شحن بطارية السيارة

[aturkia1]

السلام عليكم ورحمة الله وبركاته

هل يمكننى استخدام شاحن لاب توب لشحن بطارية السيارة عند الضرورة؟؟

علما بأن:
جهد الخرج لشاحن الاب توب: 19 فولت
امبير الخرج : 3.95 امبير

جهد البطارية 12 فولت
سعة البطارية 44 امبير ساعة

ارجو الرد مع توضيح السبب فى حالة عدم امكان الشحن

وشكرا لكم جميعا

[magna]

اظن ممكن بس طلما فولت الشاحن زاد عن فولت البطاريه فا

ده اسمه شحن سريع ويؤدي مع الوقت الي تدمير خلايا البطاريه

بالنسبه للأمبير فا ده وحدة قياس شحن البطاريه A/hour

يعني بفرض ان الشاحن ده حيشحن فا حيحتاخد 10 ساعات

عشان يشحن البطاريه بمقدار امبير بير هور

عموما البطارية مفهاش دواير ممكن تتحرق وكده فا ممكن ينفع

وعشان تتاكد روح اي محل كهربا واشتري من عنده فولتميتر

الي بيقيس الفولت والتيار والمقاومه وشوف فولت البطاريه قبل

الشحن واثناء الشحن وبعد الشحن لو زاد يبقى انت ماشي تمام

ابقى قولي عملت ايه والكلام الي قلتهولك ده من ناس ثقه D:

[aturkia1]

شكرا يا باشا على الرد
انا بصراحة مش قلقان على البطارية انا قلقان على الشاحن خايف يحصل عليه over current بس اعتقد ان الشاحن فيه دوائر حماية بس يا ترى الدوائر دى هتفصل الشاحن وبعدين هايرجع يشتغل تانى لوحده Thermal يعنى ؟؟ ولا ايه

[aturkia1]

الا يوجد من يشاركنا؟؟

[misoalex]

لا مينفعش وحتبوظ الشاحن اولا
ثانيا عمليه شحن الطاريه لزياده التيار وهو الامبير يعنى لازم التونجر بتاع الشحن عشان امبيره عالى عشان يمد البطاره بالقوه الى محتاجاها
انت عاوز تديلى 3 او حتى 10 امبير صعب جدا انها تتشحن

[aturkia1]

شكرا للرد

على فكرة تيار الشحن العادى- وليس السريع- للبطارية يكون فى حدود 10% من قيمة سعة البطارية (امبير. ساعة) فى حالتى هنا تيار الشحن سيكون حوالى 4.4 أمبير

[misoalex]

والله مش حتخسر حاجه لو جربت بس خلى بالك عشان انت الى حتستحمل تكلفه اى اضرار لا قدر الله

[reamoz]

بص يا باشا اعتقد ان مش هينفع لأن فرق الفولت عالي، الدينامو بخرج من 13.2 فولت لحد 14 فولت ولوكان اعلى من كدة بكون غلط على البطارية وبيغيرو الكتاوت بتاع الدينامو، فاكيد 19 فولت كتير بغط النظر عن فرق الأمبير وبعدين يعني انا معتقدش ان الحكاية هتزنق معاك قوي للدرجادي، هي وصلة من اي عربية هتخليك تدور وبعد كدة الدينامو يقوم بالواجب :)

[toty_vib]

غلط مش هتشحن ممكن الشاحن يضرب

[aturkia1]

يا جماعة انا كنت مسافر لمدة 24 يوم فمقدرتش اجرب الفكرة بتاعتى وهى شحن بطارية السيارة بشاحن اللابتوب ولكن منذ يومين عدت من السفر وطبعا البطارية كانت ميتة على الاخر وانا اصلا كنت فاككها من العربية وماكنش فيها اية مياة على الاطلاق. فبعد عودتى اشتريت مية بطاريات وملات البطارية ووصلت شاحن اللابتوب عليها لمدة ساعتين ثم نصف ساعة راحة ثم ساعتين وكان ذلك باليل ثم فى الصباح وصلت الشاحن لمدة ساعة كمان ثم اخذت البطارية وركبتها فى العربية وكانت المفاجأة ان البطارية دورت العربية بسهولة جدا كانها كاملة الشحن.

وبهذا حليت مشكلة نوم البطارية وصعوبة اخذ وصلة من اى سيارة اخرى لانى من السهل جدا ان اجد سيارة اخرى ولكن من الصعب جدا ان اجد كابلات للتوصيل.

وعلى فكرة شاحن الابتوب يعمل جيدا ولم يحدث له شيء

اتمنى ان تكون الفكرة مفيدة للبعض

[reamoz]

يا جماعة انا كنت مسافر لمدة 24 يوم فمقدرتش اجرب الفكرة بتاعتى وهى شحن بطارية السيارة بشاحن اللابتوب ولكن منذ يومين عدت من السفر وطبعا البطارية كانت ميتة على الاخر وانا اصلا كنت فاككها من العربية وماكنش فيها اية مياة على الاطلاق. فبعد عودتى اشتريت مية بطاريات وملات البطارية ووصلت شاحن اللابتوب عليها لمدة ساعتين ثم نصف ساعة راحة ثم ساعتين وكان ذلك باليل ثم فى الصباح وصلت الشاحن لمدة ساعة كمان ثم اخذت البطارية وركبتها فى العربية وكانت المفاجأة ان البطارية دورت العربية بسهولة جدا كانها كاملة الشحن.

وبهذا حليت مشكلة نوم البطارية وصعوبة اخذ وصلة من اى سيارة اخرى لانى من السهل جدا ان اجد سيارة اخرى ولكن من الصعب جدا ان اجد كابلات للتوصيل.

وعلى فكرة شاحن الابتوب يعمل جيدا ولم يحدث له شيء

اتمنى ان تكون الفكرة مفيدة للبعض

طب ياباشا الف مبروك دي تجربة تشكر عليها طبعا وإنك نشرتها ممكن حد يستفيد منها أو تديلة فكرة لتطويرها
وأتمنى ان الدوائر الدخلية للبطارية ميكنش حصلها حاجة بس يفضل إن الموضوع دة بردة يكون في حالة الضرورة القصوى يعني علشان في العادي البطارية بتكون راكبة في العربية فا هنفكها ونشيلها نوديها جنب الفيشة وياسلام بقى لو وقعت علينا شوية حامض زبطتلنا هدومنا وبنفضل كام ساعة نشحن فيها يعني موال.
فا ياريت اللي يكون عندة إحساس ان البطارية بتاعتة معرضة إنها ممكن تعملها معاه يخلي معاه في شنطة العربية حتي لو سلكين كهرباء تخان شوية 12مم كدة ولا حاجة بطول معقول علشان لو اتزنق ممكن يحشرهم في القواطيش واخد بيهم وصلة علشان الشتاء قادم والحاجات دي بنشوفها كتير في البرد الصبح

[M.Mostafa80]

بس والله برافو عليك بحب اللى يطق فى دماغو فكره ويفضل وراها لحد ما ينفزها ويجربها برافو عليك مره تانيه

[misoalex]

شكرا لاخبارنا بالنتيجه ولو على كده احنا ممكن نعمل شاحن بديل لشاحن الاب توب لان تمنه غالى طبعا
وانا بدور حاليا على النت ونشوف ايه النتيجه

[exact]

شكرا لاخبارنا بالنتيجه ولو على كده احنا ممكن نعمل شاحن بديل لشاحن الاب توب لان تمنه غالى طبعا
وانا بدور حاليا على النت ونشوف ايه النتيجه

طبعا مش شاحن اللاب هو اللي ينفع لعدة اسباب:
أولا انه 19 فولت 4 امبير ودي مش الفولتية ولا الامبير المناسب بتاتا لشحن البطارية...حد هيقوللي شحنها هاقول له اوكيه بس هيقصف عمرها على المدى وهي اساسا البطاريات بتتلكك ...
ثانيا شواحن اللاب اسعارها فوق 200 جنيه وده طبعا شئ مبالغ فيه زائد انه ممكن ميستحملش الحمل ويحصل فيه قفلة مش واضحة ويفضل شغال بس اما تركبه عالكمبيوتر يخربهولك..فمفيش داعي للمجازفة وممكن تشتري بالفلوس دي شاحن بطارية عربية محترم وهيكون مناسب عالاقل
ولو عاوزين انا ممكن اجيب لكم خطوات تصنيع وتجميع الشاحن ده فالبيت وباقل التكاليف ومتخافوش أنا اي نعم صيدلي بس بافهم فيه اكتر من الادوية

[mahmoudbadr]

ولو عاوزين انا ممكن اجيب لكم خطوات تصنيع وتجميع الشاحن ده فالبيت وباقل التكاليف ومتخافوش أنا اي نعم صيدلي بس بافهم فيه اكتر من الادوية

طيب يا ريت حضرتك تعمل لنا موضوع جامد عن خطوات تصنيع الشاحن دة تكون معلومة مفيدة لكل اللى بيحب يعمل الحاجة دى بنفسه