العربية مش عايزة تدور

**Miss_Pharma** · 26-11-2009 05:47 PM

العربية مش عايزة تدور ..
كل لما اجي ادور مش بترضى تدور من اول مرة ..
لازم اتك جامد عليها في التدوير وادوس بنزين .. والموضوع ده جديد ومكنش بيحصل قبل كده ..

الموضوع ده مضايقني جدا ..
شيكت على البطارية قالي مفيهاش ماية وزودها ماية بس لسه برضه نفس المشكلة ..
مش عارفة اعمل ايه :(
خصوصا انها لسه راجعة بعد غيبة طويلــــــة ..
المشكلة ممكن تكون في ايه غير البطارية ؟
اه كمان .. المفتاح ال spare مش بيدروها نهائي وكنت فاكرة ان فيه مشكلة في العربية بس لما دورت بالمفاتح الاصلي دارت بعد عذاب ..
انما الspare مابيقولش نهائي معاها .. لا حياة لمن تنادي .. بيفتح الباب وغطاء البنزين لكن مابيدورش ..
اعمل ايه :(

**Dr_Smart** · 26-11-2009 07:33 PM

كل سنه وانتي طيبه يا دكتوره

اعتقد انها البطاريه ... طيب جربتي بعد العربيه لما درات عملتي مشوار وبطلتي وبعدين دورتي تاني ... دارت عادي ولا اتاخرت برضو ؟

فيه احتمالات كتير غير البطاريه ... المارش (السلف) او الدينامو او البوجيهات (البلكات) بس غالبا البطاريه

اعملي الموضوع تاني في الورشه عشان ناس اكتر تشوفه وان شاء الله يفيدوكي

**nabaster** · 26-11-2009 11:33 PM

اوصفيلي الي بيحصل بظبط من اول ما تحطي المفتاح لغايه لما تنطق وتدور

مشكلة المفتاح الاسبير بقي

دلوقت المفتاح بيلف في الكونتاكت؟؟

اصلي بصراحه اشك ان عندك امبولايزر في الـ 206

او يكون مفتاحها مشفر

A.Yakout

**Miss_Pharma** · 28-11-2009 12:46 AM

المشاركة الأصلية كتبت بواسطة nabaster

اوصفيلي الي بيحصل بظبط من اول ما تحطي المفتاح لغايه لما تنطق وتدور

مشكلة المفتاح الاسبير بقي

دلوقت المفتاح بيلف في الكونتاكت؟؟

اصلي بصراحه اشك ان عندك امبولايزر في الـ 206

او يكون مفتاحها مشفر

A.yakout

بالنسبة للي بيحصل اول لما بحط المفتاح وادور بتعمل الصوت ده ( بتاع التشغيل ) وبعدين تفصل .. ادور تاني .. نفس الحركة .. اتك على المفتاح وانا بدور ثانتين 3 برضه مش بتشتغل ..
اروح اتك على المفتاح 3 ثواني كده وادوس بنزين
تلقط وتروح دايرة .. او ممكن متلقطش واعيد نفس الحركة تاني عشان تلقط ..

بالنسبة للمفتاح الاسبير واحد قالي مشكلة كمبيوتر ان متدورش غير بمفتاحها .. وظبطلي حاجة وقالي انا كده ظبطلك الكمبيوتر على المفتاح الاسبير كمان وانها تشتغل على المفتاحين .. بس مجربتش بقى لسه ادورها تاني بالاسبير واشوفها هتشتغل فعلا ولا لا ..