الجنط اتسرق :(

[Ahmed G]

الحرامي البجح سرق الجنط من تحت البيت والشارع منور وشارع كبير اصلا وكان غالبا في الفترة من بعد الفجر للساعه 8 الصبح يلا ربنا ينتقم منه
تسلمو يا رجاله
حد يعرف حاجه عن اشرفكو مدينه نصر ؟؟؟ ايه اخباره ؟؟

[AHMEDJUDDY]

ربنا يعوض عليك (لو علمتم الغيب لاخترتم الواقع)
ال lock بتاع الجنوط مستحيل يتفك الا باللقمه اللي معاك
واوعي تضيع منك .. هتبقي حوسه والجنط مش هيتفك منك
ولما تغير فرده كاوتش او تفكها اللي بيربط المسمار اللوك في كل عجله يقرط بس مش يفضل يقرط لحد مايعمل صوت
علشان كدا اللقمه هتتبري وتنعم .. والحل للحرامي انه يكسر الجنط من مكانه وكدا مش هيعرف يبيعه ..

[ashouhdy]

فى فرق من اللوك العادى اللى بمفتاح الين عادى جدا

و بين اللوك المشرشر اللى بمفتاحة الخاص ولو ضاع يبقي بخ انسي انك اصلا تعرف تفكة غير بمكنة لحام :)

[Land_Cruiser]

ربنا يعوض عليك (لو علمتم الغيب لاخترتم الواقع)
ال lock بتاع الجنوط مستحيل يتفك الا باللقمه اللي معاك
واوعي تضيع منك .. هتبقي حوسه والجنط مش هيتفك منك
ولما تغير فرده كاوتش او تفكها اللي بيربط المسمار اللوك في كل عجله يقرط بس مش يفضل يقرط لحد مايعمل صوت
علشان كدا اللقمه هتتبري وتنعم .. والحل للحرامي انه يكسر الجنط من مكانه وكدا مش هيعرف يبيعه ..

مش عايز احبطك بس مع الاسف بتوع الكاوتش بيعرفوا يفكوه من غير لقمه و لا يحزنون و الموضوع ده حصل معايا شخصيا كنت بارصص العجل و علي بال ما فتحت الشنطه علشان اجيب له المفتاح اللي بيفك المسمار اللوك كان بتاع الكاوتش فكه خلاص بس مش بمفتاح عادي لأ باللي بالكهرباء ده اللي شبه الشنيور اللي بيستخدموه و من حسن الحظ انه بالكهرباء علشان يتعب الحرامي انه يدور له علي مصدر كهرباء و كمان بيعمل صوت وللعلم المسامير دي فابريكه جايه مع العربيه مش متركبه يعني و لا مضروبه

[ashouhdy]

مش عايز احبطك بس مع الاسف بتوع الكاوتش بيعرفوا يفكوه من غير لقمه و لا يحزنون و الموضوع ده حصل معايا شخصيا كنت بارصص العجل و علي بال ما فتحت الشنطه علشان اجيب له المفتاح اللي بيفك المسمار اللوك كان بتاع الكاوتش فكه خلاص بس مش بمفتاح عادي لأ باللي بالكهرباء ده اللي بيستخدموه وللعلم المسامير دي فابريكه جايه مع العربيه مش متركبه يعني و لا مضروبه

دة المفتاح العادي مش المشرشر

[AHMEDJUDDY]

مش عايز احبطك بس مع الاسف بتوع الكاوتش بيعرفوا يفكوه من غير لقمه و لا يحزنون و الموضوع ده حصل معايا شخصيا كنت بارصص العجل و علي بال ما فتحت الشنطه علشان اجيب له المفتاح اللي بيفك المسمار اللوك كان بتاع الكاوتش فكه خلاص بس مش بمفتاح عادي لأ باللي بالكهرباء ده اللي شبه الشنيور اللي بيستخدموه و من حسن الحظ انه بالكهرباء علشان يتعب الحرامي انه يدور له علي مصدر كهرباء و كمان بيعمل صوت وللعلم المسامير دي فابريكه جايه مع العربيه مش متركبه يعني و لا مضروبه

احترم كلام حضرتك جدا .. بس مره واحد صاحبي معاه باسات 2009 الفرده نامت منه .. وانا رحت اغيرها ليه عند بتاع كاوتش
ومكونتش اعرف موضوع اللوك ده ..ولقيت بتاع الكاوتش قالي فين اللقمه ..قلتله لقمه ايه ..قالي بتاعه اللوك ..دورت في الشنطه عليها لحد ما لقيتها بصعوبه لاني مش عارف شكلها ايه وكانت امامي وفضلت ادور.بس اعتقد انه كان محل عادي معندهوش مفك كهرباء ..
وروحت بعدها توكيل سكودا وجبت طقم اصلي ب 280جم وبسريال نمبر .. وقالولي متضيع العلبه علشان عليها السيريال لانه لو ضاعت اللقمه هتبقا مصيبه.
وفعلا بعدها روحت اغير فرد الكاوتش عند بريدجستون وعندهم المفك الكهرباء وسأل علي اللقمه وقالي من غيرها الفرده مش هتتفك خالص ..وقالي اوعي اللقمه تضيع منك
الجنط مش هيتفك .. والله اعلم طبعا .. وعموما الحرامي حتي لو معاه الشنيور هيجيب كهرباء منين في الركنه اللي انت واقف فيها .. وعلي فكره كله بستر ربنا علينا.. حضرتك عارف اني كنت بفكر اجيب طقم لوك تاني واركبه .. بس هتبقي شغلانه وانت بتفك الفرده لو نامت منك . بتاع الكاوتش هيمد ايده مش هيشتم ..