الموضوع: مش عارفه اعمل ايه

لا اعتقد ان تبطيل العربية له علاقة مباشرة بالمارش، لكن ممكن يكون حصل بسبب قيام الفنى بفك بطارية السيارة اثناء اصلاح المارش ، ربما يكون فكها بشكل خاطئ(الشكل الصحيح هو فك الأرضى اولا وتركيبه آخرا) مما ادى الى فقدان بعض تفاصيل المعايرة من ذاكرة كونترول السيارة، لذلك فالاقتراح هو اعادة ضبط الأيدل ، كما هو موضح فى هذا الموضوع فى بند رقم 5


http://www.nilemotors.net/Nile/a/30026-a.html

اذا لم يفلح الأمر فسيكون من المفيد زيارة التوكيل وطلب اعادة ضبط ال تى بى اس والأيدل مع شرح المشكلة لمهندس الاستقبال

برضه لا مانع من تجربة النصائح السابقة

بس هو ايه حكايه عربيتك موديل 2008 اللى كل يوم بمشكلة شكل دى؟ انا معايا 2007 وزملاء هنا معاهم 2006 وعاملين كليومترات عالية ومع كدة محدش ظهر عنده المشاكل دى كلها

نصيحة ، لو كانت السيارة دى سيارتك .متخليش كل يوم صنايعى يمد ايده فيها بداعى او بدون؟

كل الشكر للمهندس سبعاوى على نصائحه الغاليه .
للأسف ما دام حضرتك خليتى العربيه تاخد على ورش الصنايعيه هاتشوفى منها مشاكل كتيييير
اسأل الله لكى الستر والعافيه
من وجهة نظرى حتى لو كان التوكيل بيبالغ فى تكلفة التصليح لأى عيب فى السياره فهو مازال الجهة الوحيدة المعتمده والمضمونه لحل اى مشكله تواجهينها بالسياره (اهل مكة ادرى بشعابها)
عليكى وعلى التوكيل
وربنا ييسر ليكى الأمر
وطمنينا على اخبار العربيه