تجربتي مع توكيل ڤارتا للبطاريات(ممدوح مبروك غطاطي)

[emmoneam]

بصراحه ال ac-delecoهي افضل بطاريه بس انا كنت عاوز اجرب الڤارتا بالإضافه لأن ممدوح غطاطي ليه فرع جنب البيت عندي والاخر جنب شغلي.

[emmoneam]

حد يتعامل مع مبروك غطاطي يا راجل يا طيب.. (تصرفك ممتاااااااز.. أحييك)

ارجوك ياباشا لو عندك مشاكل معاه او تجربه سابقه تقولنا عليها علشان كلنا نستفيد

[A.Saad]

على فكرة مش بس ممدوح غطاطي هو اللى كل فرع اسعاره مختلفة عن الفرع التاني !! ؟ لا ده محلات كتير اوي كدة

ده حتى لما جيت اشتري تيل فرامل و فلتر بنزين من موزع تويوتا المعتمد !! كل موزع كان بيطلع اسعار غير التاني

بالنسبة لممدوح غطاطي اللى فهمته من خلال تعاملي معاه لاني برضوا اشتريت منه البطارية من حوالي سنتين ونص تقريبا

هما بيتعاملو على اساس ان كل عميل بيروح يشتري بيطلع يتكلم مع موظف منهم

وكل موظف بيبيع بسعر غير التاني !! على سحب انت وشطارتك في الفصال

يعني ممكن اروح انا وانت لنفس الفرع نجيب نفس البطارية في نفس الوقت انا اخدها ب 550 وانت تاخدها ب 500 !!!

لو تلاحظ حتى مش هتلاقي واحد معين هو اللى مسؤل عن البيع او الدفع !! لا ده كذا مكتب في الدور اللى فوق بتاعهم ده وكل مكتب عليه موظف مسؤل عن البيع

ياما بيكون ليهم سعر بيتحركوا فيه يعنى يتقال بيع بس مش تنزل عن 500 مثلاً والمبلغ كله بيروح خزينة المحل
والبائع بياخد العمولة
او الطريقة التانية وشفتها فى الملابس الجاهزة ان مبلغ الزيادة نفسه بيروح للبائع
كلا الطريقتين سخيف جداً

[D . a .\ AYMAN]

ياما بيكون ليهم سعر بيتحركوا فيه يعنى يتقال بيع بس مش تنزل عن 500 مثلاً والمبلغ كله بيروح خزينة المحل
والبائع بياخد العمولة
او الطريقة التانية وشفتها فى الملابس الجاهزة ان مبلغ الزيادة نفسه بيروح للبائع
كلا الطريقتين سخيف جداً

أنا بكل بساطة بطلت أتعامل معاه للسبب ده .. واي حد بيتبع نفس السياسة .. كل مرة بسعر وكل مرة بإسلوب شكل

واللى بيغيظني قوي تلاقي الوكيل بيبيع دايما بسعر أعلى من الموزع الصغير طب إزاي يعني يبقى هامش ربحك إنت كوكيل في البيع القطاعي يبقى أعلى من الموزع بالشكل ده

لو مش عايز تقطع على الموزعين يبقى خلاص خليه بنفس السعر

[SYD]

اولا تصرفك جيد كعميل بيطالب بحقه
ثانيا : رغم اني ساكن جمب ممدوح غطاطي لكني مش بحب اتعامل معاه بسبب غلاء اسعاره المبالغ
ثالثا : نقطة ان الوكيل اغلي من الموزعين دة طبيعي وهتلاحظه في كل السلع وليس فقط البطاريات او الكاوتش ودة لأن الوكيل لما بيبيع لزبون بيبيع بخصم اقل بكتير من الخصم اللي بيحصل عليه الموزع ودة لفرق الكمية يعني بمعني ادق ان الموزع بياخد خصم علي الكمية اكتر من العميل اللي بياخد خصم علي الدفع النقدي
هتقولي طب ما كدة الناس كلها هتشتري من الموزع وليس الوكيل
هقولك طب وايه يعني ؟؟؟ ما اهو اصلا الوكيل مش بيتارجت علي العميل - بيتارجت علي الموزع وكله في النهاية مكسب ليه مش خسارة

تحياتي