انهيار الاسعار لصالح البائع ام المشترى ام ضربه احلال وتجديد

**amro1965** · 19-09-2009 04:05 PM

السلام عليكم ورحمه الله وبركاته
شدنى هذا الموضوع
اجد سيارات موديلات بعد سنه 1995 مثل رينو داتشيا وديسهاتسو ولادا سمارة وغيرهم كثيرون فابريقة دواخل ومتكاملة جنوط وكاسيت وجميع الكماليات والحاله العامه جيدة جدا لا تتعدى السيارة بأى حال من الاحول 19 الف جنيه
مش عارف فيه ايه حاسس ان السوق متقلب للغايه شاعر ان فيه كارثه لا قدر الله هتدمر جميع الموديلات القديمة
حتى الفيات 128 اللى كانوا بيضربوا بيه المثل خلاص اصبح مثل عدد النوكيا عندما دخل عليها الموبيلات الصينى اصبح الناس لا يعيروها اهتماما
اتمنى من يشاركنى الرأى فى شكوكى وتوجساتى لانى بايع سيارة ريتمو 84 فابريقه دواخل 14 الف جنيه والان بدور على سيارة لكنى محتار مفروض نزول الاسعار يفرحنى لكن هذه الفرحه باين عليها وراها كارثه الله اعلم
هل اتأنى فى الشراء ام انتهز الفرصه فى اقتناء سيارة الان
اتمنى ترشيح لى بعض انواع سيارات فى حدود 20 الف جنيه تكون موديل 95 وما فوق وتكون عفستها قويه جدا
مش مهم تكون مكيفه المهم تكون اقتصاديه فى الوقود وقطع غيارها موجوده دائمه
شكرا لجميع الاعضاء المتفاعلين مع مداخلتى

**mxz911** · 20-09-2009 08:55 AM

شوف رينو كليو 95 فى حدود ال 20 الف

سوزوكى ماروتى 1999 ...

الشاريد .. بس هتكون قبل 95 .. هتكون موديل 91 بس مكيفه وفول اوبشن

سيات ابيزا سيستم بورش قبل 95 برضه .. موديل 92 مثلا

وعلى فكره انهيار الاسعار فى مصلحه البائع والمشترى .. لان اللى هيبيع بسعر قليل هيشترى بسعر قليل ..والعكس .. وكل ده ضرر على التجار اكتر من البائعين والنصابين .. اللى بيبيع رخيص هيخلى غيره يبيع رخيص وبالتالى هيلاقى حد يبيعله عربيه حلوه برضه بسعر رخيص ! .. وده هيخلى سعر الجديد ينزل !

وعامه كلهم احسن بكتير من الريتمو !

**amro1965** · 20-09-2009 04:07 PM

شكرا اخى العزيز على ترشيحاتك التى سوف اخذها مأخذ الجد فى بحثى فى سوق ومنتديات السيارات لكن هذه السيارات قطع غيارها سعرها معقول وفى كثير من الاماكن وكذلك اغلب الورش يقدروا يتعاملوا معها ولا التوكيل فقط واقتصاديه فى الوقود اتمنى من استخدم هذه السيارات ان لا يبخل علينا برأيه فيها بكل امانه
على فكره الموضوع هيفيدنى ويفيد غيرى كتثير معهم مثل هذا المبلغ
فى انتظار ردودكم

**eg_falcon** · 20-09-2009 11:40 PM

اعتقد ان الرينو عربية قطع غيارها غالية و مش متوفرة كتير ودا اللي مخلي سعر الداتشيا رينو رخيص زي ما بتشوف و الماروتي عربية صراحة خسارة فيها الفلوس ال 127 برقبتها و اللادا بصفة عامة عربية تقيلة في بيعها رغم انها عربية جامدة جدا لكنها خشنة حبتين خاصة لو لسه بتتعلم