مشكلة غريبة محتاجة تفسير بخصوص كليو 2002

**melsatar** · 11-02-2009 04:48 PM

السلام عليكم

يارب يكون الجميع بخير إن شاء الله ، الموضوع إن العربية اول لما بشغلها تبقى تمام و تمشى تمام و تسحب عادى لحاد 170

المشكلة بعد فترة لما أكون ماشى على الغيار الأول - التانى - او حتى التالت العربية بتبقى بترتل فجأة بحس أكنها عطشانة بنزين - حتى لو دايس البنزين على الأخر بتاخد فترة لحد ما تزيد السرعة بتعتها

و لما أكون واقف خالص و بزود بنزين و أسيب و أزود تانى بتبدأ تترتل أكنها هتقف و بعدين بسمع صوت فرقعة كدة خفيف أوى

لو حد عنده تفسير ياريت يقول حتى لو شك فى حاجة معينة

الموضوع ده بدأ يحصلى بعد سفر على 170 - 180 لمدة ساعة و نص

مستنى رأيكم و إيفادتكم و شكرا

**Ahmed Selim** · 11-02-2009 05:45 PM

مع أنى مش عارف العربية كليو ولا ميجان و لا أيه بس حسب وصفك ممكن تشك فى كذا حاجة فى دورة الأشعال
ممكن نوع بنزين مش نضيف مع السرعة العالية اللى كنت عليها سد فلتر البنزين شوية......أو الطرمبة نفسها....ممكن تكون البوجيهات فيها حاجة ..... أعتقد حاجة من دول بس مش متأكد.

**Ahmed Selim** · 11-02-2009 06:06 PM

نداء الى عمرو عمارة و أكمل حمدى......

أكيد وحوش الكليو هيفيدوك أكتر منى.

**melsatar** · 11-02-2009 11:44 PM

طيب إشمعنى فى السرعات العالية بس و الفيلتر مكملش 7,000 كيلو

**akmal_hamdi** · 12-02-2009 01:45 AM

أكشف على البوجيهات أولاً و بعدين
بص يا باشا عندك 3 أحتمالات
1
ممكن زى ماأحمد قالك الطرمبه بتقطع لما العربيه بتسخن ودى ممكن تكشف عليها تشغل الكونتكت بس مدورش العربيه وتسمع الطرمبه وهيا بتحضر بتقطع ولا بتدى الزنه بتاعتها الطويله ولا بتقطع ماشى .
2
موبينه التكرير تكون مبتديش العربيه الكهربا المظبوطه للعربيه على سرعات(زياده-او نقصان ).
3
العيب الثالث ده متوقف تقولى بتعتل فى الدواره ولا لأ و أوقات وانت بتجرى تحس ان العربيه ال rpm بيوطه و انها عايزه تبطل ده يكون سبيد سنسور وده احتمال كبير.

**عمرو عمارة** · 12-02-2009 09:52 AM

أعتقد زي ما د.أكمل قال.....البوبينة ممكن يكون فيها مشكلة أو البوجيهات

**mm110** · 12-02-2009 09:45 PM

عملت معايا كده مرة وغيرت فلتر البنزين ورجعت زي الفل وكان عامل 6000 كم بس إتسد غالبا لما حطيت بنزين من محطة مش كويسة أنى معودها على بنزين محطة واحدة بس وهي اللي معايا كليو 1200 على V 16 موديل 2002وكنت فاكرها بوبينة التكرير بس الحمد لله طلع الفلتر .

**melsatar** · 13-02-2009 12:39 AM

الطلمبة شغالة كويس و بتسحب من غير تقطيع - و كمان العربية مش بتبقى سخنة خالص بالعكس بيبقى المؤشر على أوطى حاجة - فى حاجة كمان بتحصل لما أكون على التانى و بهدى عشان أفادى مطب و لما العربية تجمع سرعة التانى العادية بسمع سوت رجة جامدة فى المطور مش ترتلة بس تحس تخبيط أكنها بتقوم و فى فرامل منعها مثلا

-

الموضوع: مشكلة غريبة محتاجة تفسير بخصوص كليو 2002

LinkBack

أدوات الموضوع

عرض

مشكلة غريبة محتاجة تفسير بخصوص كليو 2002 - انشر الموضوع فى :

-

-

-

-

-

-

المواضيع المتشابهه

مشكلة فى رينو كليو 2002 ارجو المساعدة

مشكلة غريبة وعايز تفسير

مصتلحات كتير محتاجة تفسير

استفسار و مساعدة بخصوص رينو كليو 2002

مساعدة بخصوص شراء كليو 2002 ضرووووووووورى

الكلمات الدلالية لهذا الموضوع

المفضلات

المفضلات

ضوابط المشاركة