أفضل بطارية لعربية دايو لانوس 2006

[احمد المصرى]

للاسف من اسوء البطاريات الموجوده فى السوق acdelco

من ساعه ما اتجمعت فى السعوديه وهى سيئه

افضل الانواع طبعا فارتا الالمانى
و جلوبل بطاريه كورى اشتريها ومعايا كويسه الحمد لله ما اشتكتش منها

وفيه لسه نازله جديد بطاريه هانكوك مش عارف مجربتهاش

وفيه بطاريه منزلها الشركه الهندسيه صاحبه توكيل سيات وبورش بطاريه جديده مش فاكر اسماها الصراحه بس كانوا كاتبين البطاريه الاولى فى اوروبا وكلام حلو عنها هى موجوده فى الفرع اللى فى التوفقيه اللى ادام سنترال رمسيس بس انا معرفش سعرها كام للاسف

انا جربتها وشغاله معايا تمام ان شاء الله وناس تانيه بتقول على الفارتا تعبانه


علشان نوصل لحل اقولك على سر انها عمليه نصيب يعنى كل نوع فيه بطاريات بايظه وانت ونصيبك

[karimfahmy99]

انا جربتها وشغاله معايا تمام ان شاء الله وناس تانيه بتقول على الفارتا تعبانه


علشان نوصل لحل اقولك على سر انها عمليه نصيب يعنى كل نوع فيه بطاريات بايظه وانت ونصيبك

كلام سليم و دا اللى انا قلتة ممكن تقعد سنة و ربع او و نص او توصل لسنتين . انت و نصيبك

معلومة برضة عرفتها صدفة . ان البطاريات كمان فيها فرز اول و فرز تانى و الله اعلم احنا بنستورد اى نوع بس اعتقد فرز تالت هههههههههههه

فى اوروبا الحد الادنى لعمر البطارية سنتين اشمعنا احنا بتقعد معانا سنة و شوية ؟؟؟؟؟؟؟؟؟؟

[محمد الشامي]

للاسف من اسوء البطاريات الموجوده فى السوق ACdelco

ازيك يا استاذي

طيب عشان المعلومه تكون كامله حضرتك قولنا البطاريه وحشه فـ ايه بالظبط ؟؟؟ طالما قولت من اسوء البطاريات الموجوده في السوق

على فكره انا حاططها من سنه ونص تقريبا, AcDelco الجافه 70 امبير , وعمرها ما عملت معايا اي حركه نقص , ومن ساعه ما جبتها حتى مافكرتش اني اروح للي اشتريتها منه عشان يكشف عليها او على الشحن

مع العلم , ان في مره حصل عندي مشكله في الكاسيت وكان بيهرب كهرباء والبطاريه فضيت تمام بعد يوم او اتنين تقريبا , وكل اللي عملته اني اخدت وصله من عربيه تانيه عشان ادورها , وعملت بيها مشوار كويس عشان تشحن , ومن يومها لا روحت لبتاع بطاريات ولا اضطريت اشحنها ولا اي حاجه , والكلام ده من سنه , يعني البطاريه شحنت نفسها بنفسها , ومؤشر الشحن عليها رجع اخضر تاني ولا كأن كان في حاجه

حبيت انقل المعلومه والتجربه لاني قبل ما اقول AcDelco كنت مجربها كويس ومجرب انواع تانيه (زي الفارتا السائله)

منتظر تجربه حضرتك مع الـ AcDelco وسبب حكمك عليها بالسيئه !!

[othmanelshaikh]

أنا أتعقدت ... همشيها بالطاقة الشمسية وخلاص :)

[hazemhassan]

من اسبوع نزلت اخرج بالعربية مارديتش تدور ولا تعمل صوت الدوارة اللى هوة المراش تقريبا كشفت عليها قالى غيرها عشان باظط كل يوم انزل ادور بتغيب فى الدوارة من تالت مرة تدور هية سايلة مابقلهاش سنة بالظبط
اجيب جاف ولا سائل وكام امبير ونوعها اى
ارجو الافادة

[hon]

حضرتك طبعا مبدأيا كدا الجافة أفضل 100 مرة وأبعد عن السايلة بس لازم تكون كهربة العربية كويسة عشان طاقتها متهربش
انا كنت فى حيرة زيك وعشان بحب اجيب احس حاجة كنت نازل اشترى فارتا المانى
لأن الى كانت عندى قبل كدا فارتا المانى برضوا وقعدت 3 سنيين فكنت على قناعة بيها
ونزلت أشترى الى لاقيها فارتا بس 70 امبير ودا الى كنت رافضة العربية كان فيها 55 امبير وفى ناس تقول عادى وعشان التكييف وفتى لبعد بكرة لكنى رفضت وال acdilco قالولى معدتش ذى الاول والله اعلم لغاية لما رحت للراجل المحترم الى بتعامل معاة وقالى خد بطارية كورى قولتلة كورى قالى ايوة وبالضمان كمان وشغالة زى الفل وهى الحمد لله بقالها 8 شهور وأسمها rocket صناعة كورى وبها عين لملاحظة شحن البطارية ب 280 جنية فقط مع العلم الفارتا كانت 500 جنية ومتستغربش ما العلربية كلها كورة ومبسوطين بيها
حاسس المرة الجاية لما الواحد يجى يشترى حلاقى بطاريات صينى
لك منى كل تحية ورمضان كريم

[محمد الشامي]

نزلت أشترى الى لاقيها فارتا بس 70 امبير ودا الى كنت رافضة العربية كان فيها 55 امبير وفى ناس تقول عادى وعشان التكييف وفتى لبعد بكرة

انا كنت من الناس اللي بتفتي لغايه بعد بكره دي :-) وكنت فعلا بسمع دايما ان الـ 70 امبير افضل عشان التكييف والاحمال و و و

لكن محمد ممدوح ربنا يباركله قالى على الصح , وهو بما معناه , ان الفرق بين الـ 70 امبير والـ 55 امبير , هو كميه الطاقه المخزونه داخل البطاريه واللازمه لتدوير المحرك , وطالما العربيه ملاكي ومفهاش حاجه بتحتاج حمل كهربي كبير مع تدوير المارش فالـ 55 امبير هي افضل واوفر حاجه لعربيتك , لكن لو احمال العربيه كتير عند التدوير فـ بتحتاج بطاريه 70 امبير