مجهود ممتاز من شخص متميز
رقم العضوية : 85958
تاريخ التسجيل : 15Jan2011
المشاركات : 3,132
النوع : ذكر
الاقامة : Egypt - Faisl
السيارة: Verna , 1.5 , M/T
السيارة[2]: Toyota Yaris , 1.3 , A/T
دراجة بخارية: لا يوجد
الحالة :
ازيكو يا شباب ,,
في البداية انا بعتذر جدا جدا عن الغياااب الطووووويل عليكم سواء كان في الرد على الاستفسارات او حتى كتابة مواضيع جديدة عن الجديد في عالم الصوتيات
لكن ده كان بسبب ظروف وضغط الشغل ,, وانا بحاول بقدر الامكان اني اكون معاكم وبرد على الاستفسارات على قد مابقدر
كنا اتكلمنا من مدة في موضوع طوووووووويل عن اهمية الكاسيت وانه ملقب بال Head Unit لانه اهم حاجة في عدة الصوت
اتكلمنا عن الفروقات بين كل كاسيت والتاني وايه العوامل اللى تخليك تشتري كاسيت على حساب كاسيت تاني
http://www.nilemotors.net/Nile/411413-a.html
النهارده هنتكلم عن موديلات معينة صنعت خصيصا لعدد الصوت ,, الموضوع ده للسميعة بس واصحاب العدد العالية
لان اي كاسيت هنتكلم عليه النهارده هيبقى سعره معدي ال 1700 جنيه (حتى لو مافيش فيه ولا USB ولا حتى كارت ميموري ولا اي حاجة)
ندخل في الموضوع علطول ونوضح ليه الموديلات دي اسعارها عالية اوي كدة مقارنة باي موديل تاني !! ؟
بس قبل ماندخل في الموضوع هنتكلم على بعض الاجهزة المساعدة اللى الناس السميعة بتشتريها عشان تكملها عدة الصوت بتاعتها
1- EQ :
وطبعا معروف وباين من الاسم بتاعه ومعظمنا هنا عارف ايه فايدته !! ؟ طب سؤال ؟؟ انا ايه اللى يخليني اشتري EQ لما اي كاسيت هيكون فيه 3 / 5 / 7 باند EQ ؟؟
اقولك : لما بتشتري External Equalizer هتلاقي عدد ال Bands فيه اعلى بكتير !! وده بيديلك تحكمات اعلى بالترددات بتاعتك وبيخليك تظبط صوت وتنغمه زي مانت عايز !!
بالاضافة ان ال External Equalizer بيتميز عن ال EQ العادي اللى موجود في اي كاسيت انه بيكون حاجة اسمها Graphic EQ
ودي انه بيطلعلك الترددات كلها جمب بعض على شكل جرافيك زي الصورة دي كدة بالظبط :
ودي طبعا محدش هيعرف قد ايه هي بتساعد في التنغيم الا اللى جرب يتعامل ويظبط الصوت من خلالها ..
2- Zero Power:
اتكلمنا في الموضوع اللى فات عن ال Preamp output واهميتها في انها توصل للجي ام خرج قوي بالفولت من خلال الكاسيت ,,, الزيرو باور كل اللى هو بيعمله انه بياخد الاشارة بالفولت من الكاسيت من خلال وصلة RCA يقويها ويقوم مديها للجي ام بصورة اقوى
3- Cross-over:
ال Cross-over ده جهاز من اسمه كدة بي Cross يعني بيعدي فوق ترددات معينة ويقطعها ,, يعني انا عايز مثلا افصل البيز من السماعات هقوم فاصل منها ال Low frequency !! هتقولي طب ماهي موجودة في معظم الكاسيتات دلوقتي !! ؟ على شكل فلاتر HPF / LPF
هقولك تمام !! بس ال Cross over بيخليك تتحكم مش بس في ال Cut off frequency !! لاء ده بيخليك كمان تتحكم في ال Slope بتاعها بالاضافة ان الترددات اللى تقدتر تعملها Cut off بتفرق كتير من جهاز للتاني يعني فيه جهاز اخرك تقدر ت Cutt بداية من تردد 80Hz ولحد 160Hz !! فيه بعض الاجهزة دلوقتي وصلت ل 50Hz / 200Hz وفيه كمان نزل لاقل من كدة ل 34Hz !! وده بيفرق جامد اوي اوي اوي في الصوت
4- Digital Signal Processor DSP:
الجهاز ده بيتكون من عدة اجهزة في بعض ,, لانه بيبقى فيه Built In EQ وفي نفس الوقت بيقويلك الاشارة زي ال Zero power / Line driver
لكن بيديلك شوية Options تانية :
1- بيخليك تقدر تتحكم في ال Listening Position selector يعني بيبقى فيه اوبشن تختار انت قاعد على انهي كرسي في العربية وهو يقدر يظبطلك الاربع سماعات بتوعك بيحيث ان الصوت يجيلك Balanced ومتوزع في المكان اللى انت قاعد فيه (بتفرق كتير لو سايق لوحدك او معاك واحد بس قاعد جمبك ومحتاج الصوت كله يبقى قدام)
2- بيديلك حتة Cross-over بس بتبقى Front / Rear يعني تقدر تتحكم في ال Cutting off للسماعات اللى قدام لوحدها والسماعات اللى ورا لوحدها
3- ال Subwoofer Control فيه بيبقى عالي اوي !! تحكم صب صح بمعنى الكلمة وبتقدر كمان ت Cut off في الترددات اللى مش عايز الصب يشغلها من خلال التحكم في الترددات ب Slop Graphic بيطلع قدامك
4- بالاضافة لشوية دلع بقى زي صدى الصوت والصوت المسرحي والكلام ده
------
الاربع اجهزة اللى اتكلمنا عليهم دول لو موجودين في عدة الصوت عندك هتخلي الصوت عندك يفرق 180 درجة عن اي صوت ممكن تسمعه في اي عربية تانية !! وطبعا الاجهزة دي غالية !!
طب ايه رايك لما تشتري كاسيت يديلك الاربع اجهزة دول بكامل كفائتهم ويبقوا موجودين فيه Built in !! ؟
ايه رايك لما تشتري كاسيت يكون فيه :
1 - Built in Graphic EQ ويكون 16 باند !! ؟
2- يكون الخرج بتاعه Hi output بيوصل ل 5 فولت ويغنيك عن انك تشتري Zero power !! ؟
3 - يكون فيه Cross - over بيوصل في بعض الموديلات ل 3/4 Ways !! مش بس Front / rear !! لاء ده فيه موديلات كمان زي ال P880-PRS ال Cross over فيه Independent يعني تقدر تتحكم في الترددات بتاعة كل سماعة لوحدها !! ؟ يعني انا لو عايز افصل البيز من السماعة اللى قدام يمين واخلي السماعة اللى ورا شمال تديني صوت مطرب والسماعة اللى قدام شمال تديني بيز اقدر اعملها !! ؟ حد متخيل ؟؟
4- يكون فيه تحكم صب Subwoofer control معاك لحد -24 !! ؟ بال Slope بتاع كل Frequency لوحده Graphic كمان !! ؟؟ يعني اتحكم في الصب زي مانت عايز بالريموت كنترول !!!!
5 - يكون الكاسيت فيه Bass Boosting output بيضاعفلك قوة البيز الخارجة من السماعة / الصب على الاقل اربع اضعاف اي كاسيت تاني !! ؟
6 - يكون ال Mosfet output بتاع الكاسيت يشغلك السماعات اكنك حاططها على جي ام بالظبط !! ؟ ويمكن اقوى كمان
7 - يكون الكاسيت فيه Built in DSP مع امكانية التحكم في ال Listening position بمزاجك !! ؟
8 - يكون الكاسيت فيه Mic بيتوصل برة عشان ي Adjust اي Noise من خلال ال Auto-EQ اللى موجودة في الكاسيت
9 - لما يكون ال Cut off Frequancy اللى تقدر تقطعها من خلال ال Cross over اللى موجودة في الكاسيت ده بتبدا من 50Hz لحد 200Hz كل تردد بال Slope بتاعه !!
10 - بالاضافة لاوبشنز تانية كتييير لتتنغيم والتحكم في الصوت لو قعدت اتكلم عليها هقعد اكتب من هنا لبكرة !!
من الاخر موديلات هتغنيك عن انك تشتري اي جهاز تاني معاها !! مجرد من كاسيت لجي ام واسمع يا معلم !!!
سبنا بقى من كل الرغي ده ونيجي للتجربة الفعلية ::
عندي صب Alpine Type R مقاس 15 وخرج 750 RMS مركبه على جي ام كيكر ZX Mono خرجه 1000RMS وكنت مركب الاتنين على كاسيت سوني دبل دين
اشتريت موديل من الموديلات اللى بنتكلم عليها دي وهو DEH-P8850MP بناء على نصيحة محمود (نايل موتورز - NileMotors.net) هو اللى عرفني على القصة دي كلها
عايز اقول اني في الكاسيت السوني كنت برفع ال Gain لاكتر من النص بحتة بسيطة وبرفع ال Bass Boost في الجي ام برضوا للنص
لما حطيت على الكاسيت البايونير خليت ال Bass Boost على زيرو !! قفلته يعني
وخليت ال Gain على اكتر من الربع بحجات بسيطة !! ولك ان تتخيل ان الصب مطلع صوت اقوى على الاقل اربع اضعاف !!!!!!!!!!!
-----------------------------
ندخل في الموديلات بقى ::
كل الاوبشنز اللى فاتت دي موجودة في الموديلات دي ( انا هرتبهم من الاقوى للاضعف)
الفروقات بسيطة يعني ممكن واحد يكون ال Cross over بتاعه Dependent يعني ماتقدرش تتحكم في كل سماعة لوحدها بس التاني تقدر ,, واحد يكون فيه ال Cross over 3/4 ways بس التاني 2/3 ways بس !!
الفروقات مش جوهرية لان الاساسيات كلها موجودة في كل الموديلات :
الموديلات كلها بايونير :
DEX-p99rs : ده يعتبر اقوى واحد بيتميز انه فيه 31 باند جرافيك EQ وفيه اوبشنز من هنا ل 100 سنة قدام !! بس طبعا سعره خزعبلي في حدود ال 1000 دولار فإحنا هنعتبر ان الموديل ده مش موجود وخلينا في باقي الموديلات :
DEH-P880PRS
DEH-P980BT
DEH-P980
DEH-P8850MP
DEH-P800
DEH-P780BT
DEH-P7800
DEH-P780MP
DEH-P860MP
الموديلات دي الفروقات مابينها بسيطة جدا واسعارهم كلهم متقاربة ,, مشكلة الموديلات دي للاسف انها موديلات قديمة حبتين فماكنتش ال Front USB وكارت الميموري موجودين فيهم للاسف !! وبعض الموديلات حتى مافيش فيها بلوتوث ولا اي وسائل ترفيهية
الموديل الوحيد اللى بيشغل USB هو ال P880PRS
بس عموما فيه USB Adapter بيشتغل عليهم وبيخلي الفلاشة تقرأ فولدرات وكل حاجة
للاسف الموديلات دي مش موجودة في مصر ولازم تجبها من برة !! وعشانها موديلات قديمة فهتضطر تجبها مستعملة
موجودة على ال Ebay / Amazon واسعارها بتتبقى في حدود ال 200 دولار مستعملة على حسب الحالة طبعا
الموديل الوحيد اللى لقيته في مصر هو ال DEH-P8850 انا جبته من شارع دمشق ب 1700 جنيه من عند اولاد السني ومش عارف لسه موجود عنده منه تاني ولا لاء
ممكن يكون فيه موديلات تانية برضوا فيها نفس الاوبشنز بس انا ماذكرتهاش !! عموما للي بيدور على حاجة زي كدة جديدة
دور على ان الكاسيت يكون فيه جرافيك EQ مش اقل من 16 باند
ال Cross over تكون 3/4 ويفضل لو تكون Independent
ال Output بتاع الكاسيت لازم لازم لازم يكون 5 فولت
يستحسن يكون فيه DSP
لو لقيت المواصفات دي موجودة اشتري وانت مغمض
انا كدة خلصت اللى عندي والكلام عن ال Head Units اكيد لسه ماخلصش !!
..
رقم العضوية : 134094
تاريخ التسجيل : 28Jan2013
المشاركات : 1,702
النوع : ذكر
الاقامة : القاهرة
السيارة: Skoda Octavia A5 2007
السيارة[2]: BMW M3 2002
الحالة :
مجهود ممتاز من شخص متميز
حسبى الله لا إله إلا هو عليه توكلت وهو رب العرش العظيم
(لا إله إلا الله سيدنا محمد رسول الله)
رقم العضوية : 66795
تاريخ التسجيل : 01Apr2010
المشاركات : 2,720
النوع : ذكر
الاقامة : EGYPT-ALEX
السيارة: LAST Tempra&CITROEN ZX
السيارة[2]: Skoda favorit
دراجة بخارية: لا
الحالة :
طيب تفتكر لو كارت صوت كرياتف من العالى يو اس بى ولاب ممكن مع تقنيات الكمبيوتر والبرامج توصل لنتيجه اعلى
مصر يجب أن تكون كالاسفنجة ,تبقى طافية دون أن تغرق ,حجمها كبير ولكن لا وزن لها-معادله كيسنجر
رقم العضوية : 16400
تاريخ التسجيل : 14Aug2008
المشاركات : 1,958
النوع : ذكر
الاقامة : حلوان
السيارة: لانسر شارك 2015
السيارة[2]: ألنترا 2007
الحالة :
بصراحه مجهود جبار
تسلم ايدك
سامح الجـهيني
رقم العضوية : 170475
تاريخ التسجيل : 09Jan2015
المشاركات : 14
النوع : ذكر
الاقامة : Shebin Alkoum, El-Minufya
السيارة: ربنا يكرم
السيارة[2]: Lancer 2009
الحالة :
انا معايا بايونير 8450 ومركب علية سماعتين كينوود 400 دبل بيز كدا كويس ولا ايه النظام
اللهم إنى أعوذ بك من الكفر والفقر وأعوذ بك من الجبن والبخل وأعوذ بك من غلبة الدين وقهر الرجال
رقم العضوية : 71514
تاريخ التسجيل : 25May2010
المشاركات : 26,773
النوع : ذكر
الاقامة : EgYpT-ⵍⵎⵖⵔⵉⴱ-
السيارة: -- -- all FiaT ---
السيارة[2]: ToYoTa CorOllA ---
دراجة بخارية: - - - - - - -
الحالة :
نصيحة يا دكتور انا معايا سماعات كينوود 600 دبل بيز
وطبعا عاوز كاسيت يقدر يقوم السماعات صح
المشكلة المكان عندي فالكورولا اساسا لدبل دين ولا اجيب Single Din ؟
رايك ايه عاوز حاجة نظيفة وتكون انت مؤيدها
الميزاينة من 1400 الي 1600 مثلا قولي ايه الموديل المحترم بايونيرطبعا ويكون موجود فمصر
اشتريه فرايك وخلي الجي ام المرحلة الاخيرة
فأنتظار رايك وعارف ان كأنك بتنقي لنفسك
تحياتي يا غالـــي ..
رقم العضوية : 149926
تاريخ التسجيل : 12Oct2013
المشاركات : 51
النوع : ذكر
الاقامة : الاسكندرية
السيارة: bmw
السيارة[2]: bmw
الحالة :
HFP بيبقي موجود في البيونير deh 1450 ub
رقم العضوية : 149926
تاريخ التسجيل : 12Oct2013
المشاركات : 51
النوع : ذكر
الاقامة : الاسكندرية
السيارة: bmw
السيارة[2]: bmw
الحالة :
العدة بتاعتي 6 سماعات بيونير 500w اربعة علي الكاسيت 2 علي جي ام و بازوكا بيونير ركبة علي جي ام سيمفوني 640 والكاسيت ظبته علي bass 3 mid 0 trebl 5 sla 4 loud higكدة تمام ولا ايه
رقم العضوية : 66795
تاريخ التسجيل : 01Apr2010
المشاركات : 2,720
النوع : ذكر
الاقامة : EGYPT-ALEX
السيارة: LAST Tempra&CITROEN ZX
السيارة[2]: Skoda favorit
دراجة بخارية: لا
الحالة :
مصر يجب أن تكون كالاسفنجة ,تبقى طافية دون أن تغرق ,حجمها كبير ولكن لا وزن لها-معادله كيسنجر
المفضلات