انواع واسعار الكاوتش في مصر

[zihdar]

ابحث من يومين تلاته عن اربعة اطارات 15 65 عرض 195 و كنت فى البدايه ابحث عن هنكوك كورى

و طبقا لنصيحة احد الزملاء هنا رحت لاولاد بيومى فى شارع التحرير

هم شغلهم كتير و بياخدوا الفرد القديمه باسعار كويسه

و هناك سالتهم عن اسعار الهنكوك قالى 350 جنيه للاطار الواحد

و 490 جنيه للميشلان t

رحت لواحد فى المنيل اسمه على صبره

عرض الميشلان ال t ب 470

و الهنكوك ال h ب 365

فقررت اخده منه ميشلان ايطالى و لكن h

عرضها ب 510 و انا تمسكت ب 500

فى الاخر اخدت منه الهنكوك ب 355 مع انه اغلى من بيومى لكن كفايه انك واقف فى حته رايقه و الموضوع سريع جدا

ما لمسته هو ان مفيش حاجه اسمها بياع عنده كل شئ رخيص على الاطلاق

تجد كل واحد عنده نوع معين رخيص

يعنى انا لقيت اسعار الميشلان متفاوته تصل حتى 520 و تبدا ب 470

و الهنكوك من 350 و حتى 400

شطارتك فى الصبر و الفصال

[abo_amr]

لا أعرف لماذا لم اجد رد على اماكن بيع الكاوتش بالاسعار المنخفضة كما ذكر بعض الاعضاء

وعموما شكرا للجميع

اشتريت النهاردة 4 فردة كومهو فيتنامى مقاس 14/65/185

سعر الفردة بعد الفصال 310 جنيه

شكرا جزيلا لكل الاعضاء

[mrwho1982]

جبت فردتين دانوب تايواني ب 600 جنيه ال2 بدلا من 660

القاس 195/60/14

من عند المنياوي اللي في بنزينة توتال التجمع الخامس

[mirooman]

ياجماعه حد يعرف اجيب منين بريدجستون 175/70/13 لاني سألت في التوكيل قالولي المقاس ده مبقاش ينزل ومش عارف اجيب منين حاجه كويسه

[silver_som3a]

ya miroman ana gebt elm2as dah nafs elnoo3 men wa7ed gambena felsef elly fat 5adt meno we 7asably elfrda belnitrogen wel tarses 3ala 280 bayen,,,lamah a3dy gambo 7ab2a as2alak isa,,

[D . a .\ AYMAN]

كان راكب عندي في العربية الكاوتش اللى كانت جاية بيه من بلدها ... جوديير هندي ... بصراحة كانوا أربع عجلات تحفة ... وعملوا معايا حاجة مش مصدقها لغاية دلوقتي .. وهى إنهم إتخرموا كذا مرة (طبعا على أوقات متفرقة وأكتر من عجلة مش في عجلة واحدة) بمسامير عادية مش كبيرة قوي بس مش صغيرة برضه وبعد ما فكيت منهم المسامير بإيدي أول خرم فضلت ماشي عليه كسل مشوار كامل وبعدها روحت زودت العجلة وكسلت برضه أصلحه وعملت مشوار كمان ... المفاجئة كانت في إختفاء الخرم والعجلة بطلت تنام وفضلت مضبوطة

لما إتخرمت تاني بقى برضه عملت نفس القصة .. بس مش كسل بقى دا أنا كنت عايز أتأكد ... وفعلا أكتر من اربع أو خمس أخرام (مش فاكر بصراحة كام بالضبط) يلحموا لوحدهم بدون تدخل منى بعد ما اشيل المسامير منهم بإيدي

بصراحة الحركة دي عجبتني أو في الجوديير الهندي الغريب ده


وكمان الكاوتش ده عملت بيه خمسين الف ... وشلته فقط لأن في فردتين منه إتاكلوا من حادث في الرصيف كنت عملته من فترة قصيرة ... لكن التلات فرد التانيين (بما فيهم الإستبن) كان ممكن يقعدوا لغاية أكتر من كده وأعتقد بكتير كمان (عموما أنا محتفظ بيهم)


يعيبه فقط .. إنه كان ناشف جدا على الطريق .. ومزعج بشكل خرافي لما كنت بأقفل الزجاج وأفضل أنا وهو لوحدنا من غير كاسيت كان بيجيبلي صداع




ركبت بدل منه بقى فولدا بولندي مقاس 13/155/65 (المقاس الأصلي بتاع العربية كان 13/145/70)

الفرق في النعومة والضوضاء غير طبيعي برغم إن الفولدا فردة ناشفة برضه بالمقارنة مع الكومهو والهانكوك بس أفضل منهم بمراحل وفرق السعر ماكانش كبير مع العلم إني أساسا مكنتش لاقي منهم المقاس بتاعي بس كانوا بيتراوحوا حوالين 200 - 210 .... أنا جبت الفولدا بـ 225 من أرابكوم في مدينة نصر أمام النادي الأهلي تقريبا

النقشة اللى جبتها إسمها إيكو كونترول .. أعتقد مافيش فولدا غيرها في مصر لإنها هية المناسبة للفصول الأربعة سواء مطر أو أرض جافة وغرضها الأساسي التفوفير في إستهلاك الوقود ... والعهدة على موقع فولدا لسة هاجرب وأقولكوا ... بس مبدأيا بس مبدأيا أنا مبسوط منها في إتزانها وهدوءها بعد الجوديير الهندي المزعج (لكن ماتتوقعوش هدوء الهانكوك أو الكومهو أو البريدجستون)

وده رابط الموقع بتاع فولدا وفيه حاجات مفيدة كتير .. وممكن تشوف العجلة على جنط تختاره من الموقع على عربيتك بالذات بعد ما تختار الموديل بتاعها

وده رابط للفردة اللى جبتها وهى راكبة على عربيتي بعد ما إختارتلها جنوط كمان دوس على زرار DETAILS في النص على اليمين تحت صورة الكاوتش عشان تكبر الصورة وتشوف معلومات الكاوتش بالكامل

[shiko_819]

يا شباب
عندي مشكله ، انا الجنط بتاعى 17 وحصل فيه شرخ صغير من الداخل يا ترى فى حد بيصلحه وعنوانه ايه

[MOUSTAFA_SAAD]

عايز كاوتش 15/185/65 نوع نضيف ويفضل يكون بريدجستون وسعره كتم

[badran]

السلام عليكم ,

كنت عايز اغير مقاس الكاوتش من 185/60/15 إلى 195/55/15 . واخترت نوعين محتار بينهم دلوقتي :

- بريدجستون Potenza Adrenalin RE001 ياباني 545 جنيه
-Pirelli P7 تركي 485 جنيه

ياريت لو حد جرب أي نوع من الإتنين يقولي مين أحسن. أنا مش محتاج عجلة رياضية زي الpotenza في حاجة بس عايز أجيب bridgestone 3عشان التوكيل محترم وهي أحسن عجلة شفتها فالمقاس ده .

أما البيرللي فـهي عجلة عادية ومعمولة للسواقة الEconomical وده اختيار اوقع لكن قلقان من إنها تركي, وحاسس إنها ناشفة جدا وصنعتها رديئة بالنسبة للbridgestone. فتنصحوني بإيه ؟

كمان ياترى نقاشا رياضية زي الpotenza يبقى عمرها اقصر ولا إيه ؟

[mohamedshiko]

بعد اذن الجميع كنت عاوز اعرف اسعار الكوتش دلوقتي اية

انا عربيتي نوبيرا 2006
مقاس الكاوتش 185/65r/14

[amadjoo]

يا شباب
عندي مشكله ، انا الجنط بتاعى 17 وحصل فيه شرخ صغير من الداخل يا ترى فى حد بيصلحه وعنوانه ايه

السلام عليكم,

بص يا باشا فيه كذا واحد بيصلحوا الجنوط وباشوف عندهم عربيات كتير نضيفة بس عمرى ما صلحت عندهم
هما موجودين فوق نفق الملك الصالح فمصر القديمة...ممكن تروح وتشوف إيه النظام

تحياتى

[wael ahmed]

ايه رايكم يا جماعه فى كاوتش ماركه جنرال ده احسن من البردجستون ...هوه صنع فى سلوفانيا ... واحد صاحبى اشترى مقاس 195 / 60 r15

الفرده ب 450 جنيه ........ بس انا اول مره اسمع عن الكاوتش ده

[fabiawy]

يا جماعة انا محتاج حد بتاع كاوتش رخيص وتكون ماركة معروفة انا لقيت نوع اسمه scv حد سمع عنه؟ الفردة فى حدود 200 جنيه وسالت فى مكان تانى عن الجى تى و الكومهو كله فوق 300 طب ايه الفرق و لو حد يعرف مكان كوتش كويس و رخيص فى حدود ال 200 يا ريت يقول

[fabiawy]

سورى الكوتش مكتوب عليه Amine SCV

[MMamdouh]

بعد اذن الجميع كنت عاوز اعرف اسعار الكوتش دلوقتي اية

انا عربيتي نوبيرا 2006
مقاس الكاوتش 185/65r/14

اخر مرة جبت المقاس دة كان من 3 او 4 شهور من سمير بيومى و كان ماركة GT و عمل 1150

MMamdouh