أضرار نقص زيت الفتيس وتشخيص العطل من الصوت

[amer_aboamer]

بسم الله الرحمن الرحيم
السادة الأعضاء أقدم لكم اليوم بعض أعطال الفتيس التى يسببها نقص الزيت وهى تتمثل فى التالى
1-تاكل بعض تروس الغيارات وبوجه خاص صغيرة الحجم (السرعات العالية)
2-حدوث بوش فى رمان البلى الموجود فى الفيتيس
3-إنكسار ترس الشجرة(أسوأ الإحتمالات)
4-حدوث بوش فى بلية الدبرياج (إحتمال ضعيف)
-فى جميع الأحوال يحدث صوت عند بدء دوران المحرك ماعدا رقم4 يظهر الصوت عند الضغط على الدبرياج
-فى الحالة رقم 1 يرتفع الصو فقط على الترس المتاكل
-فى الحالة رقم 2 يكون الصوت عالى على وضع التموير وينخفض عكسيا مع علو الغيارات ويمنع عند الضغط على الدبرياج نظرا لتوقف الفتيس عن الحركة وكثيرا ماينطفئ المحرك عند بداية الدوران نظرا لثقل الفتيس وتحميله على المحرك
-فى الحالة رقم 3 لن يدور المحرك إللا عند ضغط الدبرياج وإذا تركت الدبرياج إنتا وحظك ممكن تكسر أى حاجة تانيةفى المحرك(كرنك-بى إل-شمبر) نظرا لوجود رجة شديدة جدا
-فى كل الأحوال يجوز التصليح أللا رقم 4 يجب تغييره وشرط التغيير أنه يجب أن يكون نفس الفتيس بنفس النوع وعدد الغيارات
وشكرا لصبركم

[drahmedhegy]

موضوع رائع بس ازاي نعرف ان زيت الفتيس ناقص قبل ماتحصل المشاكل دي

[amer_aboamer]

موضوع رائع بس ازاي نعرف ان زيت الفتيس ناقص قبل ماتحصل المشاكل دي

المفروض وإنتا بتغير زيت الموتور تخلى بتاع الزيت يبصلك على زيت الفتيس بالمرة ولو ناقص يزوده

[starlanos]

موضوع منهم
طب انا غيار الخامس اول مرة بحس كان حاجه مسدودة ارجع الفتيس وانقل تاني علي الخامس يجي بسهوله

[amer_aboamer]

بتحصل عادى وده نتيجة انك بتطول على الرابع فصوت الموتور بيعلا وعددلفاته بتزيد فلما تيجى تدى الخامس بيكون عدد لفات الموتور اسرع من المفروض فيعمل معاك كدة ولو عدد اللفات كان أقل من المطلوب الغير هايعض معاك

[S O P H O S]

مشكورر يا باشا علي مجهودك

[بيشوى_رمزى]

رائع

[أبو صلاح]

طيب في الريو 2001
في صوت زي تكتكة بيظهر بين 40-60 كله اجمع انه فتيس ولازم يتغير ومحدش اداني سبب محدد
حطيت زيت فتيس 140 تقيل مستورد الصوت اختفى
ايه تفسيره؟

[ضى القمر]

موضوع مهم

[Mohamed_Hamza]

طيب ده المانيول بالنسبة للاوتوماتك ايه النظام مفيش شرح ليها؟

[heshamfathi]

هو المفروض اللانوس 1 بيتحطلها 90 ولا 140 فالولين ؟

[windofchange]

طيب في الريو 2001
في صوت زي تكتكة بيظهر بين 40-60 كله اجمع انه فتيس ولازم يتغير ومحدش اداني سبب محدد
حطيت زيت فتيس 140 تقيل مستورد الصوت اختفى
ايه تفسيره؟

الزيت ال140 ده غلط وبيبوظ الفتيس والله اعلم

[zrzr1]

موضوع مهم فعلا ,, لو عايز اعرف انا عربيتي بتاخد اد ايه زيت للفتيس أعمل ايه؟

[Silent~Dream]

شكرا على المعلومات المفيده

[mohamede002e]

انا عندي الفتيس مش ناعم يعني العربية الاول كانت بتاخد الغيار باللمس والفتيس سلس جدا بس دلوقت حاسس بتقل في الغيارات خصوصا التالت والمرشدير ياترا اي الحوار دا العربية فورد اسكورت 98 ملاحظة الدبرياش تقيل شوية بس هو من زمان كدا