الفرق بين البطارية 70 امبير و 55 امبير

[Abo-Yousef]

اخيراً والحمد لله بعد عناااااااااااااء وتفكيييير اخيراً لقيت محل جامد جداً وناس محترمة جداً وكمان حاجات كلهم أصلية وأسعارهم فى منتهى الجمال وده الكارت بتاعهم للى محتاج كاوتش او بطارية ( مع احترامى لإدارة المنتدى انا مش قاصد اعمل اعلان والله )

والأسعار كالتالى :

فارتا المانى 55 امبير 400 جنيه ( افضل اختيار )
70 امبير 450 جنيه


ايسيدلكو سعودى 55 امبير 375 جنيه
70 امبير 425 جنيه



نوع تركى 55 امبير 325 جنيه
70 امبير 350 جنيه


بس برضه لسة مستقرتش على انى اجيب 55 امبير ولا 70 امبير ... هوا الراجل بصراحة قالى ال 70 كتييير اوى عال 128 وقالى كفاية ال 55 امبير عليها وهتبقى كويسة جداً وأوفرلك كمان لكن لو حابب تاخد ال 70 امبير براحتك دى حاجة ترجعلك بس اظن ان كلام الاستاذ aw2100 لما قال ( البطارية الجافة لاتتحمل الشحن المستمر والغير منتظم ) بمعنى انى مش هستهلك شحن البطارية ال 70 امبير بدرجة كافية فبالتالى هتاخد شحن تانى من الدينامو على الشحن وده اللى بيأثر عمرها ... الكلام ده حسب وجهة نظرى ( حسب ما فهمت يعنى ) اما ال 55 امبير مع استهلاك الانوار والكاسيت ممكن تفضى وتشحن فا تقعد فترة اطول

[zeko1915]

البطاريات ديه عليها ضمان ولا لأ؟

[zeko1915]

وهل الاسعار ديه ل بطاريه جافه ام سائله

[aw2100]

70 امبير افضل انا كنت مركب ال 70 امبير فى ال128 وده 50 جنية فرق مش معضله بس اهم حاجة تخلية يشحنلك البطارية على التونجر ساعتين مش يركبهالك وتمشى و 1000 مبروك على البطارية .

[Abo-Yousef]

البطاريات ديه عليها ضمان ولا لأ؟

عليها ضمان سنة

وهل الاسعار ديه ل بطاريه جافه ام سائله

الاسعار دى بطارية جافة

70 امبير افضل انا كنت مركب ال 70 امبير فى ال128 وده 50 جنية فرق مش معضله بس اهم حاجة تخلية يشحنلك البطارية على التونجر ساعتين مش يركبهالك وتمشى و 1000 مبروك على البطارية .

الله يبارك فيك يا باشا انا جبت امبارح الفارتا ال 55 امبير خلاص ... بصراحة كنت واقف متردد عند الراجل لقيته بيفتح ال 55 قولتله استنى هات ال 70 لسة بيمسكها قولتله ولا اقولك خلاص مدام فتحت ال 55 هاتها واتكل على الله قالى ال 55 احسنلك بصراحة لإن العربية اصلا بتنزل ببطارية 40 امبير ولو ركبت 70 امبير مش هتفرق معاك فى حاجة هيه هيه ونفس الفترة الزمنية ( عمر البطارية ) دى زى دى قالى بالاستعمال الكتير تقعد معاك من سنتين ل 3 سنين وربنا يكرم بقى

بس اللى استغربتله انى سألته تاريخ انتاجها امتى ... قالى مالهاش تاريخ انتاج ... الايسيدلكو بس هيه اللى ليها تاريخ انتاج قولتله طب ماهى ممكن تكون بقالها كتير قالى يكش يكون بقالها 100 سنة ... وبعدين مشحنهاليش على تونجر ولا حاجة فعلاً ركبهالى ودورت بس فى اول دوارة كانت تقلية سنة بسيطة بس دارت وقاسلى الكهرباء وزودت بنزين واديت نور عالى وقالى تمام وزى الفل قولتله كهرباء الدينامو ايه اخبارها قالى 100 100 وبعد كدة خدتها ومشيت ... حتى لما روحت جربت كذا مرة بطلت ودورت كذا مرة الحمد لله بتدور على طول بس المشكلة فى المارش عندى فيه سنة ( ترس عاوز يتغير غالباً ) المارش تقليل شوية وده ابقى اعمله المرحلة الجاية ان شاء الله

[aw2100]

مبروك على البطارية وماتصبرش على المارش وظبطه !!

[akmm]

مبروك على البطارية وماتصبرش على المارش وظبطه !!

صح والف مبروك على البطاريه وفعلا صلح المارش لا كتر التعتيل فى الدواره وعلى فتره قصيره اكيد هيؤثر على كفاءه البطاريه

[Abo-Yousef]

صح والف مبروك على البطاريه وفعلا صلح المارش لا كتر التعتيل فى الدواره وعلى فتره قصيره اكيد هيؤثر على كفاءه البطاريه

تسلم ياباشا .. بس المرش مش بيعتل دايما كل فين وفين بدور بيفوت مرة بصبر ثانيتين ثلاثة وبعدين بدور بتدور بس عاماً كده كده هعملة بس اول الشهر بقى ان شاء الله لانه هيتكلفله بتاع 100 جنيه واحنا فى اخر الشهر فا مش مستعجل

[senawe]

مشكوووووووووووووووووور اخوي























سيناوي
اسعار البطاريات