أضرار نقص زيت الفتيس وتشخيص العطل من الصوت

[Khaled Lanos]

طب انا دلوقتي اولسيهات الكبالن ضربت وزيت الفتيس وقع كله تقريبا وانا مش واخد بالي وكنت فاكره زيت متور..ومشيت عليه فترة طويلة ودلوقتي بسمع اصوات خشانة كتير وصوت بلي مفرط وانا ماشي بالعربية..كدا يبقى ايه مدى الضرر اللي حصل للفتيس؟
ورأيكم اصلح الفتيس دا ولا ارميه واشتري واحد استيراد؟

[honhon]

استفسار بعد اذنكم انا عربيتى بيجو 106 وعايز ازود زيت فتيس و كل لما اروح لحد يقول معنديش يا ريت الى يعرف ازودها اية و منين يقولى ولكم جزيل الشكر

[amer_aboamer]

طب انا دلوقتي اولسيهات الكبالن ضربت وزيت الفتيس وقع كله تقريبا وانا مش واخد بالي وكنت فاكره زيت متور..ومشيت عليه فترة طويلة ودلوقتي بسمع اصوات خشانة كتير وصوت بلي مفرط وانا ماشي بالعربية..كدا يبقى ايه مدى الضرر اللي حصل للفتيس؟
ورأيكم اصلح الفتيس دا ولا ارميه واشتري واحد استيراد؟

انا شايف إنك تصلح أحسن من إنك تشترى إستيراد لأن معظم إللى فى السوق بايظ (صوته خشن أو فيه وننة)ويقولك على تجربة وممكن تغير فتيسين وللا ثلاثة على ما واحد يظبط معاك وعيش بقه مصاريف حل وتركيب وجرى على الصنايعية وبعد كدة ممكن يشتغل معاك فترة ويبوظ

[amer_aboamer]

استفسار بعد اذنكم انا عربيتى بيجو 106 وعايز ازود زيت فتيس و كل لما اروح لحد يقول معنديش يا ريت الى يعرف ازودها اية و منين يقولى ولكم جزيل الشكر

شوف حد صاحبك أو قريبك يكون معاه نفس العربية وإسأله أو لو معاك الكتالوج يبقى لوز قوى

[wael6]

السلام عليكم ورحمة الله

فتيس الفيرنا تقيل جدا الصبح ويكاد لا يعمل وبيشخط فى المارشدير وهى بارده وده مش علطول
وينتظم فى العمل فى الصباح والبرد بعد تشغيل نص ساعة مثلا
كشفت ع الزيت لقيته مظبوط وكويس

فيه عضه بسيطه جدا ع الاول وسالت اكتر من واحد عليها من مالكى العربيه قالولى دى موجوده عندنا حتى مع تغيير الفتيس كله ؟

هو زيت الفبريكا بقاله 45 الف كم
المفروض يتغير امتى ؟

العفشجى قالى كاوتشة النقلات كانت ناشفة وحطلى عليها زيت من بره وطرت شوية
وقالى لو شخط معاك تانى المارشدير ابقا كارك دبرياج مرتين تلاته وارجع بيت مرشدير ؟
وابقي طمنى عليه ؟

اسف للاطالة
وشكرا جزيلا

[amer_aboamer]

السلام عليكم ورحمة الله

فتيس الفيرنا تقيل جدا الصبح ويكاد لا يعمل وبيشخط فى المارشدير وهى بارده وده مش علطول
وينتظم فى العمل فى الصباح والبرد بعد تشغيل نص ساعة مثلا
كشفت ع الزيت لقيته مظبوط وكويس

فيه عضه بسيطه جدا ع الاول وسالت اكتر من واحد عليها من مالكى العربيه قالولى دى موجوده عندنا حتى مع تغيير الفتيس كله ؟

هو زيت الفبريكا بقاله 45 الف كم
المفروض يتغير امتى ؟

العفشجى قالى كاوتشة النقلات كانت ناشفة وحطلى عليها زيت من بره وطرت شوية
وقالى لو شخط معاك تانى المارشدير ابقا كارك دبرياج مرتين تلاته وارجع بيت مرشدير ؟
وابقي طمنى عليه ؟

اسف للاطالة
وشكرا جزيلا

بص يا باشا
إنتا أكيد بتزود زيت بقالك مدة والزيت إللى موجود عند غالبية بتوع الزيت بيبقى تقيل فلما تركن العربية بالليل خصوصا فى الشتاء أو مكان مكشوف الزيت إللى فى الفتيس بيتجمد وبيتحول لشحم ودا إللى بيخلى الغيارات تقيلة ومتبدأشى تفك إللا لما العربية تدور فترة والزيت يسخن
لو عايز تخلص الموضوع ده بعد ماتاخد مشوار بالعربية نزل زيت الفتيس كله وحط زيت أخف
وشكرا

[wael6]

بص يا باشا
إنتا أكيد بتزود زيت بقالك مدة والزيت إللى موجود عند غالبية بتوع الزيت بيبقى تقيل فلما تركن العربية بالليل خصوصا فى الشتاء أو مكان مكشوف الزيت إللى فى الفتيس بيتجمد وبيتحول لشحم ودا إللى بيخلى الغيارات تقيلة ومتبدأشى تفك إللا لما العربية تدور فترة والزيت يسخن
لو عايز تخلص الموضوع ده بعد ماتاخد مشوار بالعربية نزل زيت الفتيس كله وحط زيت أخف
وشكرا

شكرا لاهتمامكم الكريم

بس انا عمرى ما زودت زيت خالص
واللى موجود زيت الفبريكا

و شخطة الغيار دى مدى خطورتها ايه؟
انا بحاول اتفادى المارشدير والعربيه بارده لكن اوقات للاسف تلاقي حد قافلك شارع تقوم تدى مارشدير تقوم شاخطه واتنرفز انا اوى منها الحركة دى ؟

اسف للاطاله
وشكرا جزيلا

[أحمد عثمان]

بجد معلومات أكثر من ممتازة و مناقشة مثمرة فعلاً.
أنا الحقيقة عندي مشكلة بقالها فترة و مش عارف سببها إيه أو تتحل إزاي؟؟؟؟
1- الجزء الأول من المشكلة إن عصاية الفتيس لما تكون على المور بيكون فيها بوش يمين و شمال يعني بدون مجهود ممكن تهزها بإيدك كده تاخد و تدي معاك و الحقيقة أنا طنشت الموضوع ده و قولت عادي الكلام ده موجود في أغلب السيارات بعد طول الإستخدام علشان مكانتش موجودة و العربية جديدة , بس الحقيقة المشكلة تطورت و لما آجي أنقل و أحرك العصاية يمين أوي أو شمال أوي أسمع صوت تصفير زي معدن في معدن عند الإنتقال من المنتصف إلى اليمين أو اليسار , و حاولت أعرف المشكلة منين ففكيت الجلد اللى مغطي العصاية عشان أعرف الصوت ده جاي منين لأني بسمعه جوه الصالون مش بعيد أوي , و شحمت الأجزاء الموجوده على أد ما قدرت بسالصوت هو هو برضه , فالحقيقة مش عارف السبب إيه و هل فيه حاجة محتاجة تتربط أو جوان باش مثلاً و محتاج يتغير و لا إيه , و هل في خطورة مثلاً على حاجة تانية؟؟؟؟؟؟
2- الجزء التاني من المشكلة هو إني لما بكون ماشي بالعربية و مدي إي نقلة من النقلات الخلفية يعني التاني أو الرابع بسمع صوت شخلله عالية نسبياً من العصاية داخل الصالون و لما بسند العصاية بإيدي بس كده بتروح و لما أسيبها ترجع تاني و زي ما قلت أثناة المشي على الرغم إن مافيش صعوبة في النقلة نفسها.
أنا مغيرتش زيت الفتيس من ساعة لما جبت العربية و الحقيقة دورت كتير بس مالقتش زيت gl-4 كل الموجود في السوق gl-5 و ده حسب لما عرفت بياكل المعادن الصفرا.
أرجو المساعدة بشدة , و لو المشكلة مشكلة نقصان زيت فأنا ممكن أغيرة حتى لو gl-5 بس المشكلة تتحل.
آسف جداً على الإطالة.

[ahmed1_com]

انا اويل سيل الكوبلن كان بيسرب زيت وصلحتو وبعد لما صلحتو رحت ازود زيت الفتيس المهم ملقتش غير جركن واحد موبيل وهو كيلو والعربيه كانت عايزه 2 كيلو وشويه وكان عندو نوع تانى سايب كده فى جركن كبير فضل يقلى ده كويس مش وحش حطيت منو ده يضر حاجه بالفتيس ولا زيو زى العادى وكمان لما اجى اجيب مرشدير سعات الغيار ميجيش من اول مره بيقف كده اروح ممور وجايب تانى يجى وكمان لما امش بالعريه فى الزحمه وادوس على على الدبرياج كتير اروح كل ما ادوس على الدبرياج دواسه الدبرياج تزيق كده الدواسه الى بتزيق مش الموتور

[amer_aboamer]

بجد معلومات أكثر من ممتازة و مناقشة مثمرة فعلاً.
أنا الحقيقة عندي مشكلة بقالها فترة و مش عارف سببها إيه أو تتحل إزاي؟؟؟؟
1- الجزء الأول من المشكلة إن عصاية الفتيس لما تكون على المور بيكون فيها بوش يمين و شمال يعني بدون مجهود ممكن تهزها بإيدك كده تاخد و تدي معاك و الحقيقة أنا طنشت الموضوع ده و قولت عادي الكلام ده موجود في أغلب السيارات بعد طول الإستخدام علشان مكانتش موجودة و العربية جديدة , بس الحقيقة المشكلة تطورت و لما آجي أنقل و أحرك العصاية يمين أوي أو شمال أوي أسمع صوت تصفير زي معدن في معدن عند الإنتقال من المنتصف إلى اليمين أو اليسار , و حاولت أعرف المشكلة منين ففكيت الجلد اللى مغطي العصاية عشان أعرف الصوت ده جاي منين لأني بسمعه جوه الصالون مش بعيد أوي , و شحمت الأجزاء الموجوده على أد ما قدرت بسالصوت هو هو برضه , فالحقيقة مش عارف السبب إيه و هل فيه حاجة محتاجة تتربط أو جوان باش مثلاً و محتاج يتغير و لا إيه , و هل في خطورة مثلاً على حاجة تانية؟؟؟؟؟؟
2- الجزء التاني من المشكلة هو إني لما بكون ماشي بالعربية و مدي إي نقلة من النقلات الخلفية يعني التاني أو الرابع بسمع صوت شخلله عالية نسبياً من العصاية داخل الصالون و لما بسند العصاية بإيدي بس كده بتروح و لما أسيبها ترجع تاني و زي ما قلت أثناة المشي على الرغم إن مافيش صعوبة في النقلة نفسها.
أنا مغيرتش زيت الفتيس من ساعة لما جبت العربية و الحقيقة دورت كتير بس مالقتش زيت gl-4 كل الموجود في السوق gl-5 و ده حسب لما عرفت بياكل المعادن الصفرا.
أرجو المساعدة بشدة , و لو المشكلة مشكلة نقصان زيت فأنا ممكن أغيرة حتى لو gl-5 بس المشكلة تتحل.
آسف جداً على الإطالة.

بص ياباشا
بالنسبة للبوش بتاع العصاية دا عادى بس لما البوش يزيد عن حده ممكن يكون المسمار اللى ماسك العصاية بدراع النقل بتاع الفتيس مهوى ولما يتربط كويس بيظبط ودا غالبا سبب الصوت اللى بتسمعه وممكن يكون من نقص زيت الفتيس
أما بالنسبة لنوع الزيت مش مهم قوى بس الأهم إنه ماينقصشى عشان ميبوظشى الفتيس
وشكرا

[amer_aboamer]

انا اويل سيل الكوبلن كان بيسرب زيت وصلحتو وبعد لما صلحتو رحت ازود زيت الفتيس المهم ملقتش غير جركن واحد موبيل وهو كيلو والعربيه كانت عايزه 2 كيلو وشويه وكان عندو نوع تانى سايب كده فى جركن كبير فضل يقلى ده كويس مش وحش حطيت منو ده يضر حاجه بالفتيس ولا زيو زى العادى وكمان لما اجى اجيب مرشدير سعات الغيار ميجيش من اول مره بيقف كده اروح ممور وجايب تانى يجى وكمان لما امش بالعريه فى الزحمه وادوس على على الدبرياج كتير اروح كل ما ادوس على الدبرياج دواسه الدبرياج تزيق كده الدواسه الى بتزيق مش الموتور

صوت التزييق بيبقى من الواير بتاع الدبرياج وده عادى لما يكون بقاله فترة ما إتغيرشى
أما بالنسبة للزيت أهم حاجة إنه ماينقصشى عشان دى مشكلة وطالما الفتيس مانيوال ماتددقشى
أما الأوتوماتيك لازم تمشى على الكتالوج بحزافيره
وشكرا

[wael6]

الفتيس فى المارشدير وهى بارده بيشخط
ولما اكارك دبرياج مرتين الشخطه بتروح ويشتغل عادى ؟ (دى كانت نصيحة العفشجى وقالى ابقي قولى ؟)
ده من ايه يا ترى ؟
وايه الحكمة من وراء مكاركة الدبرياج؟
وشكرا

[ahmed1_com]

صوت التزييق بيبقى من الواير بتاع الدبرياج وده عادى لما يكون بقاله فترة ما إتغيرشى
أما بالنسبة للزيت أهم حاجة إنه ماينقصشى عشان دى مشكلة وطالما الفتيس مانيوال ماتددقشى
أما الأوتوماتيك لازم تمشى على الكتالوج بحزافيره
وشكرا

مشكور جدا الزيت مبينقص وانا رحت لبتاع الزيت الى غيرت عندو وقلتلو الزيت الى حتطهولى الزوجه كام قالى 90 قلتلو مش 140 قالى لا 90 وكويس قلتلو انزلو ونحط زيت موبيل او اى حاجه قالى مش مستهلة الزيت كويس ونضيف جدا فا قلت اسيبو بقى وخلاص

[a7medsh3rawi]

أنا الحقيقة عندي مشكلة بقالها فترة و مش عارف سببها إيه أو تتحل إزاي؟؟؟؟
1- الجزء الأول من المشكلة إن عصاية الفتيس لما تكون على المور بيكون فيها بوش يمين و شمال يعني بدون مجهود ممكن تهزها بإيدك كده تاخد و تدي معاك بس الحقيقة المشكلة تطورت و لما آجي أنقل و أحرك العصاية يمين أوي أو شمال أوي أسمع صوت تصفير زي معدن في معدن عند الإنتقال من المنتصف إلى اليمين أو اليسار , و حاولت أعرف المشكلة منين ففكيت الجلد اللى مغطي العصاية عشان أعرف الصوت ده جاي منين لأني بسمعه جوه الصالون مش بعيد أوي , و شحمت الأجزاء الموجوده على أد ما قدرت بس الصوت هو هو برضه , فالحقيقة مش عارف السبب إيه و هل فيه حاجة محتاجة تتربط أو جوان باش مثلاً و محتاج يتغير و لا إيه , و هل في خطورة مثلاً على حاجة تانية؟؟؟؟؟؟
2- الجزء التاني من المشكلة هو إني لما بكون ماشي بالعربية و مدي إي نقلة من النقلات الخلفية يعني التاني أو الرابع بسمع صوت شخلله عالية نسبياً من العصاية داخل الصالون و لما بسند العصاية بإيدي بس كده بتروح و لما أسيبها ترجع تاني و زي ما قلت أثناة المشي على الرغم إن مافيش صعوبة في النقلة نفسها.
آسف جداً على الإطالة.

دا مالوش دعوة بالقتيس فى حاجه عندك اسمها الضفدعه بتركب فى العقربه بتاعت تغيير النقلات ودا شكلها من جوه وهى علبه بلاستيك ماشك فيها عصاية الفتيس وليها دراع حديد طالع لغاية الموتور ودى بتتغير بواحده استيراد سعرها تقريبا 150ج والتركيب 50 ج وهتحل كل المشاكل اللى عندك باذن الله

[أحمد عثمان]

دا مالوش دعوة بالقتيس فى حاجه عندك اسمها الضفدعه بتركب فى العقربه بتاعت تغيير النقلات ودا شكلها من جوه وهى علبه بلاستيك ماشك فيها عصاية الفتيس وليها دراع حديد طالع لغاية الموتور ودى بتتغير بواحده استيراد سعرها تقريبا 150ج والتركيب 50 ج وهتحل كل المشاكل اللى عندك باذن الله

متشكر جداً على الرد و إن شاء الله أغيرها و أقوللك النتيجة.