مشكلة في البطارية

[hossamhindawi]

غيرت البطارية على فكرة طلعت العربية 44 امبير وغيرتها بـ 55 امبير
وغيرتها لبطارية سايلة نفس الماركة النسر فارتا
الموضوع اتكلف 195 جنية بالبدل+ الشحن
والعربية اشتغلت تمام وبصراحة كنت خايف لتكون البطارية 44 امبير تأثر على الموبينة وقلت بالمرة اغيرها احسن من غير ما اكشف سبب المشكلة

[احمد المصرى]

غيرت البطارية على فكرة طلعت العربية 44 امبير وغيرتها بـ 55 امبير
وغيرتها لبطارية سايلة نفس الماركة النسر فارتا
الموضوع اتكلف 195 جنية بالبدل+ الشحن
والعربية اشتغلت تمام وبصراحة كنت خايف لتكون البطارية 44 امبير تأثر على الموبينة وقلت بالمرة اغيرها احسن من غير ما اكشف سبب المشكلة

وعملت ايه فى القديمه يا باشا



مبروك عليك بس احب اقولك انك رميت فلوسك فى الارص علشان القديمه شغاله بس كانت محتاجه تظبيط مش اكتر

[hossamhindawi]

القديمة بدلتها مع الجديدة بـ 25 جنيه بس بأقولك كانت 44 أمبير وكنت حاسس ان الاضاءة ضعيفة والسماعات ضعيفة ولما غيرتها بـ 55 أمبير الحال اتغير
مش عارف بيقولوا ان اللانوس 1500 ينفع معاها بطارية 55 امبير مش 44
وكمان كنت خايف تحصل المشكلة مرة تانية وانا ماشي بيها لان العربية اوتوماتيك و-شكرااا كثيرا للرد

[samirayad]

مش عارف بيقولوا ان اللانوس 1500 ينفع معاها بطارية 55 امبير مش 44

أنت عملت الصح

وكويس أنك غيرتها
لأن 44 أمبير قليل أوى على مارش الانوس أو النوبيرا

دا كل العربيات بتنزل ب55 أمبير للبطاريه
ومش عارف أم 44 دى كانت شغاله معاك أزاى

دا أنا بأفكر أزود الأمبير عن 55 أمبير لما أجى أغير البطاريه

[SBkr]

نصيحة لوجة الله كل العربيات الحديثة التي تعمل بالحقن الإلكتروني يعني ببساطة فيها EUC لابد من استخدام بطارية جافة او ماتعرف ب service free لان كل البطاريات السائلة خلال التشغيل تتعرض لتغيير ملحوظ للأمبير الصادر عنها ودة بفعل تفاوت منسوب وتركيز سائل البطارية مع الإستخدام بالإضافة لتذبذب الأمبير عند مجرد صعود مطب او الوقوف مائل بل وحتي عند المنحنيات بالطرق السريعة كل دة يسبب اضطراب الأمبير وممكن يسبب تلف مكون من مكونات دائرة التشغيل خاصة EUC او الحساسات والي نفسة يجرب بس علي مسئوليتة شغل عربيتك او بلاش نجرب علي العربية .... افصل كابل البطارية اذا كانت سائلة وضع أفوميتر علي الأقطاب في وضع قياس امبير تيار مستمر (عاوز افوميتر محترم لأن الغالبية اخرها 10 امبير) ورجها في اي اتجاة وشوف اللعب في التيار شكلة اية حتي لو محدود ممكن يسبب تلفيات

[hossamhindawi]

شكرا على الرد:b4_007:
بس اللي اعرفه ان البطارية الجافة بردة فيها سايل زيها زي السايلة بس دى مقفوله بإحكام ومش عايزة متابعه يعنى اللي بيحصل مع السايلة يحصل مع الجافة

[samirayad]

بس اللي اعرفه ان البطارية الجافة بردة فيها سايل زيها زي السايلة بس دى مقفوله بإحكام ومش عايزة متابعه يعنى اللي بيحصل مع السايلة يحصل مع الجافة

كلام مظبوط

[SBkr]

شكرا على الرد:b4_007:
بس اللي اعرفه ان البطارية الجافة بردة فيها سايل زيها زي السايلة بس دى مقفوله بإحكام ومش عايزة متابعه يعنى اللي بيحصل مع السايلة يحصل مع الجافة

صحيح بس الأقطاب مغمورة جيدا ولا يتعرض سائل البطارية للبخر كما في البطارية العادية و بالتالي لاتتسبب في تقطيع جهد مع الحركة بسبب انكشاف الأقطاب من السائل كذلك البطارية الجافة مصممة بأن تكون جميع الأقطاب مغمورة حتي مع انحراف السائل بداخلها بفعل الطرد المركزي الحادث بالمنحنيات وهذا غير موجود بالبطاريات العادية وهذة الظاهرة مؤثرة جدا في الدرجات النارية والسيارات الرياضية حيث يمكن ان يسبب الطرد المركزي ازاحة اكثر من نصف السائل بالبطارية لأحد الجوانب وهذا يتسبب في إضطراب ملموس بالجهد و الحقيقة ان هذا حدث مع احد الزملاء بسيارة نوبيرا بطريق شرم الشيخ دون ان نجد مبرر لفترة طويلة

[kareembelal]

البطاريه معايا 55 امبير وبقالها سنه وتسعة اشهر وكانت ضعفت فترة واكتشفت ان السائل ناقص في بعض الاجزاء وزودتها مياه مقطره فيها نسبة حامض جاهزه وبقت تمام الا انها بتسرب مياه من عند الغطيان واثناء تنظيف الموتور بالهواء تتناثر المياه وبوظت البويه وغطاء علبة الفيوز

وقررت اني اغيرها لجافة وأشار عليا البعض بشراء بطارية 70 أمبير

والسؤال هل البطارية 70 امبير ضرر علي العربيه ام لا

[khalid9411]

انا برضه نفسى اغير 70 امبير جافه
من رايئى ليس لها اى ضرر
ومنتظرين رائ الخبراء

[MMamdouh]

ملهاش لزمة... خلليك فى ال55 امبير

MMamdouh

[samirayad]

والسؤال هل البطارية 70 امبير ضرر علي العربيه ام لا

فنيا
مفيش أى مشكله

وأنا بأفكر فعلا
فى رفع أمبير البطاريه مع تغييرها القادم