افضل زيوت محرك للفيرنا 1600

[mer_man]

افضل زيوت محركات للفيرنا 1600؟
اعتقد ان افضل زيت علي الأطلاق موبيل1 صوت الموتور اهدي بكتير عن باقي الزيوت عزم الموتور اعلي سحب السيارة افضل بشكل ملحوظ جدا بداية الدوران اكتر سلاسة مفيش اصوا التكتكة و الحاجا ت الغريبة المعروفة عن محركات هيونداي و خصوصا في بداية التشغيل مش محاج وقت طويل للتسخين في بداية التشغيل و خصوصا في البرد لانة زيت خفيف 5w50 يعني بيزيتت الموتور بسرعة بعكس الزيوت المعدنية الانية الي لزوجتها اعلي بكتير و تاخد وقت طويل علي ما تنتشر في كل اجزاء الموتور و تزيتة 20w50 بالاضافة الي اداء السياره الثابت سواء الموتور بارد او سخن مشاوير طويلة او استعمال لمدة قصيرة وسط البلد او خارج البلد( طرق سريعة ) عكس الزيت المعدنية بس مشكلتة انة غالي 225 جنية بيعمل 10000كم او 6 شهور يعني لو قعدت 6 شهور ما عملش غير 4000 حتضطر برضة تغيره و طبعا حرام جربت موبيل اكس اتش بي العربية اتكتمت و صوتها عالي و السحب مش زي الاول بيقولوا بيعمل 3000 في البنزينة و الناس كلها بتعمل بية 5000 و محدش اشتكي فياريت لو حد بيفهم كويس في الموضوع دا يدينا فتوي في افضل زيت موتور و يكون برضة حنين شوية و بلاش ونبي الانواع الغريبة الي تجيب اجل الموتور بسرعة

تم تغيير العنوان بواسطتي
مشرف القسم

[liquidator]

والله يا أخي أنا مش خبير في موضوع الزيوت ده بس أنا هاقولك علي تجربتي الخاصه ... أنا معايا ماتريكس و دي موتورها هو هو موتور الفرنا ال 1600 و كنت طول عمري باحط موبيل 1 لأن غبور كان بيستعمله زمان و لما غير و بقي يتعامل مع شل بقيت أحط شيل ألترا ... و النوعين بيسموهم ( Fully synthetic ) يعني زيوت تخليقيه يعني مش معدنيه و دي ميزتها انها بتناسب كل درجات الحراره بدون تغير في الأداء و عمرها طويل و بتستحمل عدد لفات كبير للموتور في الدقيقه بشكل كبير جدا ..
و مع ان الاتنين تقريبا زي بعض بس أنا لحظت فرق بين النوعين ... صوت الموتور أهدا كتير مع شيل ألترا بس الباور بتاعت الموتور أحسن مع موبيل 1 ,التخبيط اللي الواحد بيسمعه في الموتور الصبح و العربيه بارده أقل شويه في شل الترا عن موبيل 1

و علي فكره موبيل 1 كان 0w-40 و دلوقتي هو 5w-50
و شل ألترا كان 15w-50 و دلوقتي هو 5w-40

و أعتقد ان النوعين كفائتهم عاليه لانهم الاتنين زيوت تخليقيه ..
و ابعد بقي عن الزيوت المعدنية دي خالص لأن أدائها مش ثابت في كل الظروف و بتسمح بتأكل المحرك بشكل أكبر ...

[mer_man]

شكرا يا اخي بس ممكن سؤال حضرتك بتغير الزيت سواء الشيل او الموبيل كل كام كيلو او وقت اد اية و بقالك قد اية ماشي عليهم(زمن و كيلو متر) و هل كشفت علي الموتور من قريب علشان شوف تاثيرهم؟ و شكرا جزاكم الله كل خير

[liquidator]

أنا بغير الزيت كل 10000 كيلو في التوكيل و أنا أصلا باعمل حوالي 20000 كيلو في السنه يعني بغير زيت كل 6 شهور ...
عربيتي عامله دلوقتي 70000 كيلو و صدقني الزيت بيعد ال 10000 كيلو من غير ما ينقص نقطه واحده و شكمان العربيه لسه بيطلع ميه لحد دلوقتي ... ده غير ان المهندس كشف علي كفائة المحرك في التوكيل و ألي انها لسه بحالت الزيرو و كنت لسه قريب مغير بوجيهات في صيانة ال 60000 كيلو و طالعين نضاف و لونهم أبيض و مافيهمش ولا نقطة زيت محروقه ... ربنا يحميها و تعيش كمان و كمان !!!
كنت بحط موبيل 1 لحد ال 30000 كيلو و بعدين غيرت لشل ألترا و بستعمله لحد دلوقتي

[mer_man]

ربنا يكرمك طيب سؤال يحصل اية لو مشيت علي موبيل1 اكتر من 6 شهور لاني ساعات مش باعمل بية غير 5 الاف كيلو في 6 شهور فبيكون حرام عليا انزلة

[liquidator]

بص هو أنا ماجربتش بس أعتقد ان خواصه بتنهار مع الوقت و لزوجته بتروح فخلي بالك من الموضوع ده

[mer_man]

مم دية بقي المشكلة انه حرام انزلة علي 5 الاف كيلو علشان كدا بادور علي بديل كويس و محترم حتي الاكس اش بي مش مش قد كدا و معلي صوت العربية و عزم وحش و مش بيلم الكربون و نواتج الاحتراق زي الموبيل1 لانة مش بيسود خالص غير بصعوبة و دية حاجة مش كويسة زي الناس ما هيا فاهمة

[liquidator]

و للأسف أي بديل لحالتك هايبقي زيت معدني ... و الزيت المعدني طبعا مش كويس أوي .. مفيش غير انك تغير الزيت كل 6 شهور زي ما أنا باعمل حتي لو ماعملتش ال 10000 كيلو دا اذا كنت ناوي تخلي عربيتك تفضل عذراء !!!

[mer_man]

شكلها كدا و امري الي الله تعرف ان فية زيت تعاون تخليقي محترم جدااا اسمة تعاون 1 توكيل بيجو في اسكندرية بيستخدمة 5w40 في واحد صحبي بيحطة في عربية بيجو 405 و عامل بيها حوالي 130 الف كيلو و بيبهدل عربية ماسح بيها الارض بالرغم من كدا الله اكبر موتور عربية تحس انة جديد بس بحوالي 200 جنية برضة زي الموبيل و سيبك من مصر امارات و الماركات العجيبة

[mer_man]

و بالمناسبة انصحك بموبيل لان موبيل بيتحمل درجات حراره اعلي من شيل دا غير ان العالم كلة بيستعمل موبيل و الزيت رقم 1 في العالم كلة

[liquidator]

و ماتنساش ان شل ألترا هو الزيت الوحيد اللي بتنصح بيه فيراري !!!
علي العموم أنا بتعامل مع التوكيل و اللي بيحطوه أنا مش باعترض عليه , يحطوا بقه موبيل 1 أو شل ألترا مش بتفرق قوي معايا المهم انه تخليقي ... و علي العموم شكرا علي النصيحه و أوعدك اني هاجرب موبيل 1 بعد ما غيروا مواصفاته من 0w-40 الي 5w-50 و ربنا يسهل ....

[mer_man]

موبيل 1 الي موجود في mobil1 center في كل اسكندرية مواصفاتة5w50 انا ما شفتش الي بتقول علية دا خالص و خلي بالك اذا كان شل بنصح بية فيراري فا موبيا 1 بتنصح بية كل السيارا الالمانية بما فيها مرسيدس و السيارات الامريكية بكل ماركاتها دا غير انة الزيت الوحيد الي معاه رقم او رمز الapi sm بينما الشل الرقم او رمز api sl و ممكن تاكد من العلبة و التعليمات الي عليها و بالمناسة الموبيل هوا الوحيد الي بيدي نوع او جودة الخدمة دية في مصر و دية اعلي خدمة زيت في العالم كل بعدها يجي ال sl ,sj,sh sg

[liquidator]

يا سيدي بالراحه ماتزعلش نفسك أوي كده خالاص هاغير لموبيل 1 بس انت ما تزعلش نفسك ... موبيل 1 كان 0w-40 لفتره كبيره و كان غبور بيستعمله و تقدر تسألهم في غبور و هما هايقولولك ... بس المشكله اني سمعت اشاعات ان موبيل 1 في مصر مش كويس لأنه مش بيتم تعبئته بطرق علمية و دا اللي خللي غبور يغير لشل علي حسب ما قالولي في غبور ...

[mer_man]

ولاهي لو علي كدا ممكن بس خلي بالك موبيل شركة كبيره يعني لو شمت خبر حي...... بهدلوا موبيل مصر دا اولا ثايا كل دول الخليج بتستعمل موبيل 1 صناعة مصر و ممكن تتاكد بنفسك و طبعا اخونا العرب موارهمش غير العربيات العنيفة و المواتير و الحرق و الهبالة و الجري ثااثا الشيل برضة تجميع مصري مفيش بس غير شل الازرق النصف تخليقي دا الي بيجي من برة بعلبتة و ممكن برضة تاكد و موجود في غبور اسكندرية و تمنة 140 جنية و بيمشي 5 الاف كيلو و الله اعلم

[liquidator]

علي العموم شكرا علي المعلومات دي و ان شاء الله هاجرب موبيل 1 و أقول لك