انا عندي ناس في الشغل كتير جابوا الميجان و انقسموا ل3 فرق

الاولى:جابوها من الزيرو و سبوا و لعنوا اللحظة اللي جابوها فيها لغلاء قطع غيارها و عدم قدرتهم على الخروج من دائرة التوكيل المكلفة نظرا لأن مفيش ميكانيكي فاهم فيها حاجة خالص فهي بالنسبة ليهم عربية مش اقتصادية خالص

الثانية:ناس فييسة و مش فارقة معاهم الفلوس خالص و عايشين مع التوكيل 24 ساعة و لكنهم بيعترفوا انها عربية حساسة و عايزة عناية فائقة لكن العربية مريحاهم في الاستخدام و عاصروها لأكثر من 3 سنوات

الثالثة:دول بقى ناس مش فارقة معاهم الفلوس خالص لكنهم قرفوا من اعطال شديدة التعقيد و مشاكل متكررة بالرغم من متابعتها في التوكيل ايضا لكن هناك مشاكل كل ما تتعالج ترجع تاني

ال3فئات دول اشتركوا في الاعطال الآتية بنسب مختلفة كالآتي:
100% عطل بطارية الفابريقة قبل سنة من الاستخدام
70% كويل الموبينة قبل50الف كم و ال30% بعد ال50الف كم لكن 100% ايضا منهم غيره قبل ال100الف كم
60% معاناة من توقف الكارت عن العمل سواء لخلل في الكارت او في السيارة نفسها
20% شكوى من ان حساسات الاضاءة و المياه بتهبل
60% منهم تغيير شداد موتور "مش عارف ده ايه اصلا" قبل ال50الف كم برضه
90% شكوى من التكييف مروحة خاصة بالنهار
80% ممن اشتروها باعوها قبل اتمامها للسنة الثالثة او حاجز ال100الف كم
(ملاحظة) شكوى خرافية من سعر اعادة البيع السيء للغاية و ان تييييييت تقيلة في البيع

لقد قمت بمجهود جبار و جمع دقيق للمعلومات دي علشان انا كنت ناويها لإنبهاري بالشكل القمة في الجاذبية و لكني تراجعت بعد هذا البحث

مزايا لا يختلف عليها احد:
شكل جذاب للغاية
فرامل ممتازة
عزل فائق
التعليق في منتهى الراحة
الثبات جيد في البانوراما بسبب الجنوط و مقبول في الباقي نظرا للتعليق الطري في الأصل و تم اعزاء الاحساس بالثبات انه احساس "وهمي" نظرا لأن العزل القوي لا يشعرك بالسرعة و الثبات شيء نسبي ايضا من شخص لأخر

لكن بإختصار وجد انها بالنسبة لي ليست صفقة رابحة لا على المدى القريب او البعيد فأنا مش بحب وجع الدماغ بصراحة و لسعة التوكيلات و كانت الانسر Ex