أفضل بطارية لعربية دايو لانوس 2006

[othmanelshaikh]

السلام عليكم ورحمة الله وبركاته

كنت عايز أعرف أنهي أفضل نوع بطارية لعربية دايو لانوس موديل 2006 وهل الأفضل جافة ولا ماية ؟؟ وهل 55 أمبير أم 77 امبير أفضل مع العلم أن سيارتي مجهزة هاف أوبشين تكييف وكاسيت فقط .

أرجوا الأفادة وشكراً لكم وجزاكم الله كل خير .

[محمد الشامي]

افضل البطاريات الموجوده هي ACdelco بس مش فاكر تمنها كام بالظبط , البطاريه الـ 55 امبير هتكون مناسبه جدا لعربيتك

[othmanelshaikh]

شكراً على أهتمامك بالرد عليا . بس كنت عايز أعرف دي بطارية جافة ولا ماية ؟؟ ولو تعرف أماكن بيعها فين ياريت تقولي ؟ وهل للنوع ده ضمان ولا لأ ؟؟
وشكراً كتير ليك وبارك الله فيك

[محمد الشامي]

اسف نسيت اقولك ان البطاريه جافه :-) البطاريات الجافه افضل بكتير من السائله , عالاقل لا بتحتاج صيانه ولا تزويد ميا

انا مش عارف حضرتك من القاهره ولا منين , بس هو اكتر واحد اضمنه في حاجته هو محل سمير بيومي في ميدان الدقي (شركه الايمان للبطاريات والإطارات) , والبطاريه بيكون معاها ضمان سنه على ما اتذكر

وطبعا في ناس تانيه كتير كويسين غير سمير , بس ده المضمون الى حد ما بالنسبه ليا ولناس كتير في المنتدى هنا

[محمد الشامي]

سعر البطاريه دي تقريبا في حدود 400 الى 450 جنيه , وهي امريكي صناعه سعودي

[khalid9411]

السلام عليكم/
وكل عام وانتم بخير ورمضان كريم
البطاريه ماتت عندى من يومين علطول من غير تفكير ولا شحن تونجر لانها كانت سائله وقعدت معايا 34 شهر يعنى 3 سنوات الا شهرين كثر طبعا خيرها
اشتريت نوع جاف اسمه هانكوك زى انواع الكاوتشات بالظبط لسه نازل جديد كورى 70 امبير واعطته القديمه واخدت 350 جنيه بالخناق والشد والجذب
بس كويسه وضمان طبعا 12 شهرا

[othmanelshaikh]

انا كده محتار .. والحل أيه يا جماعة أنا عايز أستقر على حاجه زهقت من كتر زق العربية عشان تدور .. البطارية بايظة ومش عايز اشتري نوع يقعد سنة ويودع .. أنا عايز اشتري بطارية جافة وسمعت عن أنواع غريبة وفي ناس رشحت ليا فارتا الالمانية الجافة بس مش عارف

قولوا ليا على حل نهائي .. أصلي موسوس :)

[karimfahmy99]

العمر الافتراضى لاى بطارية يتراوح من سنة و ربع الى سنة و نص . و دى حظوظ ممكن تقعد سنتين و اكتر كلة يتوقف برضة على مدى استهلاك البطارية عشان كدة التاكسيات ضمانها ستة شهور فقط لانهم بيهروا البطارية من الاستعمال .

و كل البطاريات حاليا تكنولوجيا واحدة و خامات واحدة اذا كانت فارتا ولا ديلكو و لا حتى الانواع التركى اللى نازلة جديد . انا جبت التركى ب 470 جنية جافة و زى الفل

[bakkarahmed]

فارتا الالمانيه الافضل من ناس كتير جربوها وبرده الاغلي ( طالما مش عايز تشغل بالك)

[engahmedsamy]

انا عندي فارتا جافة الماني 55 امبيير

[waleed_hosny]

انا من فترة قصيرة اشتريت بطارية جافة اسمها بندكس 55 امبير كانت ب 300جنية بالقديمة (يعني اخد البطارية القديمة)

[karimfahmy99]

انا من فترة قصيرة اشتريت بطارية جافة اسمها بندكس 55 امبير كانت ب 300جنية بالقديمة (يعني اخد البطارية القديمة)

بيخدوا القديمة ب 50 جنية تخصم من ثمن الجديدة

للعلم انا لسة عندى البطارية الكلورايد السائلة مستحرم اديها لبتاع الروبابيكيا عاوز يدفع 50 جنية لية يا عم دى انتاج شهر 6 \ 2010 بس غيرت البطارية و جبت جافة ملوش دعوة هو بيشترى كهنة . لو حد عاوزها يخدها ب 50 جنية بس يعرف قيمتها و انها لسة بورق الضمان او حد يعرف حد محتاجها غلبان صاحب تاكس و لا حاجة ولا رايكم ابيعها لبتاع الروبابيكيا و خلاص

[mahamedaraby]

للاسف من اسوء البطاريات الموجوده فى السوق ACdelco

من ساعه ما اتجمعت فى السعوديه وهى سيئه

افضل الانواع طبعا فارتا الالمانى
و جلوبل بطاريه كورى اشتريها ومعايا كويسه الحمد لله ما اشتكتش منها

وفيه لسه نازله جديد بطاريه هانكوك مش عارف مجربتهاش

وفيه بطاريه منزلها الشركه الهندسيه صاحبه توكيل سيات وبورش بطاريه جديده مش فاكر اسماها الصراحه بس كانوا كاتبين البطاريه الاولى فى اوروبا وكلام حلو عنها هى موجوده فى الفرع اللى فى التوفقيه اللى ادام سنترال رمسيس بس انا معرفش سعرها كام للاسف

[احمد المصرى]

افضل البطاريات الموجوده هي acdelco بس مش فاكر تمنها كام بالظبط , البطاريه الـ 55 امبير هتكون مناسبه جدا لعربيتك

+11111111111111111


انا جايبها من شهرين تقريبا وشغاله معايا تمام اوى اوى الحمد لله


كانت عامله 300 جنيه وسبت البطاريه القديمه

[احمد المصرى]

فارتا الالمانيه الافضل من ناس كتير جربوها وبرده الاغلي ( طالما مش عايز تشغل بالك)

ناس كتير جدا بتقول عليها وحشه جداااااااااااااااااا وانا واحد اعرفه لسه مجربها فى عربيه بس البطاريه سايله مش جافه وعملت معاه مشاكل