مسرحيه سرقه بطاريات السيارات

[د.محمود صلاح]

في ال 128 بتاعتي اتسرق البطارية والكوريك والاستبن .. حسبنا الله ونعم الوكيل

[J A G U A R]

فداك الف بطاريه .. وقدر الله ما شاء فعل

[michohat]

في ناس بتعمل تقفيصه خوص حديد للبطارية كزياده امان بعد ده كله

[Elkordy2000]

حصلت من سنه مع واحد قريبي معاه 128 ركنها امام حديقه الحلميه اللي في التجنيد في جسر السويس ودخل الجنينه مع عياله خرج وجد الكبوت مفتوح والبطاريه مسروقه ..., المضحك في الامر انه بعد سته اشهر حصل معاه نفس الكلام وفي نفس المكان بردضو وايضا كان معاه الاولاد وخارجين من نفس الجنينه ...هههههههههه فطبعا البيه زبون لأي حرامي ههههههههههههههههههه هم يضحك وهم يبكي ههههههه

[abo_lamar]

وبيبيع البطارية المسروقة ب 30 جنيه ... اه يا ولا التييييييييييت !!

اللي بيسرق في الغالب مش بيعرف قيمة اللي سرقة بيبقى عايز يبيع باي سعر عشان يروح يشم بيهم و يحشش ولا

يضرب سرنجة في دراعه ... حسبي الله و نعم الوكيل .

[abo_lamar]

لاحول الله

لا حول ولا قوة الا بالله .

[hilal]

بس عجبني اوي الكمين اللي انت عملته للحرامي وكان نفسي تعرف تقفشه
الحرامية اصبحوا تخصصات

[AFT]

ده الموضه الجديده ياشباب,,,,سرقة البطاريات والكاوتش,,,,
الاسبوع اللي فات في عصابه استلمت شارعنا,,,,,
عربيتين اتسرق منهم بطاريات,,,,وعربيه اتسرق الكاوتش بتاعها,,,,والنترا اتسرقت كلها على بعضها,,,,,

ربنا يسترها علينا,,,,ويبعد عنا ولاد الحرام

[ainshouka]

نفس موقفك دا حصلى الجمعه اللى فاتت وكنت مسافر وسايب شبرا وبستلم الزراعى ركنت جنب مزلقان عشان اصلى الجمعه ورجعت لقيت البطارية اتسرقت
خدتها كعب داير عشان الاقى بطارية استعمال ومكنش معايا فلوس تكفى وكلمت واحد صاحبى اشترالى بطارية جديده
وشربت كمية مطرة يوميها رهيبه

[gade2]

سلم يارب ...طب ناقص ايه تانى

[ahmedfathi]

حسبى الله ونعم الوكيل

[Anxs111]

ربنا يعوض عليك ...عالم تستاهل الحرق ...

[ahmedesmat1987]

احكيلك انا بقى على الاستفزاز بعينه : طبعا انا اتسرقت منى قبل كده بطريتين مش واحده
الاولانيه "" كنت راكن فى رمسيس ورحت الشغل الكلام دا الشتاء اللى فات فى عز طوبه :: المهم كان عندى شيفت مسائى خلصت الساعه 12:00 بالليل المهم ركبت العربيه ولسه بدور لاقيت العربيه مش لاقطه كهرباء قولت اطلع افتح الكبوت واهز القواطيش مع انى بقرط عليها جدا وانا بفتح الكبوت وبقول فى بالى يارب ما يكون اللى فى دماغى وهوووووووووووووب طلع اللى فى دماغى قعدت دقيقتين مبلم مش فاهم حاجه وحاسس انى فى حلم وعمال اقول يمكن حد بيهزر معايا وشالها حطهالى فى الشنطه طب ممكن تكون وقعت منى كل دا طبعا وانا بهيس مش مصدق اللى حصلى والساعه عدت 12:00 وانا لسه مبلم المهم اتصلت بجوز اختى وجى قاطرنى من رمسيس لحلوان بعربيته طبعا لان الوقت كان متاخر ومفيش حد بتاع بطريات فاتح والجو تلج......المهم اتعلمت من المره دى انى ابقى اربط الصاموله اللى بتمسك البطاريه بقاعده الشاسيه كويس عشان الحرامى ميعرفش يسرقها او يكسل يفكها ...


المره التانيه دى حصلت على جزئين : اول جزء ودا طبعا كان تحت بيتى فى حلوان نزلت فى يوم لاقيت الكابوت موارب مش مقفول قلبى وقع فى رجليا قولت البطاريه اتسرقت تانى مره المهم فتحت الكبوت وانا مستعد للصدمه وهوووووووووووب لاقيت البطاريه موجوده بس الاواطيش متخلعه من مكانها من فرحتى بقيت احسس عليها وفى بالى بقول باين الخدعه بتاعت الصاموله دى نجحت ياولا يا احمد ......والحرامى معرفش يسرقها فسابها المهم حسيت بنشوه الانتصار وبدات اخد احطياطاتى اكتر وبدات افكر هما ليه بيسرقه بطاريه العربيات اللى كبوتها بيفتح من الصدر بالذات المهم انا كان عندى خلفيه بانهم بيرفعه الكبوت من الجنب ويعمله حاجه الكبوت يفتح قعدت احاول افتح الكبوت من بره زى الحراميه عشان اعرف فين نقطه الضعف واعالجها المهم وانا بلوش ايدى جت على السلك اللى واصل من اليد الداخليه للكبوت رحت شاده نحيتى ام الكبوت مفتوح زى الحلاوة ......من هنا حطيت ايدى على نقطه الضعف وبدات افكر ازاى اعالج القصه دى المهم خطرت فى بالى فكرة انى اخفيه او ابعده عن ايد اى حد ممكن يمدها من بره........المهم رسمت الخطه وقد كان بدات التنفيذ فكيت الجزء الخاص بمكنه المساحات وفوت السلك من وراه وخفيته فى جسم العربيه من جوه بحيث يصعب على اللى فاتح الكبوت اصلا انه يوصله وعملت تجربه ونجحت ومعرفتش افتح الكبوت وهو مقفول ...ودا كان بمثابه انتصار ليا لتانى مره على الحرامى .......بس يا ترى الحرامى هيستسلم كده بسهوله بعد ما بقيت متقدم عليه 2/1 ودا اللى هنعرفه فى الجزء التانى



وفى يوم من الايام بعد عمل التعديلات الازمه والاحطياطات الممكنه لتامين بطاريه العربيه بحوالى 3 ايام نازل من البيت وجيت بحط المفتاح فى باب العربيه لاقيت الباب مفتوح اصلا ......قولت فى بالى اكيد انا بصطلى سيبته مفتوح من غير مقفله امبارح ..........المهم ركبت ومحطتش فى بالى وجيت بحط المفتاح فى العربيه وهووووووووووووووووووووووووووووب ..لالالالالالالالالالالالالالالالالالالالالالالالا لالالالالالالالا ..مش انا __ مش انا___ مش انا اللى يتعمل معايا كده .....طب اعملك ايه يابن الجز....مه اكتبلك ورقه على العربيه اعترفلك بيها انى مستسلم.........احطلك صاموله مش نافع اخفيلك السلك اللى بتفتح بيه برده مش نافع تطفش باب العربيه وتفتح الكبوت من جوة العربيه ......انا حاسس انك المره الجايه هتكتبلى ورقه فيها شتيمه كمان ......وحلفت من يوميها لاروح لسمكرى اعمل قفل خارجى للكبوت كله وقد كان الكبوت عندى بقى شبه درج المكتب بس كله يهون ولا اتلسعش 300 جنيه من تانى ........ولحد دلوقتى عندى فوبيا البطاريه رغم انى مركب قفل والحرامى بطل يسرق عربيتى شكله اتغنى وربنا تاب عليه بس برده كل ماجى اركب العربيه لازم اامن الاول على الكبوت ودايما احلم واتخيل انى برده هنزل الاقيها مسروقه يعنى لو سرق العربيه اريحلى لاكن مش كل يوم انزل اشترى بطاريه...

تحياتى

[Elawany13]

احكيلك انا بقى على الاستفزاز بعينه : طبعا انا اتسرقت منى قبل كده بطريتين مش واحده
الاولانيه "" كنت راكن فى رمسيس ورحت الشغل الكلام دا الشتاء اللى فات فى عز طوبه :: المهم كان عندى شيفت مسائى خلصت الساعه 12:00 بالليل المهم ركبت العربيه ولسه بدور لاقيت العربيه مش لاقطه كهرباء قولت اطلع افتح الكبوت واهز القواطيش مع انى بقرط عليها جدا وانا بفتح الكبوت وبقول فى بالى يارب ما يكون اللى فى دماغى وهوووووووووووووب طلع اللى فى دماغى قعدت دقيقتين مبلم مش فاهم حاجه وحاسس انى فى حلم وعمال اقول يمكن حد بيهزر معايا وشالها حطهالى فى الشنطه طب ممكن تكون وقعت منى كل دا طبعا وانا بهيس مش مصدق اللى حصلى والساعه عدت 12:00 وانا لسه مبلم المهم اتصلت بجوز اختى وجى قاطرنى من رمسيس لحلوان بعربيته طبعا لان الوقت كان متاخر ومفيش حد بتاع بطريات فاتح والجو تلج......المهم اتعلمت من المره دى انى ابقى اربط الصاموله اللى بتمسك البطاريه بقاعده الشاسيه كويس عشان الحرامى ميعرفش يسرقها او يكسل يفكها ...

المره التانيه دى حصلت على جزئين : اول جزء ودا طبعا كان تحت بيتى فى حلوان نزلت فى يوم لاقيت الكابوت موارب مش مقفول قلبى وقع فى رجليا قولت البطاريه اتسرقت تانى مره المهم فتحت الكبوت وانا مستعد للصدمه وهوووووووووووب لاقيت البطاريه موجوده بس الاواطيش متخلعه من مكانها من فرحتى بقيت احسس عليها وفى بالى بقول باين الخدعه بتاعت الصاموله دى نجحت ياولا يا احمد ......والحرامى معرفش يسرقها فسابها المهم حسيت بنشوه الانتصار وبدات اخد احطياطاتى اكتر وبدات افكر هما ليه بيسرقه بطاريه العربيات اللى كبوتها بيفتح من الصدر بالذات المهم انا كان عندى خلفيه بانهم بيرفعه الكبوت من الجنب ويعمله حاجه الكبوت يفتح قعدت احاول افتح الكبوت من بره زى الحراميه عشان اعرف فين نقطه الضعف واعالجها المهم وانا بلوش ايدى جت على السلك اللى واصل من اليد الداخليه للكبوت رحت شاده نحيتى ام الكبوت مفتوح زى الحلاوة ......من هنا حطيت ايدى على نقطه الضعف وبدات افكر ازاى اعالج القصه دى المهم خطرت فى بالى فكرة انى اخفيه او ابعده عن ايد اى حد ممكن يمدها من بره........المهم رسمت الخطه وقد كان بدات التنفيذ فكيت الجزء الخاص بمكنه المساحات وفوت السلك من وراه وخفيته فى جسم العربيه من جوه بحيث يصعب على اللى فاتح الكبوت اصلا انه يوصله وعملت تجربه ونجحت ومعرفتش افتح الكبوت وهو مقفول ...ودا كان بمثابه انتصار ليا لتانى مره على الحرامى .......بس يا ترى الحرامى هيستسلم كده بسهوله بعد ما بقيت متقدم عليه 2/1 ودا اللى هنعرفه فى الجزء التانى

وفى يوم من الايام بعد عمل التعديلات الازمه والاحطياطات الممكنه لتامين بطاريه العربيه بحوالى 3 ايام نازل من البيت وجيت بحط المفتاح فى باب العربيه لاقيت الباب مفتوح اصلا ......قولت فى بالى اكيد انا بصطلى سيبته مفتوح من غير مقفله امبارح ..........المهم ركبت ومحطتش فى بالى وجيت بحط المفتاح فى العربيه وهووووووووووووووووووووووووووووب ..لالالالالالالالالالالالالالالالالالالالالالالالا لالالالالالالالا ..مش انا __ مش انا___ مش انا اللى يتعمل معايا كده .....طب اعملك ايه يابن الجز....مه اكتبلك ورقه على العربيه اعترفلك بيها انى مستسلم.........احطلك صاموله مش نافع اخفيلك السلك اللى بتفتح بيه برده مش نافع تطفش باب العربيه وتفتح الكبوت من جوة العربيه ......انا حاسس انك المره الجايه هتكتبلى ورقه فيها شتيمه كمان ......وحلفت من يوميها لاروح لسمكرى اعمل قفل خارجى للكبوت كله وقد كان الكبوت عندى بقى شبه درج المكتب بس كله يهون ولا اتلسعش 300 جنيه من تانى ........ولحد دلوقتى عندى فوبيا البطاريه رغم انى مركب قفل والحرامى بطل يسرق عربيتى شكله اتغنى وربنا تاب عليه بس برده كل ماجى اركب العربيه لازم اامن الاول على الكبوت ودايما احلم واتخيل انى برده هنزل الاقيها مسروقه يعنى لو سرق العربيه اريحلى لاكن مش كل يوم انزل اشترى بطاريه...

تحياتى

هههههههه
ممكن صورة للكابوت بالقفل الخارجى

Sent from my GT-S6500D using Forum Runner

[medo111]

حد يعرف البطاريات الوقتي سعرها كام