ما افضل نوع فى البطاريات الجافة و أسعارها

[soundoffear]

أنا إشتريت إمبارح بطارية فارتا الألماني الجافة
as60
لعربيتي الياريس
من غطاطي اللي ف فيصل توكيل فارتا
خدتها ب400 بعد خصم تمن البطارية القديمة
مع العلم اني كنت شوفتها ف المعادي ب 380 ف شارع الجزائر

[mazagngi2010]

تجربتى فى شراء بطاريه جافه امس (19-6-2011) بالتفصيل الممل
كنت فى عربيه الشركه لانسر بوما 2008 مع صاحب العربيه ومادارتش والبطاريه ماتت مره واحده رغم ان البيان كان اخضر
كان راكب فيها امبير ac delco 55 من سنه ونص وماقلتش بم
المهم بعد عمل التوصيله ودوران العربيه ومطفينهاش خالص قاللى شور عليا
اتصلت باشرفكو -كنت مسيف رقمه - طلع بتاع كاوتشات وجنوط بس
طلعت اللاب وسرقت وايرلس من الشارع ووصلت للموضوع ده
ورحنا لاولاد سليمان اللى جنب اسماك وادى النيل وكان فيه تجديدات بتتعمل هناك وفعلا كان الارخص وهياخد القديمه ب 70 وهندفع 350 وناخد جافه زى اللى كانت موجوده بس مارتحتش للراجل وهو بيقول معكوسه ومش عارف ايه وحسيت انه بيفتى بس واضح انه من ارخص الاسعار
وعدينا على بيومى بس كان قافل ولما اتصلت بيه هياخد القديمه ب70 وهندفع 360- يتهيالى كانت ممكن تتهز شويه لو رحنا له وناخد -ac delco 55 برضه وضمان سنه بجد وهتعرفوا ليه بجد
واتصلت بالراجل اللى عند البحر الاعظم جنب كالتكس بس اسعاره كانت اغلى من سليمان فنفضنا له
وبعدها طلعنا على غطاطى اللى فى فيصل وعينك ماتشوف الا النور واعلى اشتغالات تشوفها هناك المهم سعيد-صاحب العربيه- طفاها بقلب جامد وطلب يكشف على البطاريه وكانت قرايتها كويسه وقالوا استنى 10 دقايق وبعد ال10 دقايق كشفوا على الجهاز وكلهم مره واحده قالوا ايه ده 8 ؟؟ البطاريه باظت
دخلنا جوه على التكييف وقعدنا قدام واحد من اللى بيبيعوا وبنساله على الفارتا ال 55 وبعد شويه حركات على الكومبيوتر والاله الحاسبه -بيحسب الخصم يعنى- طلع انه هياخد القديمه-حسبها ب 50 جنيه- وهندفع 420 جنيه ولسه واحد ماشى ودفع 430 لكن علشاننا هندقع 420 بس (اى كلام بيتقال)
وقال نوع تانى تركى غريب شويه وانرجيزر ومش عارف ايه وكويس والناس بتجيبه وضمان سنه
المهم خبطته السؤال المتين وقلتله لو باظت بعد 11 شهر هناخد واحده جديده طبعا ببلاش كفايه انى هخاطر واحط حاجه مش معروفه فى العربيه مش كده ولا ايه؟
تنح شويه وقاللى لا هتاخد واحده جديده بنص التمن قلت له امال ايه ضمان سنه ده؟ قاللى يعنى 3 شهور او 4 تاخد واحده جديده وعموما ممكن اظبطلك الموضوع ده
طبعا قفلت من ناحيته وزميلى قلق منهم جامد وشكرا على الكشف وادى العيال 5 جنيه والعربيه دارت زى القرد ولسه شغاله لحد دلوقتى داخله فى 3 ايام شغل متواصل ليل ونهار بالبطاريه اللى كانت فيها
===========
الخلاصه
ارخص مكانين
-اولاد سليمان اللى جنب وادى النيل للاسماك زى ماقال احد الاخوه الافاضل هنا بس ماعرفش ايه نظامهم فى الضمان
-بيومى حتى لو اغلى 10 جنيه بس بتاخد ضمان بجد والبطاريه بتتغير خلال السنه ببلاش زى ماشفت مره من حوالى سنه عندهم واحد غير بطاريه بعد 8 شهور من الشرا ومدفعش مليم
-غطاطى سمعه وحركات على الفاضى

[hossam_elwani]

انا جبت ac delco

55 امبير بــ 410 بدون القديمه

حبيع القديمه بــ 60 جنيه تبقى واقفه عليا بــ 350 جنيه وشكرا

[ahmed_h_g]

أوصفلى مكانه بيومى ده يا أستاذ mazagngi2010 لو سمحت

[mazagngi2010]

أوصفلى مكانه بيومى ده يا أستاذ mazagngi2010 لو سمحت

مساء الرضا ياباشا
الدقى-ش التحرير-جنب جاد بتاع الفول والطعميه
ت 0123966154

[ahmed_h_g]

مساء الرضا ياباشا
الدقى-ش التحرير-جنب جاد بتاع الفول والطعميه
ت 0123966154

الف شكرررررررررر

[mazagngi2010]

سعيد اللى كنت قلتلكم عنه البطاريه عملتها معاه تانى بعد 5 ايام واشترى ac delco من بيومى ب 360 جنيه واداله البطاريه القديمه والراجل حسبها له ب 70 ومرضيش يخفض له اكتر من كده
ودى الكارتونه بتاعتها








وكاتبين ان البطاريه هتخلص بعد 18 شهر من تاريخ الانتاج زى ماحضراتكم شايفين
يعنى من الاخر خدوا بالكم لتشتروا بطاريه قديمه

[ahmed_h_g]

أنا أتصلت بالبيومى سألته على الفارتا 70 أمبير لقيت تنمنها 470ج وبياخد القديمه
كده سعرها كويس ولا غالى

[mazagngi2010]

أنا أتصلت بالبيومى سألته على الفارتا 70 أمبير لقيت تنمنها 470ج وبياخد القديمه
كده سعرها كويس ولا غالى

كلمت غطاطى على 0233833073
الفارتا ال70 بتطلع 60 امبير ب 620 بعد الخصم وهياخد البطاريه القديمه ب 50 يبقى 570 جنيه فرق 100 جندى
!!!!!!!!!!!!!!!

للاسف موضوع الويرا وقف مره واحده

[ahmed_h_g]

مش مشكله خير ان شاء الله
ربنا يرزقك أحسن منها

[sigma]

غيرت بطاريه عربيتي الافيو و جبت بطاريه ايطالي اسمها Marchitelli

بس ركبتها 70 امبير ...!

ايه رأيكم في البطاريه دي..؟
لاني سمعت من الراجل ان ال Ac Delco اللي موجود في السوق كلو تاريخو قديم..!

بس حاسس اني احك عليا في سعرها..خد مني البطاريه القديمه Delecore اللي كانت جايه مع العربيه 55 امبير و اداني دي بي 420 جنيه..!

[ahmed_h_g]

أنا أشتريت من البيومى فارتا أتحاد أوروبى 70 أمبير جافه ب470ج وأخد القديمه

[MOUSTAFA_SAAD]

انا شايف الاغلبيه مع فارتا

[wael6]

السلام عليكم ورحمة الله

ايه رايكم
فى البطاريات
اي سي ديلكو السعودى الامريكي ولا بلزر التركى ولا بانر النمساوى
دول المتاحين هنا فى المنصورة وقوتهم 70 امبير
وهل كل بطارية لها قدرة مختلفه فى التقويم والتدوير عن الاخرى
مثلا واحد قالى ان البلزر التركي قوتها عند التقويم 455 امبير واي سي ديلكو 255 امبير فقط عشان كده هو مبيشتغلش فيها
ناس هنا بتؤيد اى سي ديلكو وانا جربتها مره كان كويسه
وناس بتشكر فى المنتج التركي
السعر متقارب 450 ج للتركي والسعودى 470 والنمساوى 500 ج

نرجو الافادة العاجله وشكرا جزيلا

[samirsaid1]

طيب انا عندى البطارية من ساعة ماجبت العربية موديل 2007

والبطارية متغيرتش خالص

حصل موقفين

الاول :- من 6 شهور كنت واقف ومدى الإنتظار ومشغل الكاسيت لمدة 30 الى 40 دقيقة ولقيت البطارية نامن ودارت زق

التانى : - سبت العربية فى الجراج لمدة 13 يوم دورتها مرة واحدة فى نص المدة يعنى بعد 5 ايام لمدة عشر دقائق جيت ادورها بعد ال 13 يوم لفيت البطارية نامت


فهل دة طبيعى ولا البطارية على وشك الانتهاء

وشكرا