مشكلة بعد العمرة

**abdouz** · 27-05-2009 11:14 AM

عندى عربية ريجاتا 85 حصلت مشكلة فى طلمبة الزيت وانا ماشى بيها فالموتور قفش ودخلت فى قصة خرط وسبيكة وشنبر وجونات المهم لسة مستلم العربية وبعد حوالى 60 كليو ظهرات بعض المشاكل
1- العربية بتبطل وان ماشى الميكانيكى قالى طبيعى علشان الموتور بيسخن فى التلين ولما تبطل سبها تبرد شوية
2- فجاة ظهر دخان من الشكمان كتير قوى الميكانيكى قالى المروحة عطلت فالموتور سخن
3- فى تعريق على الموتور (زيت على جسم الموتور) قالى علشان انا فاتح التكيهات فى التلين وبعد 500 كليو تعالى نظبط التكيهات
4- صوت الوتور شوية يبقى واطى واحيانا يعلى
الرجاء من المتخصصين الرد على كل النقاط

**Ashraf_Ashraf** · 27-05-2009 11:28 AM

معلش فداك
تبطيل العرببه وهى ماشيه معناه ان فى مشكله فى دوره البنزين يمكن يكون فى عيب فى طلمبه البنزين لكن العربيه تسخن وتبطل
والكلام ده غير صحيح الا لو وصلت الحراره للغلايان وده لو حصل يبقى فى عيب فى فى دوره التبريد لكن العادى انه مايحصلش اى شئ من ده بعد العمره وتعريق الزيت على جسم الموتور معناه ان الجوانات مش مظبوطه ونوعها او تركيبها مش مظبوط الدخان بقى ياما يكون ناتج فعلا عن سخونه شديده جدا للموتور او ان العمره دى ماتعملتش اصلا وانه مغيرش غير الشنابر اما علو صوت الموتور وانخفاضه فده معناه انه المانفول او الكاربرتير واخدين هوا وده عيب تقفيل او عيب جوانات
وماتزعلش منى شكل الميكانيكى ده اشتغلك صح راى روح لواحد تانى خليه يكشف على الموتور لان اللى بتقوله دا كله مش ممكن يكون بعد عمره ابدا

**abdouz** · 28-05-2009 10:30 AM

شكرا يا باشا على الرد بس انا عايز اعرف اكتشف منيين انة مغيرش حاجة بالرغم ان العربية كانت فيها مشكلة ومش بدور والموتور قافش ودلوقتى العربية ماشية بس مع بعض المشاكل اللى انا وضحتها انصحنى اعمل اية

**Ashraf_Ashraf** · 28-05-2009 12:24 PM

انصحط تروح تكشف عليها عند ميكانيكى تانى تقوله انك عملت عمره وقله المشاكل وشوف رده هيكون ايه
والله يعينك بس ياريت تقول لنا عملت ايه

**mentaloss** · 28-05-2009 06:52 PM

ربنا مش قادر انطق (يسامح) ولاد الحرام ومنقدرش نقول اكتر من حسبى الله ونعم الوكيل فى كل واحد زمته مخروقة معلش اللفظ مش كويس وربنا معاك.

**lada2010** · 28-05-2009 07:07 PM

فعلا كل كلامك يوضع انة اشتغلك جامد خد منك مصانعية ادى اية باق

**samirayad** · 30-05-2009 11:26 PM

انت يا اخى تأجر 10 بلطجية وتكسر ورشة النصاب اللص ده لحد ما تجيبها على الأرض يا اما يرجع لك فلوسك،

الصراحه هو ده الحل .......دا مش ميكانيكى ........دا أقصاه عجلاتى .....وكتير عليه كمان

**abdouz** · 31-05-2009 11:42 AM

يا جماعة شكرا على طعطفكم معايا بالنسبة للفلوس هو لسة مخدش مصنعية بس واخد منى 1200 شراء لاوازم النصف عمرة بس ممكن تفيدونى ليه الدخان الابيض بيطلع من الشكمان

**banboty** · 31-05-2009 11:46 AM

المشاركة الأصلية كتبت بواسطة abdouz

يا جماعة شكرا على طعطفكم معايا بالنسبة للفلوس هو لسة مخدش مصنعية بس واخد منى 1200 شراء لاوازم النصف عمرة بس ممكن تفيدونى ليه الدخان الابيض بيطلع من الشكمان

ده دخان بتاع حريق زيت

و معناه ان الموتور بياكل زيت و مفوت