نفسى الاقى حل للرجه فى الدركسيون

[zoheir]

عندى رجه جامده اوى فى الدركسيون بتبتدى من ٥٠ كم/ساعه و كل لما ازود سرعه تزيد اكتر و رصصت بتاع ٤ مرات فى كذا مكان مختلف و ضابط زوايا و الكاوتش مكملش ١٠ الاف و كشفت على العفشه كلها مفيهاش حاجه اخر مره روحت لبريدجستون ارصص قال لى الجنوط فيها رفه لازم تستعدل و ودانى لاشرفكو فى المطريه و استعدلهم على السخن ولسه المشكله موجوده !!! مش عارف اعمل ايه

[أسامه طياره]

الجنوط المستعدله دي حتى بعد الشغل مش هتبقى تمام 100% افضل غير الجنوط بس حاول تجيب جنوط العربيه الاصليه الاسبور جديده من التوكيل او تجيب جنوط جديد جديده من التوكيل او لو هتجيب جنوط اسبور من بره التوكيل تراعي ال et وتجيبها جديده بردو

[zoheir]

الجنوط المستعدله دي حتى بعد الشغل مش هتبقى تمام 100% افضل غير الجنوط بس حاول تجيب جنوط العربيه الاصليه الاسبور جديده من التوكيل او تجيب جنوط جديد جديده من التوكيل او لو هتجيب جنوط اسبور من بره التوكيل تراعي ال et وتجيبها جديده بردو

شكراً يا باشا على ردك
انا انهارده بدلت الكاوتش عندى بكاوتشات و طلعت جربت برده الرعشه موجوده و بتاع الكاوتش بيقولى الجنوط مفيهاش حاجه !! محتار مش عارف ده الجنوط ولا ايه
الرعشه بتبتدى قليله و كل لما ازود سرعه تزيد معايا كأن الدركسيون هاينط من مكانه

[AHMADALY1999]

ممكن المساعدين تعبانين

[elmkaneeki]

الكبالن

[zoheir]

المساعدين تمام و كشفت على الكبالن مفيهومش حاجه وانا دايس بنزىن بحس البدال بيترعش و العربيه كأن الجنوط بتتحرك من مكانها من كتر رجت العربيه و رجت الدركسيون

[mohamedxsayed]

انا برضه عندى رجه بس من ال 110 الدركسيون لقيته بيرج اوى
ولسه مغير كاووتش ومرصص وكاشف عالعربيه عالمساعدين والكبالن وقواعد الموتور

[zoheir]

يا جماعه مفيش حل للرجه ديه ؟

[alking_2006]

نصيحة غير الجنوط و خللى بتاع الترصيص يجرب الجنوط الاول على الجهاز قبل ما يركب فيهم الكاوتش علشان يتأكد ان الجنوط مظبوطه

سبب تانى لو الجنوط كويسة ان الكاوتش يبقى ملووح


متصدقش اللى يقولك طنابير لأن الطنابير لو فيها ريجة ساعتها الرجه هتبان مع الفرمله مش مع المشى العادى

[zoheir]

نصيحة غير الجنوط و خللى بتاع الترصيص يجرب الجنوط الاول على الجهاز قبل ما يركب فيهم الكاوتش علشان يتأكد ان الجنوط مظبوطه

سبب تانى لو الجنوط كويسة ان الكاوتش يبقى ملووح


متصدقش اللى يقولك طنابير لأن الطنابير لو فيها ريجة ساعتها الرجه هتبان مع الفرمله مش مع المشى العادى

ما هو يا باشا بيكشف عليه و يلاقيه مظبوط
الحل انى اشترى جنوط ؟ طب هو جداد اجبهم منين ؟

[Honda_lover]

اجري بالعربيةومورها علي سرعة عالية لو راحت الرجة 100% كبالن داخلية ولو ماراحتش الرجة 100 % الجنوك تالفة الموضوع تشخيصه بسيط جدا انت مكبر الموضوع ليه

[AHMADALY1999]

اجري بالعربيةومورها علي سرعة عالية لو راحت الرجة 100% كبالن داخلية ولو ماراحتش الرجة 100 % الجنوك تالفة الموضوع تشخيصه بسيط جدا انت مكبر الموضوع ليه

فعلا
لو مورت و راحت تبقى كبالن داخلية

[alking_2006]

الجنوط الحديد بتيجى استيراد

[zoheir]

الرجه حتى بعد ما سبت البنزين
اعرف ازاي الجنوط الاستيراد كويسه ؟

[zoheir]

الجنوط الحديد بتيجى استيراد

مفيش منها جديد ولو فيه اجيبه من عند مين سواء جديد أو استيراد