مسرحيه سرقه بطاريات السيارات

[enghany]

المشهد الاول
نزلت من البيت صباحا متوجها الي مركز الخدمه الخاص بي ( و هو له اعلان بقسم هيونداي speed service )
تركت سيارتي و هي ماركه لادا 2105 امام فندق السلام و عبرت للجانب الاخر بعد غلق السياره لشراء قطع غيار
بالظبط لمده 10 ال 15 دقيقه و عدت مره اخري الي السياره
و عند اقترابي من السياره دار هذا الحوار بيني و بين نفسي :
انا: ايه اللي رافع كبوت العربيه كده
نفسي : انت سايبها كده في الشارع
انا : لا مش نعقول كويس انها ماتسرقتش
و حاولت غلق الكبوت لكن القفل مزرجن
انا : طيب مش مشكله لحد ماوصل المركز
وضعت المفتاع بالسياره و كانت قاطعه ميه ونور
انا :يادي النيله القطاش بتاع البطاريه فلت تاني من مكانه ؟
نفسي:حصل خير يالا انزل حطه علشان متاخرين
فتحت الكبوت و كانت المفاجاه
البطاريه متشاله و مكان القطاش باين قالب الطوب الاحمر اللي القطاش اتطفش بيه
التلفيات :
بطاريه جديده جافه ب 470 بدون القديمه طبعا لانه اتسرقت
كالون كامل و واير كبوت بالمصنعيه 100 جم
المشهد الثاني
نفس مكان العربيه علشان برضه بتنيل اشتري قطع غيار
لكن عايز قولكم اني كنت بكلم البياع و عيني علي العربيه
المهم جا تاكسي وقف جنب العربيه بالظبط
ونزل واحد بين التاكسي و العربيه و واقف بيتمطع في الشارع ؟؟؟؟؟؟؟؟
لقيته قعد بين العربيتان و ايديه طالعه لفوق بمفك علشان ينتش الكبوت
عدينا كلنا بالشوم و جريت علي العربيه ماسك قالب طوب لكن ابن ال--- خد باله و فلق بالتاكسي
احذروا جميعا يا ما العربيه تتركن في جراج او تبع سايس
المهم عرفت ان سعر البطاريه المسروقه 30 جم ؟؟؟؟؟؟؟؟؟؟
طاب كان قالي و انا اديهمله و مايسرقهاش
ياللللللللله قدر الله و ما شاء فعل

[midooo_119]

الحمد لله انها جت على اد كده و فداك مليون بطاريه و ربنا يتوب علينا من ولاد الحرام دول

[akmm]

لاحول الله ................. قدر الله وماشاء فعل ... الحقيقه الواحد منا مش عارف يعمل ايه .

[mesaharaty]

معلش يا باشمهندس ... قدر ولطف وفداك ألف بطارية وربنا سترها .

[adelghanem]

معلش ,,الحمد لله انها جات على البطاريه
حسبى الله ونعم الوكيل

[S O P H O S]

قدر الله وما شاء فعل
الحمد الله علي كل شئ وجت فالبطارية

[amr011111]

من قبل ما اكمل قراءة الموضوع عرفت ان عربيتك يا اما لادا يا 128
لان الكبوت بتاعهم سهل اوى يتفتح
فيه كذا حل للموضوع ده
1- انك تعمل تقفيصه للبطاريه بس طبعاً الحرامى ممكن من غيظه يسرق حاجه تانيه
2- انك تعمل الانذار مع الكبوت بحيث لو اتفتح تلاقى السرينه اشتغلت
3- حل اخير انك تخلى الموبايل يتصل بيك لما باب العربيه يتفتح او الكبوت

[Mo3taz Selim]

لا حول و لا قوة إلا بالله

ربنا يعوض عليك خير

ربنا يخلصنا من الأيام دى على خير

[Gelgel2004]

الحمد لله جت على بطاريه
الف سلامة ليك

[beshoyyy]

الحمد لله انها جت في البطارية
ربنا يعوضك

[Elawany13]

من قبل ما اكمل قراءة الموضوع عرفت ان عربيتك يا اما لادا يا 128
لان الكبوت بتاعهم سهل اوى يتفتح
فيه كذا حل للموضوع ده
1- انك تعمل تقفيصه للبطاريه بس طبعاً الحرامى ممكن من غيظه يسرق حاجه تانيه
2- انك تعمل الانذار مع الكبوت بحيث لو اتفتح تلاقى السرينه اشتغلت
3- حل اخير انك تخلى الموبايل يتصل بيك لما باب العربيه يتفتح او الكبوت

واللى موصل الانذار على الكابوت يخلى باله وبتأكد ان الزرار شغال
أنا خليت الكهربائى يوصل الزرار ده كمان بنور الصالون زى الابواب
بحيث لما الكابوت يتفتح نور الصالون ينور وبالتالى اتأكد انه شغال كويس
غالبا الزرار ده بيعطل بسبب الامطار والمياه والصدأ والانذار مبيشتغلش
لازم تواظب صيف وشتاء على التأكد منه ورشه بجاز أو WD40
أو تزييته بزيت ماتور
وربنا يبعد عننا ولاد الحرام

[img3]http://img28.imageshack.us/img28/9819/5b5f.jpg[/img3]

[محمود السيد]

ربنا يعوض عليك خير

[mastr_n]

فداك ياهندسة
مش عارف الناس دية اية دة الشارع زحمة وفى ناس رايحة وجاية حاجة بجد تجنن

[Silent~Dream]

حسبى الله و نعم الوكيل فى الحراميه الى بيستحلوا مال الناس

[modysasazin]

حصلت معايا وانا راكن قدام القصر العيني
والمشكلة اني في اليوم دا كنت واخد عربية ابن عمي
هيونداي اكسيل
بس الحرامي كتر خيره مابوظليش الكالون خد البطارية بس