Tweet
كل سنه وأنتم طيبين
بمناسبه دخول الشتاء هحكيلكم تجربتي مع وكيل بطاريات ڤارتا السيد ممدوح مبروك غطاطي.
البطاريه باظت مني تالت يوم العيد كانت ac deleco عاشت ٣ سنوات باليوم والساعه.
رابع يوم العيد كان ممدوح مبروك غطاطي هو الوحيد اللي فاتح وهو كمان جنب بيتي اللي في الهرم.
كلمته الساعه ١١ الصبح فرع فيصل:صباح الخير عاوز بطاريه ٥٥ لعربيه لانوس
الموظف:موجود يافندم في ڤارتا ألماني وإنجين تركي
أنا؛ السعر كام ياباشا للنوعين
الموظف:الڤارتا قبل الخصم ٧٢٣ وبعد الخصم ٥٤٠ جنيه.
أنا : والقديمه
الموظف: بي ٤٠ جنيه يافندم
المهم حسيت بالنصب قمت عديت علي الفرع بتاعهم اللي في سور نادي الترسانه
لقيت واحد محترم أسمه أحمد عبد العليم
سألته عاوز بطاريه ٥٥ لعربيه لانوس
السعر كام ياباشا وعندك انواع إيه
قالي:عندي ڤارتا ب ٤٥٠ + القديمه
:عندي نوع تاني ألماني تينز تقريبا ب ٤٠٠ + القديمه
و الأنجين التركي ب ٤٢٠+ القديمه
المهم أتأكدت أكتر إن فيه حاجه مش تمام
سألته هو سعر القديمه كام قالي ٧٠ جنيه
قولتله أكتبلي بيان أسعار بالكلام ده علشان ديه عربيه شركه.
المشكله إن العربيه في الهرم عند البيت.
وانا مروح عديت علي فرع فيصل وسألته علي الاسهار قالي نفس كلام التليفون.
قمت سألته هو كل الفروع سعرها واحد قالي طبعاً يافندم
قمت مطلعله بيان أسعار الفرع التاني وقاتله: يانت حرامي ياهو نصاب وزعقت بهدلتهم.
المهم نادالي مدير الفرع أسمه أحمد حسين وحكاله اللي حصل
قام قالي أصل ده فرع جديدة واحنا بنديله خصم اكتر علشان نوقفه علي رجليه
قمت قلتله انا كمستهلك ليا مصلحتي وانتم كدا بتسرقونا رايح جاي
المهم الناس اللي بتشتري ابتدت تبص وحصلت شوشره
في لحظتها الراجل أعتذرلي وقام قالي انت عاوز انه نوع
قلتله ڤارتا
قالي هو الفرع التاني قالك كام
قلتله ٤٥٠ + القديمه
عملي أمر توريد من المخزن بالسعر ده ٤٥٠ وقالي خدها ركبها وهاتلنا القديمه في أي وقت وأعتذر.
الخلاصه الناس ديه كل مابتكبر كل ما بتتوحش فماحدش يثق ثقه عمياء في الوكيل بتاع أي حاجه ويسأل كويس قبل مايلبس واللي مش مصدقني يجرب ويجيب نمر التليفونات من الدليل او انا اديهاله
بمناسبه دخول الشتاء هحكيلكم تجربتي مع وكيل بطاريات ڤارتا السيد ممدوح مبروك غطاطي.
البطاريه باظت مني تالت يوم العيد كانت ac deleco عاشت ٣ سنوات باليوم والساعه.
رابع يوم العيد كان ممدوح مبروك غطاطي هو الوحيد اللي فاتح وهو كمان جنب بيتي اللي في الهرم.
كلمته الساعه ١١ الصبح فرع فيصل:صباح الخير عاوز بطاريه ٥٥ لعربيه لانوس
الموظف:موجود يافندم في ڤارتا ألماني وإنجين تركي
أنا؛ السعر كام ياباشا للنوعين
الموظف:الڤارتا قبل الخصم ٧٢٣ وبعد الخصم ٥٤٠ جنيه.
أنا : والقديمه
الموظف: بي ٤٠ جنيه يافندم
المهم حسيت بالنصب قمت عديت علي الفرع بتاعهم اللي في سور نادي الترسانه
لقيت واحد محترم أسمه أحمد عبد العليم
سألته عاوز بطاريه ٥٥ لعربيه لانوس
السعر كام ياباشا وعندك انواع إيه
قالي:عندي ڤارتا ب ٤٥٠ + القديمه
:عندي نوع تاني ألماني تينز تقريبا ب ٤٠٠ + القديمه
و الأنجين التركي ب ٤٢٠+ القديمه
المهم أتأكدت أكتر إن فيه حاجه مش تمام
سألته هو سعر القديمه كام قالي ٧٠ جنيه
قولتله أكتبلي بيان أسعار بالكلام ده علشان ديه عربيه شركه.
المشكله إن العربيه في الهرم عند البيت.
وانا مروح عديت علي فرع فيصل وسألته علي الاسهار قالي نفس كلام التليفون.
قمت سألته هو كل الفروع سعرها واحد قالي طبعاً يافندم
قمت مطلعله بيان أسعار الفرع التاني وقاتله: يانت حرامي ياهو نصاب وزعقت بهدلتهم.
المهم نادالي مدير الفرع أسمه أحمد حسين وحكاله اللي حصل
قام قالي أصل ده فرع جديدة واحنا بنديله خصم اكتر علشان نوقفه علي رجليه
قمت قلتله انا كمستهلك ليا مصلحتي وانتم كدا بتسرقونا رايح جاي
المهم الناس اللي بتشتري ابتدت تبص وحصلت شوشره
في لحظتها الراجل أعتذرلي وقام قالي انت عاوز انه نوع
قلتله ڤارتا
قالي هو الفرع التاني قالك كام
قلتله ٤٥٠ + القديمه
عملي أمر توريد من المخزن بالسعر ده ٤٥٠ وقالي خدها ركبها وهاتلنا القديمه في أي وقت وأعتذر.
الخلاصه الناس ديه كل مابتكبر كل ما بتتوحش فماحدش يثق ثقه عمياء في الوكيل بتاع أي حاجه ويسأل كويس قبل مايلبس واللي مش مصدقني يجرب ويجيب نمر التليفونات من الدليل او انا اديهاله
Comment