مكانه كويس
وده ناتج عن مطب اكلته نقره العجله اتهبدت فيها
واول ما الكبل يتخلع هيظهرلك على الشاشه
abs + check gear box
اصل انا مره حصلت معايا دخلت فى نقره كده والعجله اتهبدت وظهرتلى العلامات دى
نزلت وبصيت ورا العجله اللى اتهبدت لاقيت الفيشه مخلوعه من مكانها
ركبتها ومشيت بيها ولا كأن حاجه حصلت