ميجان 1, مشكلة فرقعة شديدة من الشكمان فى الصباح

**M.Gomaa** · 12-02-2015 11:11 PM

أنا معايا ميجان 1 , وكنت غيرت فلتر بنزين و فلتر هواء و طقم بوجيهات و نظفت البوابة و رشاشات الإنشجكشن بعد ما عملت الصيانة دى, كل ما أجى أدور العربية الصبح بدرى تعمل صوت فرقعة شديدة من الشكمان و بعد كده تدور عادى وفى خلال اليوم بتبقى العربية مافيهاش مشكلة فى الدوارة المشكلة بتبقى الصبح بدرى أو فى الجو البارد. أنا رجعت للميكانيكى قالى دى بوجيهات واخدة رطوبة فغيرت طقم بوجيهات أصلى ولسه المشكلة موجودة و كمان علبة الشكمان الخلفية إنفجرت من شدة الفرقعة و ركبت واحدة جديدة و روحت لميكانيكى تانى كشفلى على كهربة الماباين الأربعة و نظفلى حساس Idle و لسه المشكلة موجودة. أنا النهارده كلمت واحد متخصص فى تنظيف و إختبار الرشاشات قولت يمكن يكون فى رشاش بيسيل بنزين فلما بتدور العربية بيتحرق فجأة فبيعمل الفرقعة الشديدة دى, قالى ده مش عيب رشاشات ده عيب طلمبة بنزين فأنا مش عارف أغير طلمبة بنزين و أجرب مع أنى أنا شايف العربية فى السحب مفهاش مشكلة مبتقطعش و لا حاجة, مش عارف أعمل إيه و بصراحة تعبت من فتى الميكانيكية, ياريت لو حد يقدر يفدنى ما يتأخرش عليا فى الرد

**siena14** · 13-02-2015 12:50 AM

[overline]اولا: الاستاذ سعيد الهوا بيقول ..... واحد امبليه = اتنين فرقعة فى الشكمان ورا [/overline]

ثانيا: طرمبة بنزين، حساس كرنك، مباين، مشكلة فى دورة الفاكيوم (زى شرخ فى المنفولد)، سلوك بوجيهات، فلتر بنزين مسدود، علبة بيئة بتستهبل، حساس هوا، رشاشات بتستهبل، حساس tps و أخيرا و ليس أخرا فيوزات الحساسات

ثالثا: طرمبة البنزين سهل يتقاس الضغط بتاعها و يتعرف ازا كانت بايظة ولا لأ

رابعا: اقول للميكانيكى الى قالك رطوبة ... حمرا و شوف ميكانيكى تانى علشان ده عربجى !

خامسا: انا غير متخصص و غير مسئول عن اى حاجة كتبتها

و الله الموفق

**ahmedfouad** · 13-02-2015 02:19 AM

تعالى احطهالك على الجهاز الشخصى بتاعى رينو كليب من غير فلوس طبعاً
نشوف هتقرء ايه اعطال مع انى شاكك فى حاجة وقعت من الميكانيكى جوة الموتور ..
مسمار مثلاً