العربية مش عايزة تدور بعد الغسيل

**sleepyhammer** · 12-05-2009 08:13 AM

صباح الفل على احلى ناس واحلى منتدى
امبارح كنت بغسل العربية غسيل وتشحيم والموتور طبعا المهم ...
النهاردة الصبح وانا نازل رايح الشغل وبشغل العربية بقى عشان اروح الشغل
آجى اشغل الكونتكت بينور عادى بس اجى اشغل متشتغلش كأن صوت تكه من عند الكتاوت كده على ما اعتقد ومفيش اي شيء ولا حتى مارش شغال ... مفيش غير زقه علشان تقوم ، المهم بعد ما روحت عند الشغل بردو طفيتها وقولت اجرب تانى اشغلها ولا الهوا نفس الموضوع بس عملت حسابي وسبتها على منزلاية عشان مزوقش

ياترى ده يكون ايه حصل؟؟
وهل اقدر اشغلها لوحدى ولا لازم كهربائى وازوق تانى:(

هيه اكيد بسبب الميه بتاعت غسيل الموتور بس معقول منشفتش من امبارح؟؟؟
مع انى من اول ما غسلت لحد ماروحت بطلت كذا مرة بس بتشتغل عادى؟؟
يارت يا جماعة حد يدلنى اعمل ايه واصلحها بدل ما ازوق تانى

واسف على الاطالة
وشكرا

**sleepyhammer** · 12-05-2009 08:15 AM

وعلى فكرة البطارية شغالة والانوار بردو

العربية 127 فيورا
البطارية جافة

**michohat** · 12-05-2009 08:24 AM

باعتقادى لو راكنها فى الشمس حرارة الشمس هتطلع الميه او اى رطوبة اللى دخلت فيهاوالله اعلم
يا ريت تصححوا لى ان كنت غلط

**ahmad alshaaer** · 12-05-2009 08:39 AM

لعتقد ان قطاش البطاريه دخل عليه مياه من الغسيل
والحل انك تفك القطاش بتاع البطاريه وتصنفرهم وتصنفر كذلك القطاشين بتاع البطاريه نفسها
وادعيلي
ولو لاقدر الله بقي الحال على ماهو عليه يبقى البطاريه او الدينامو
ولكن بعد ماتنظف القطاشات دور وخليك مدور شويه لما البطاريه تاخد كفائتها في الشحن
وابقى طمنا

**pharonicking** · 12-05-2009 08:40 AM

حط العربية فى الشمس وسيبها فترة دايرة وجرب تانى"

**kimo** · 12-05-2009 08:46 AM

اعتقد دة اكيد ان شاء الله دى فردة السلك الى موصلة للمارش وقعة او الترملة مش موصلة كويس علشان كدة مش بتسمع صوت المارش لما تدور

**sab3aawy** · 12-05-2009 09:08 AM

ممكن تكون المية طالت اى من الأجزاء الآتية وعملت مشكلة(عزل نتيجة للأملاح او البارومة)

1- احد قطاشين البطارية او كلاهما

2- نقطة اتصال سلك ارضى البطارية بجسم السيارة

3- نقطة اتصال ارضى المحرك بالمحرك او بجسم السيارة

4-نقطة اتصال سلك لقط المارش بالمارش

5- كتاوت المارش او نقط توصيله لو انت كنت مركب كتاوت مارش فى السيارة

6-اوتوماتيك المارش

جفف كل هذة الأجزاء وتأكد من خلوها من المأء لو لزم الأمر انفخها ببلاوار ، وخصوصا قطاشات البطارية وكاتوت المارش واوتوماتيك الماشر لأنها قرب النقط احتمالا لحدوث مشكلة وان شاء الله مشكلتك هتتحل

**الطنطاوي** · 12-05-2009 09:11 AM

ممكن تكون خريطة الكهرباء أو الفيوزات عليها ميه

انت تفتح الكبوت في وش الشمس مدة علشان ينشف أي ميه

**sleepyhammer** · 12-05-2009 09:50 AM

مشكورييييييين يا جماعة بجد انا مش عارف اقولكم ايه

على العموم انا لما انزل من الشغل حجرب وربنا ييسر ان شاء الله ويسترها

والمشكلة انى بصراحة بخاف من الكهرباء وخايف تحصل مشكلة في العربية

وياريت يا جماعة وبذات استاذنا الاستشاري الكبير سبعاوى يقولنا لو فى نصايح مهمة ممكن نعملها قبل منغسل الموتور ونغطى ايه ونعمل ايه الا انا كل مرة لازم مشكلة مع الكهربا بعد الغسيل وبذات مع العربيات القديمة الى كل حاجة فيها مفتوحة ومش متغطية واسلااااااااااااااااااااا اكهاااااااااااا كتيييييييييييييييير

وشكرا مرة تانية على الردود والمساعدة يا اهل الخبرة وربنا يجعل المنتدى ده كالاهل والاسرة على طول

**sleepyhammer** · 12-05-2009 09:59 AM

طب مينفعش انشف الاسلاك بفوطة ولا حاجة
اصل انا معيش ولا بلاور ولا فى وقت انى انزل افتحها فى الشمس

انا هعتمد على انها واقفة تحت الشمس مؤقتا لحد ما انزل وانا ماشي وربنا يسهل

الموضوع: العربية مش عايزة تدور بعد الغسيل

LinkBack

أدوات الموضوع

عرض

العربية مش عايزة تدور بعد الغسيل - انشر الموضوع فى :

-

-

-

-

-

-

المواضيع المتشابهه

العربية مش عايزة تدور

العربية مش عايزة تدور

العربية مش عايزة تدور

العربية مش عايزة تدور

العربية مش عايزة تدور

الكلمات الدلالية لهذا الموضوع

المفضلات

المفضلات

ضوابط المشاركة