السلام عليكم
انا بصراحه عضو جديد فى المنتدى وانا جديد فى كل حاجه فى المنتدى وفى العربيات لانى ناوى اشترى اول عربية فى حياتى فطبعا مش عايز اقولكم على الوضع الى انا فيه انا مش من طبعى التردد وخصوصا فى الشراء لانى الحاجه الى بتعجبنى ومعاي تمنها بشتريها بدون تردد او اخد راى فلان ولا علان
بس فى العربيات وقفت مكانى مش عارف اعمل ايه
بصراحه انا مش مرتاح للكورى وكمان بحس ان اليابانى عربيات داخل المدن فقط
وخصوصا انى انا بشتغل فى الغردقه وساكن فى القاهره والعائله فى المنيا يعنى اقل سفريه 450 كيلو وسافرت قبل كده بلانوس ونوبيرا وما ارتحتش علشان كده قررت ما اشتريش ايا منهم
معلش المقدمه طويله شويه بس علشان تفهمو ظروفى
انا عايز اشترى عربيه اوبل ده خلاص قرارى النهائي بس المبلغ الى معايه الحد الاقصى ليه 40 الف فى عربية فى المنصوره صاحبها طالب 42 الف وهى فكترا 1600 موديل 95 بيقول انها عامله 106 الف كيلو رشه بره نظافه وطبعا كامله مانيول بيقول ممكن نتفاهم فى السعر شويه
ارجو نصائحكم جزاكم الله عنا خيرا
مصطفى
المفضلات